منتديات بنات دوت كوم - يابنت أرجوك ما أقدر..

يا بنت أرجوك أنا ما أقدر كفاني ماضي الغلطات..
أخاف الله يعذبني وأنا خواف يابنيه..

وأخاف ابساعة اللذه يجينا هادم اللذات..
وياخذ من حشى جوفي بقايا روحي الحيه..

أنا ليٍِِِِِّه ثمان اسنين وأنا مدمن على الشهوات..
ديار الفسق حاستها مواطي تحت رجليه..

عيوني من كبر همي تخلط الدم والعبرات..
مسيل الدمع من عيني حفر بالخد ماريه..

صحيح أنك جميله بس تبنا من هوى الزينات..
تركنا الحب غصب وطوع للعين الشقاويه..

يابنت أنتي على بالك أبأخذ من بنات الشات؟
أجل مجنون أنا يابنت اشيل العقل بيديّه؟

ترى أكبر شيء يربطني معك جوال أبو شاشات..
وهاتف ينقل أشواقي على نبرات سلكيه..

وترى كل العلوم اللي عطيتك بالهوى كذبات..
وحتى دمعتي يوم الفراق الصعب كذبيّه..

هذاك اليوم ماهلت عيوني لأجلك الدمعات..
لأن الدمع ما ينثر بقصة حب وهميه..

أنا أضحك معك..وأضحك منك ..عليك أكثّر الضحكات..
كأني بالهوى جني..يعبي رأس جنيه..

وأنا ماني بخكري يلبس القمصان..والشرتات..
ويفرح قلبه المسكين إذا حب الدوينيه..

أنا من لابة أروت ضمايا سيوفها الغزوات..
خلايا جسمنا عاشت على دم القبيليه..

ودهنتي شعرك الأسود بألوان من الصبغات..
وعيت تقبل الصبغه ملامحك الخليجيه..

وحشرتي ردفك المسكين بالبنطال..والجنزات..
خلاقين تصنعها مزاجات اليهوديه..

عشاني ميت في ثغرك الأحمر أبو لمعات..
تحسبيني أبرضخ لك لأن شفاك ورديه؟

ورب الكون ماأرضى فيك لوأنك شيخة الحلوات..
وإذا صمل علي العلم أكب أرض السعوديه..

يابنت الناس عزك في سواد يستر العورات..
وعزي في شماغ أحمر ..وثوب أبيض..وطاقيه..

سعوديين نفخر في عبايات السعوديات..
نغض الطرف إجلالً إذا شفنا السعوديه..

وخليجيين نفخر في عبايات الخليجيات..
نغض الطرف إجلالً إذا شفنا الخليجيه..