منتديات بنات دوت كوم - يَومِيَ الْرَمَضَانِي .. 12\9\1431هـ ..

تحية الله عليكن أخواتي العزيزات ..

مسائكم
.......صباحكم
............إيمانيات وروحانيات

أولا أعتذر عن تأخير إنزال الموضوع ولكن لظروف صادفتني..

أدخل ع طول ع الموضوع لاني مب فالحة ف المقدماات !!

تررررررررررررن الساعة 3 .. رن المنبه قمت وسكرته .. وبعد كذا رن مرة ثانية رسالة تذكيير يومياتي ع بنات.كوم ..

قمت صليت لي ركعتين .. ويوم جييت أبى أبدأ ف التصويير ..تك الكام ما فيها شارج ><" يوووؤ يعني ما لقى غير احينه يتسكر !! ..
ماعليه راح أصور بعدين !

جلست أقرأ قرآن لين ما يت عاملتنا تقولي انه تأخرت أروح أتسحر !! .. قمت و رحت أتسحر

ولقييت السحووور عييش و سووب دجاااج ..
ما حسيت نفسي مشتهية ..
وحسيت نفسي اشتهي ويتابكس و عسل !! ..
قمت خذيتلي الكمية اللي تكفيني و أكلته =) ..
بعد كذا خذت كوبي العزيز المملوؤ بالماء !! لآخذه ع الغرفة واشربه بعد ما أفرش أسناني و أتوضأ ..
و بعد كذا تمييت أقرأ تسخين للحفظ قبل لا يأذن .. وبعد الآذان قمت وصليت الفجر ..
وبعد الصلااة تميت أحفظ ليين ما خلصصت المقرر..

وبعد كذا عاد بديت أصور !! ..
سجادتي العزيزة!<<هدية من عمتي ربي يحفظها ..

http://www.up1up2.com/upfiles1/XJD47670.jpg

مصحفي العزيز ..

http://www.up1up2.com/upfiles1/SxZ46108.jpg

سحوووري !! ..

http://www.up1up2.com/upfiles1/5qj46164.jpg

سحور أهلي (ربي يحفظهم ويخليهم)

http://www.up1up2.com/upfiles1/9eH46212.jpg

كوبي العزيز !!

http://www.up1up2.com/upfiles1/dzM51662.jpg

وقت الحفظ ..

http://www.up1up2.com/upfiles1/c0j47508.jpg

بعد التصوير إجت الساعه 6 تقريبا .. رحت أنااااام ..
نمممممممت للساعه 9 ونص إجت ماميتي (الله يخليلها لقلبي)..تصحيني عشان أتجهز..

http://www.up1up2.com/upfiles1/yYm46349.jpg

وأروح المسجد عندي حلقة حفظ و تسميع .. وصلت وجلست اشووي ارااجع وأخيرا جا وقت التسميع !! (دعوااتكم ليي)

http://www.up1up2.com/upfiles1/dE951922.jpg

وبعد التسميع جلسنا جلسة ويا النات سولفنا اشوي و تبادلنا بعض الآراء و أذن الظهر قمنا نصلي جماعة فالمصلى ..

http://www.up1up2.com/upfiles1/Ky552021.jpg

ولمن خلصنا إجت خالتي تاخذني أنا وبنتها وبنات خالتي الثانية << قصة حيااة !!

و ف السيارة حضرة الأخواات العزيزاات تمو يخططوا ياخذوني عندهم أفطر !! ..وكلموا أمي والحمدلله وااافقت =) ..

ورحنا لبيتهم وريحنا شوي ..

http://www.up1up2.com/upfiles1/e7U46268.jpg

وبعد كذاا .. إجت بنت خالتي تبى ترووح الستي تشتري بعض الاشيااء ع السريع .. ورحنا معها أنا وبنت خالتي =) ..

http://www.up1up2.com/upfiles1/aoD52252.jpg

وكاانت هذي بعض نتااج المشتريااات =) ..

http://www.up1up2.com/upfiles1/OuK46854.jpg

وجلسنا شوي و أذن العصر صلينا .. وبعد الصلاااة رن جوااالي .. صديقتي العزيزة اتصلت فيني =) .. رمستها وشوي و خططنا لشيء << سر p: .. وبعد كذا رحنا صلة الرحم لبيت خالتنا! .. زرناها شوي ونسناها ورجعنا قبل المغرب بشوي ..

أنتظرنا الآذان و الحمدلله (اللهم لك صمنا وعلى رزقك أفطرنا ذهب الظمأ و ابتلت العروق و ثبت الأجر إن شاءالله)

طبعا نسيت أصور الفطور ف البداية و بعدين تذكرت و خذت الكام ويا بنت خالتي ورحنا المطبخ نصوور البقايا عااد !! و العاملة مستغربه شو يسووا هذوول !!

http://www.up1up2.com/upfiles1/6JX52519.jpg

هذا كاان بالنسبة للافتتاحية أما العشااااء ...

http://www.up1up2.com/upfiles1/Wyl52553.jpg

وعاااد أحلى شييء التبووووووولة يمييييي يسلمو ايديكِ خالتي ..

http://www.up1up2.com/upfiles1/EOc52606.jpg

و بعد كذا أذن صلاة العشاااء صلينا العشاء مع التراويح << كان خااطري ارووح المسجد بس قدر الله وما شاء فعل =) ..

يوم خلصنا نصلي بغيت أتجهز عسب يرجعوني البيت بس ما رضوا أرجع إلا بعد ما آكل آيس كريييم !!

http://www.up1up2.com/upfiles1/llr52734.jpg

وبعد كذا عااد رجعووني البيت =) .. و أول ما وصلت ما لحقت أدخل البيت لقييت أبوي ربي يحفظه ف السيارة وطلعت معاااه شوي مشواار .. ورجعت البيت ع طول ع اللاب توب .. نزلت الصور و عدلتهم ع الفوتوشوب بس للأسف صارت ظرووف و ما لحقت أنزل الموضوع .. و بعد كذا وصلت الساعه 11 رحت للغرفة غيرت ملابسي و وراجعت حفظي و ووو تصبحووون ع خييييير =) ..

هذا بالنسبة ليومياتي ..
أتمنى انه عجبتكم << ما اعتقد !! ><"

ملاحظة: كنت حاطة الموضوع بأسلوب رائع جدا و مشوق لكن يوم جيت أبي أنزل الموضوع و خلصت كل شيء الله يهداه الموقع اونه يقولي انا ما مسجلة دخول و نحذف كل شيء و اضطريت اعييد الموضوع مرة ثانية بس عدته وانا متعصبة فما طلع اوكييه زي الأول .. لذلك رااعووني !! ..

ختاما أسأل الله لنا إتمام الشهر و أن يجعلنا من المرحومين في أوله و المغفورين في أوسطه ومن عتقائه في آخره .. اللهم آآآميييين ..

آرائكم .. انتقاداتكم .. تقيمكم .. دعواتكم == تهمنييي ..

ودي لكن ..