|
مواقف وذكريات الامتحانات.
مواقف الامتحانات :020:
كيفكم بنات ... انا امر حاليا بازمات وانهيارات وعواصف رعدية وقريبا بتحول لتسونامي خطير:009: . تدرون ليش؟؟؟ لان امتحاناتي بعد كم يوم.17. وقلت مالي غير خواتي في المنتدى يدعموني ونتبادل خبرات<<< ؟؟؟ قصدي نطرح مواقفنا المحزنة والمضحكة وقت الامتحانات .عشان نفرفش وراح ابدا بسم الله والله اكبر<<<باقي عايشة اجواء عيد الاضحى حصلي موقف خطير السنة الماضيه كان عندي امتحان صعب كثير ويامحاسن الصدف تعبت كثير وقت الامتحان ومادري وش حليت يعني كنت دايخه وحالتي صعبه . المهم اني بعد ماخلصت امتحاني طلعت من القاعة من دون مااوقع في ورقة التوقيع. يعني كاني ماحضرت للامتحان.لان التوقيع لتاكيد حضورك وماذكرت الا لما رجعت للبيت وتخيلوا حالتي. يعني قلت راح احمل المادة اكيد وجلست ابكي وادعي طووووووول اليوم والحمد لله انتهت قصتي على خير.. في انتظار مواقفكم وتجاربكم خواتي :005: وايضا اتمنى نتناقش عن الامتحانات وهل هي ضرورية ؟ فبنظري ان الامتحانات ليست مهمه بل الاهم هو التعلم لاننا اذا ذاكرنا للامتحان للاسف الشديد ننساء ماحفظنا بعد الخروج من الامتحان ولهذا السبب انا لاارى ضروره للامتحان!!وهذه وجهة نظري.. |
السلامـ عليكمـ ورحمـة الله وبركـآتـهـ ..
موضوع جميـل أختـي .. تحلـو ليـ منـآقشـة هالمـوآضيـع .. [= تركـتِ نهـآيـة قصتـكـ مفتوحهـ وأخذتنيـ الإحتمـآلات لكـل جههـ .. يـآريت نعرف وشـ صـآر بعد كـذآ .. ^^؛ تدريـن يـآكثر الموآقف اللي تصيـر أيـآمـ الإختـبـآرات ..! خـآصهـ إن النفسيهـ تكون متوترهـ والأعصـآب مشدوده ،، المفروضـ نقـول وشـ المـوآقف اللي مـآقد صـآرت لكـ ..!! أذكـر مرهـ خلصـت امتـحـآنـي يومـ الأربعـآء وطلعت مبكرهـ على أسـآسـ أدرس للمـآدهـ الجـآيهـ كـآنت ريـآضيـات ..! المهمـ بديـت من البـآب الأخيـر لأنهـ كـآن أصعب بـآب بالنسبهـ لي وبدون مبـآلغهـ خلص يومـ الأربعـآء و أنـآ أدرسـ هالبـآب يومـ خلصـت منهـ وانتصف الليـل إلا ويجنيـ مسجـ بـآرد على جوالي " إن كذا وكذا من البـآب الأخير ألغتهـ الأستـآذه يبدو لي بعد ماطلعتِ فحبيت أعطيكـ خبر " ..! معقولهـ جزء بالأهميهـ والصعوبهـ يحذف بدون سـآبق إنذار وبـآخر لحظهـ وبدون علمـ ربـع طـآلبـات الفصـل .. !! بجـد انهرتـ ذيـك الأيـآمـ خآصهـ إن الجزء المحذوف كـآن كبير مثـل مـآقلت والوقـت اللي رآحـ أكبر ..!! لكـن الحمدلله رضيت بالقضآء وكملت بـآقي المنهجـ وعدت على خير ....} ذكرى مريرهـ جـآبهـآ هالموضوعـ ..P= شكرا ً يالغـاليـه بانتظـآر مواقف البقيهـ .. |
شكرا لك يالغلا .. جد
موضوع يونس الصدر اذا كانت الذكريات حلوه ويارب يكون القادم احلى .. ^^ .. انا دووم تصير لي مواقف مع هالمقلمه يا تضيع يا مافيها اقلام .. بس والله مايحضرني شي .. ^^ .. عرووووب اووووووووووووووووووووووب والله حرام .. عسا ماضاق خلقك .. >< يوه جد تعب انا بالياله اذاكر اجل اذا راح وقت وانا اذاكر .. يمكن تجيني حاله بكبرهـ .. .. انا اذكر موقف لاختي راحت للامتحان على اساس عليها ماده نسيتها والله .. طلع هي ذاكرت مادة بكره مو اليوم صار عندها انجلش .. كان يوم الثلاثاء اظاهر .. انجنت تخيلي تدخل تلقا الكل لاهي يذاكر انجلش راحت للمديره وقالت لها .. مي هي قالت للمديره صديقتها .. الموهيم انا مادريت الا بالفترة الثانيه كان عندنا املاء كنت بثالث متوسط .. والله العظيم جد زعلت تخيلي كم جبت 25 من 30 بغيت انجن انا الثانيه لكن الحمد لله مرت على خير .. هذا الموقف عمري ما انساه .. يوم درت صديقتي تقول قمت اصلي الفجر رحت اتأكد من الجدول انتبهوا انتم .,. ^^ .. ومشكوره يالغاليه على موضوعك العسولي .^^ |
هلـا آختـــــي الغـــاليهـ ياحلـــوهــا ذيــكـ الايـــــــام آيام رائعــهـ بجـــــــد / \ من ضمـــن المواقف العصيبــــهـ اللـــيـ مستحيــــــــل آنســـــــاهـــا .. وآنــا فيـ ثانــي متـــوسط .. كــان علينــا آختبـــــــار(جغرافيــا) وآنا درست (تــاريخ) ولمـــا دخلت للجنـــهـ ودريت آنصدمت من الموقف وقعدت آبكـــي وقالت لي المدرسهـ آختبـــــري وآكتبـــي اللي تعرفينهـ .. وتوكـــلت على اللهـ ودخـــلت الامتحـــان .. وخبصت تخبيــص بس الحمـــد للهـ مشى حالــــــي وجبت درجهـ على الحفهـ بس حمدت ربــــي آنهــا مو مـادهـ صعبهـ .. / \ ومن ناحيهـ ثانيهـ فالـآختبــــــــارات ضروريهـ لـأنهـــــا هي التـــــي تثبت المعلومهـ آكـــثـــر .. موضــوع جميــــــل آسترجــ ع ـــنا فيهـ آيــــــــام المتوسط .. آلف شكــــــــر ... // \\ |
عروب ياقلبي وش ذا الموقف
من جد صعب الله يعينك ومشكوره على مشاركتك الرائعة مثلك . هتون اختي فرحت كثير بمشاركتك تسلمين اسمك منور يالغالية وياما يصير ان وحده تذاكر ماده ثانية الله يستر لايصير لي عاد انا ماني ناقصه مواقف.25. |
ورحل ابي
اسعدني كثير مرورك ومشاركتك وفرحت لان قصتك انتهت على خير. مشكوره ياقلبي . |
أنا من رايي في وقت الإختبارات إننا نترك كل شيء وندرس ونحط في بالنا إن دراستنا دنيا ودين
ونتوكل على الله مع الفعل بالأسباب النوم المبكر وأزين وقت للمذاكرة بعد صلاة الفجر لأن الرسول داعي في هذا الوقت فتدخل المعلومة بسرعة وتثبت والمراجعة بعد صلاة الفجر وعدم التوتر وقراءة الأدعية قبل وبعد المذكرة والله يوفق الجميع ... |
الوفاء طبعي ... معاك حق في كل كلمة قلتيها وبالذات المذاكره الفجر تثبت المعلومات .. اسعدتني مشاركتك القيمة مشكوووووره اختي. |
الموقف الثاني:
كان عندي امتحان والماده سهله جدا وكنت مذاكره كويس وزعوا الاوراق وكنت انا جالسه في اخر القاعة فجأه صرخت وحده من صديقاتي وكانت جالسه باول القاعه وجلست تناديني وتكلمني وتقولي شوفي السؤال الاول معنا؟؟ المهم انا انصدمت من ردة فعلها اول شي انا ماوصلتني ورقة الامتحان لاني جالسه في الاخير وهي تسألني بصوت عالي وهو ممنوع الكلام في القاعه ثاني شي صديقتي كانت معرفتي فيها سطحيه جدا فأستغربت انها تسألني انا بالذات! المهم جلست تعيد السؤال اكثر من مره وكنت انتظر توصلني ورقة الاسئلة فلما وصلت وشفت السؤال الاول انصدمت واشرت لها براسي انو لا السؤال مو معنا يعني مااخذناه في المنهج المشكلة ان الامتحان عليه 30 درجه وهو سؤالين بس . والطريف في الموضوع اننا قلنا للدكتور ان السؤال الآول مااخذناه وماصدقنا !!!!! مااقول غير الحمد لله على كل حال.... |
ها نظام الجامعات كذا ماتضمنين حقك زي المدرسة
|
| الساعة الآن 06:21 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.