الجزء التاسع
حسن الي تعب يدور عبد العزيز وما لقاه : ما الي الا اروح له البيت .... لالا اليوم بالشركه راح اشوفه
:::::::::::::::::::::::::::::::::::::::::::::::::: :
ابو سالم : اقول عن الهذره الزايده واليوم تداوم بالشركه
محمد : يبه هاذي اجازه بعدين الي بالشركه ما يكفونك يعني
ابو سالم : انت ما منك فايده هذا اولاد عمتك داومو من امس ليش منت مثلهم
محمد بأستسلام : خلاص يبه ما يصير خاطرك الا طيب اليوم اداوم بالشركه
ابو سالم : اليوم الساعه اربع انت بالشركه
محمد : انشاء الله
:::::::::::::::::::::::::::::::::::::::::::::::::: :::
حسن رجع من الجامعه على الساعه 2 وراح على طول لغرفته يرتاح له ساعتين قبل لا يروح الشركه
وعلى الساعه 4 اتصل على عبد العزيز على امل انه يلاقيه بس نفس الشي لقى جواله مقفل في النهاية استسلم وقام اخذ له شاور علشان يروح الشركه
ولما خلص شاف في جواله 3 مسكولات اتمنى انه لما يفتحهم يكونوا من عبد العزيز بس كانوا من محمد ولد خاله
حسن : هلا محمد
محمد: وينك انت ؟؟
حسن : بالبيت ليش ؟؟
محمد : صار الي نص ساعه وانا ادق عليك
حسن : كنت اسبح
محمد : المهم انت متى رايح الشركه ؟
حسن : الحين طالع لكن انت وينك ليش ما داومت ؟
محمد : اليوم بداوم والله اني متحسف على اجازتي اللي راح تروح بالشركه
حسن : زين انت احمد ربك على الاقل انت احسن مني انا من الجامعه للشركه على طول
محمد : ههههه والله محد قالك خبري فيك دافور
حسن : دافور في عينك شكلك ناظلني علشان كذا ما نجحت
محمد : اقول عن الهذره الزايده وبسرعه انا انتظرك على الباب
حسن : ياللا جايلك
:::::::::::::::::::::::::::::::::::::::::::::::::: ::::::::::
وصلوا الشركه واول شي سواه حسن راح يشوف عبد العزيز وما شافه وراح لفهد
فهد : هلا حسن
حسن : هلا والله وش اخبارك ؟
فهد : الحمدالله
محمد وهو يدخل من الباب: فهد اسمع انا سالم ما ابيه ابيك انت يا اخي شكله متحلف فيني
حسن : ههههههه وانت مفكر انك يعني اذا خليت فهد اهو الي يعلمك بتسلم يا اخي كل واحد العن من الثاني وشكلهم متحلفين فينا ثلاثتنا
محمد : يعني رحنا وطي
حسن : فهد الا صحيح وين عبد العزيز
فهد : عبد العزيز ماداوم اليوم الوالد شافه تعبان وقاله لاتجي الشركه
حسن في خاطره : لهدرجه يا عبد العزيز ما اتوقعت انك رافض الزواج من اختي لهدرجه والله مسكينه يا مها
حسن : طيب اهو ليش مقفل جواله
فهد : والله ما ادري عنه
حسن : طيب وينه الحين اهو بالبيت ؟؟
فهد : ايه بالبيت
حسن : متأكد ؟
فهد : ايه متأكد لأن كل ما تحرك من مكانه مسكته الوالده ولا تخليه يتحرك
حسن : طيب انا رايح له
فهد: لا يا بابا وش تروح له هو دخول الحمام زي خروجه الحين دوام وما في طلعه قبل لا يخلص الدوام
حسن ورافع حواجبه : لا يا بابا بروح " ويدز محمد عليه " خذ هذا اتولاه اليوم طلع كل مهاراتك فيه
وطلع حسن رايح لعبد العزيز
محمد وهو يناظر فهد : هلا ولد عمتي وش خبارك وش علومك
فهد : هاهاهاهاهاها ما يفيدك راح تبدأ الشغل من هالدقيقه على طول
:::::::::::::::::::::::::::::::::::::::::::::::::: ::
عبد العزيز جالس بالصاله مع ام فهد الي مو مخليته يتحرك وكان يبين عليه الارهاق لأنه ما نام الا ساعه وجالس من الصبح وما اكل شي
عبد العزيز : يمه صدقيني مو مشتهي خلاص انا اذا جعت راح اقولك حطي لي اكل
ام فهد : ما يصير ياولدي من اكلتك امس وانت ما اكلت
ورن الجرس
ام فهد :وين رايح
عبد العزيز : بروح اشوف من الي في الباب
ام فهد : خل عنك انت ارتاح الحين الخادمه اتشوفه
وشوي دخل حسن
حسن : السلام عليكم
عبد العزيز وام فهد : وعليكم السلام
عبد العزيز ما قدر يحط عينه بعين حسن
ام فهد : زين انك جيت يا ولدي تعال اجلس معه صاير مثل البزران ما راضي ياكل
حسن : ولا يهمك يا خالتي
ام فهد قامت وراحت المطبخ
حسن : وشلونك
عبد االعزيز : بخير الحمدالله
حسن : لهدرجه عبد العزيز ؟؟
عبد العزيز بدون ما يناظر حسن : لا بس انا اصلا تعبان لأني مانمت البارح زين واليوم جالس من الصباح بس الوالد والوالده الله يهديهم لازم يكبرون السالفه
حسن : ليش قافل جوالك من امس ادق عليك
عبد العزيز : ما فيه بطاريه وما شحنته
حسن : عبد العزيز طالع فيني ليش لاف وجهك عني
عبد العزيز ولف وجه يناظر حسن : حسن اسمعني انا صحيح بالبدايه ما كنت احبك بس الحين ما اقدر اسوي شي بدونك ويمكن الشي الي خلاني اتعب اني ماكنت اقدر اكلمك في هالشي علشان كذا انا تعبت ابي احد اتكلم معاه وما لقيت
حسن : وليش ما تقدر تكلمني هذاني جالس عندك تكلم قول كل شي تبي تقوله وصدقني راح افهمك لأن اثنينا بنفس الموقف
عبد العزيز : حتى لو كنا بنفس الموقف تبقى مها اختك واكيد ما ترضى عليها
حسن وهو يبتسم : ليش كنت ناوي تسب اختي ؟؟
عبد العزيز طالع حسن بأستغراب : لا والله بس مهما كان هاذي اختك
حسن : ههههههه ليش خايف امزح معك والله
عبد العزيز ويبتسم لحسن : والله اني ادري ان محد بيطلعني من هالحاله الا انت
حسن : علشان مره ثانيه تعرف قيمتى ولا تقفل جوالك
عبد العزيز : لا توبه اخر مره صدقني
حسن : اقول انا تراني ميت جوع ما تغذيت جيت هلكان من الجامعه ونمت عبد العزيز : أي والله شكل هالشيبان متوعدين فينا
حسن : الا قول المتوعدين فينا سالم وفهد .... بس يالله قوم عازمك على الغذا لا تموت علينا
عبد العزيز: بس دقايق انتظرني اروح ابدل ملابسي واجيك
حسن : اسمع تلبس ثوب وشماغ
عبد العزيز : وليش انشالله ؟؟
حسن : مو بس انا الي البس
عبد العزيز ويأشر على خشمه : على هالخشم
دقايق وبعدها نزل عبد العزيز وكان لابس بنطلون جينز اسود وقميص رمادي
حسن : لا ما فيه " ويقلد عليه " على هالخشم
عبد العزيز ورجع لنشاطه : هههههههه يالله امش تراني ميت جوع من امس ما اكلت شي
حسن : يالله صدقني راح ااكلك بمطعم عمرك ما اكلت فيه
عبد العزيز : هههههههه يالله ورني
وهم طالعين شافتهم ام فهد
ام فهد : ها وين رايحين
حسن : والله يا خالتي انكم على نياتكم الحين عبد العزيز يدلع عليكم علشان لا يروح الشركه وانتو صدقتوه شوفي ها كنه سبال ينطنط ما فيه شي
عبد العزيز وهو يدز حسن : سبال في عينك
ام فهد : بس انت ما اكلت شي يا عبد العزيز بتتعب كذا
حسن : ما عليك منه خالتي توه الحين يقولي قوم بعزمك على الغذا
عبد العزيز : والله انك كذاب ما عليك منه يمه اهو الي قال الي انه بيعزمني على الغذا
ام فهد : الله يوفقكم يا عيالي
وطلع حسن وعبد العزيز من البيت
في السياره
عبد العزيز : الا قولي كيف اتركوك سالم وفهد تطلع من الشركه ؟
حسن : ومن قال انهم اتركوني وبعدين عندهم اليوم محمد يتفنون فيه على كيفهم
عبد العزيز : ههههههه محمد داوم اليوم ؟
حسن: ايه داوم
عبد العزيز : وين رايح أي مطعم الي بهالشارع ؟
حسن : هههههه الحين تشوف احلى مطعم
عبد العزيز لما وصلوا لبيت عمه : لا هذا احسن مطعم ؟؟
حسن :محد قالك البس بنطلون بغذيك في بيتنا وبعدين طباخ امي احلى من احسن مطعم
عبد العزيز : اما في هاذي انا اشهد يا اخي امك عليها طباخ عالمي
حسن وهو نازل من السياره : عيب لا تقول امك قول خالتي
عبد العزيز : اسف عمي اخر مره ما اعيدها
دخلوا البيت وكانت ام حسن جالسه بالصاله لوحدها
عبد العزيز سلم على خالته وحب راسها
ام حسن : وش لونك الحين انشالله احسن
عبد العزيز : مسرع ما انتشر الخبر صدقيني خالتي ما فيني شي شوفيني بخير ما فيني شي
حسن : بس انت يمه اكليه من طباخك وهو يصير قرد ينطنط هههههه
عبد العزيز : انت وش فيك على قرد وسبال الناس تقول حصان غزال مو سبال وش شايفني جالس انطنط لك
حسن : هههههههههههههه خلاص يمه احنا فوق بغرفتي اذا جهزتوا الغذا نادوا علينا
ام حسن : انشالله ياولدي
وهم طالعين الدرج كانت إرم ومها وعُلا لابسيين عباياتهم ونازلين
عبد العزيز نزل راسه وقال السلام وبسرعه طلع الدرج
حسن : ها مها وين رايحه
مها : رايحين السوق
ولا ارادي لف نظره لإرم عطته إرم نظرات ونزلت بسرعه
وكمل حسن رايح لغرفته لقى عبد العزيز ينتظره بالصاله الي فوق
عبد العزيز : لا كان انتظرت بعد
حسن : ليش شفتني فتحت معهم سالفه يعني كل الي سويته اني سألت اختي وين رايحه
حسن وهم داخلين الغرفه : لكن والله هالإرمهيب هينه يا اخي عليها نظرات استحقار اتخليك كاره نفسك
عبد العزيز : اتعلمني فيها والله انها راح اتجيب فيك العيد
حسن : راح نشوف من الي راح يجيب العيد في الثاني
عبد العزيز ومتعمد يقهر حسن : خلك من البنت تراك منت قدها
حسن : اقول يازينك ساكت بس "ويقلد عليه " منت بقدها
عبد العزيز : هههههههههههههه والله انها مو هينه انا الي مستغربه كيف وافقت
حسن : ومن قالك انها وافقت
عبد العزيز : ما فهمت
حسن : يعني حالها حالنا عادي
عبد العزيز : اكملت اهي من البدايه شكلها مو طايقتك مو بعد الحين بزوجوها ياك غصب
حسن : الله يستر شكلنا راح ننام بخناقه ونصحى بخناقه
عبد العزيز : والله اني خايف عليك منها ههههههههه
حسن : احلف انت بس ؟؟ خايف علي منها
عبد العزيز : تدري عاد انا من قالوا انها لك والله قلت محد راح يكسر غرور حسن غيرها
حسن : اقول تراك مصختها لايكون شايفني بزر قدامك
عبد العزيز : هههههههههههههه لا والله بس عليها لسان والله انه اطول منها
حسن :ادري مجربه من قبل وبعدين ما كنك مكثر حكي عن الي تعتبر خطيبتي ؟؟
عبد العزيز بإنفعال : احلى وتغار بعد لا لا بدايه طيبه
حسن : عبد العزيز قم اطلع من بيتنا
عبد العزيز : لا لا توبه وبعدين انا ابي اتغذى
حسن : والله انك مصلحجي
:::::::::::::::::::::::::::::::::::::::::::::::::: :
في السياره عند البنات الصمت كان سيد الموقف وما احد منهم يتكلم يمكن لأن مها وإرم رايحين بعالم ثاني وعُلا احترمت سكوتهم وسكتت
ووصلوا السوق ويمكن من القهر الي فيهم ما في شي ما شروه ما خلو شي ورجعوا البيت بأكياس كثيره
:::::::::::::::::::::::::::::::::::::::::::::::::: ::::::
ابو سالم : خلاص يابو لؤي اشاور البنت واقولك
سكر ابو سالم من ابو لؤي ودخلت إرم مع عُلا
ابو سالم : حيالله بناتي تعالي عُلا ابيك
إرم كملت طريقها وراحت لغرفتها
عُلا : نعم بابا
ابو سالم اسمعي يابنتي تو الحين ابو لؤي مكلمني ويقول انه يبي الملكه يوم الخميس هذا علشان انه لؤي جاته بعثه لمريكا ويبيك تروحين معه يعني تسوون لكم ملكه كبيره بدال العرس
عُلا منصدمه من الكلام الي قاله ابوها : لا بابا انا ما ابي اسافر
ابو سالم : يا بنتي انا جاي اشاورك لا تخافين الي تبينه راح يصير
عُلا : طيب بابا هذا لؤي متى راح يجي من بعثته
ابو سالم : والله ما ادري يا بنتي يمكن يستقر هناك ويثبتون له شغله هناك
عُلا : لا مستحيل كيف اروح معه وهو ماراح يرجع
ابو سالم : شوفي يا بنتي انت فكري وترى لؤي ما يتعوض رجال والنعم فيه
عُلا وهي خايفه ان ابوها يغصبها مثل ما غصب إرم : لا بابا انا ما ابي افترق عنكم
ابو سالم : طيب وش تبيني الحين ارد على ابو لؤي
عُلا : قوله اني ما ابي اسافر
ابو سالم : انت متأكده من كلامك يا بنتي
عُلا : أي بابا متأكده
ابو سالم :على راحتك وانا بكره انشالله اتصل فيهم اعطيهم الرد
طلعت عُلا لغرفة إرم وهي مرتاحه انها ماراح تسافر او تبتعد عن اهلها
إرم : وش كان يبي منك البابا
عُلا قالت لها السالفه كامله
إرم : وليش انا غاصبيني يعني ؟؟ كل علشان هذا الي اسمه حسن
عُلا : تدرين الحمدالله اني ما طاوعتك وتكلمت معه بالتلفون كان الحين تعلقت فيه وما قدرت اتركه
إرم : والله واثقه انك كنتي بتحبيه
عُلا : ليش لا الكل كان يمدح فيه .... وبعدين خلاص ما الي فيه الحين
إرم : يا حظك بس احسك بالمره منتي بهمتمه يعني كانت ملكتك قريبه
عُلا : وليش اتأثر انا اصلا ما اعرفه علشان اتأثر اني خسرته
إرم : اقول بلا هذره فاضيه وتعالي نجرب الملابس الي شريناها
عُلا : أي والله نفسي اشوف عليك التنوره السودا
:::::::::::::::::::::::::::::::::::::::::::::::::: :::::::::::
ابو فهد : خلاص بس اول شي راح اشاور عبد العزيز واشوف اذا يناسبه الموعد
ابو حسن : خلاص وانا بعد اقول لحسن علشان نخلي ملكتهم بيوم واحد والا وش رايك يا ابو سالم
ابو سالم : والله انا ما عندي مانع وما اتوقع الاهل بيقولون شي احنا بس نخبرهم بتشوفهم على طول طايرين للسوق
ابو حسن : هههههههه صادق والله
:::::::::::::::::::::::::::::::::::::::::::::::::: ::
ابو فهد : ها وش قلت يا عبد العزيز
عبد العزيز : وش تفرق املك الحين والا بعد سنه نفس الشي ما افرقت وانتو الحين ما شورتوني لما خطبتوا بتشاوروني في موعد الملكه
ابو فهد وهو قايم ببرود يرد على عبد العزيز : اقول انت ما منك فايده بس جهز حالك الخميس الجاي ملكتك انت وولد عمك
وقام راح غرفته
عبد الله : خلاص يا عبد العزيز لا تسوي كذا وحاول انك تكسب ابوي ما راح تستفيد شي من الي انت تسويه لأنه ما راح يغير شي
عبد العزيز : بس والله هالشيبه يقهر يا اخي الحين اهو ما شاورني لما جا يخطب يشاورني الحين بموعد الملكه
عبد الله : طيب انت شاورك وعصبت ولو ما شاورك كان بعد بتعصب يعني نفس الشي
عبد العزيز : وانت الصادق والله نفس الشي ما راح يغير شي رحت والا جيت راح اتزوج ما فرقت
عبد الله : المهم مبروووووووووك الف لأحلى اخو
عبد العزيز : اقول يازينك ساكت بس ما ادري على ايش اتبارك
:::::::::::::::::::::::::::::::::::::::::::::::::: :::
الكل كان مجتمع على طاوله الاكل ويتعشون
نها : وش شريتوا من السوق اليوم انتي وبنات خالي
مها : هههههههه قولي وش ما شرينا
نها : المهم انا بكره ابي اروح السوق اشوف الخياطه وش سوت بفستاني وانتو متنب رايحين ؟؟
ساره : وانا فستاني وش صار عليه ؟
مها : والله ان انا حاسه ان احلى فستان راح يطلع فستانك ما ادري ليه
ساره : اصلا يكفي انا لابسته اكيد بيطلع احلى فستان
ابو حسن : انتو الحين تجهزون لعرس نها وهو باقي عليه شهرين وما جهزتوا لملكتك انت واخوك الي ما باقي شي عليها
مها انصدمت وصار وجها خالي من التعابير
اما حسن كان ياكل وهو ساكت ولما سمع ابوه يتكلم غص بالاكل
نها عطته مويه يشربها
حسن : يبه وش فيك مستعجل
ابو حسن : لا مستعجل ولا شي بس خلاص عمك وخالك حددوا ان ملكتكم انت واختك بيوم الخميس
مها ما تكلمت بس قامت من الطاوله وراحت لغرفتها
ابو حسن يكلم نها : وش فيها اختك
نها : ما ادري يبه يمكن علشان انكم ما عطيتوها خبر والملكه قريب وما جهزت نفسها
ابو حسن : هذا السواق عندكم روحي معها السوق وخلها تشتري الي تبيه
نها وهي قايمه : انشالله يبه انا رايحه اشوفها
حسن : يبه ما كأنكم مستعجلين على الملكه يعني الحين مره زحمه خليها بعد عرس نها
ابو حسن : والله عمك اهو الي قال لي وانا ما قلت شي
حسن وخلاص صارت ما تفرق معه : براحتكم
وكمل اكله عادي ولا كأن صاير شي
:::::::::::::::::::::::::::::::::::::::::::::::::: ::::::::
نها : وش فيك ؟؟
مها : ما ادري احس حالي خايفه
نها : عادي كل البنات كذا بس انت قولي لي متى راح نشتري الفستان لملكتك
مها : ما ادري
نها : خلاص بكره نمر إرم ونروح السوق ونشتري الي نبي لملكتكم
مها : نها الحين الملكه راح اتصير بيوم واحد يعني ملكتي مع ملكة إرم
نها : ايه سمعت ابوي يقول كذا
مها : يعني وين راح اتصير ببيتنا والا ببيت خالي
نها : والله ما ادري وش رايك نسويها بالشارع الفاصل بين البيتين
مها : هاهاهاها تنكتين حظرتك ؟؟
نها : وش اسوي فيك قالبتها حزن الي يشوف قالوا الك راحي يذبحونك ما راح يملكون عليك
مها : نفس الشي ما افرقت
نها تركت مها وطلعت لما شافت ان ما منها فايده
مها لما شافت اختها اطلعت قالت ما الي الا اني اكلم إرم
مها : الو
إرم : هلا
مها : هلا والله وش اخبارك ؟
إرم : زفت ولله الحمد بعد ما سمعت اخر خبر خلاص النفسيه صارت بالارض
مها : ايوه انتي بعد قالوا لك ؟
إرم : ايوه قالوا الي وقلبت عليهم الدنيا
مها : وش سويتي يالمجنونه
إرم : ما سويت شي بس طلعت شوي من المكبوت داخلي
مها : طيب يعني وش سويتي ؟؟
إرم : تذكري التحفه الكبيره الي بالصاله عندنا
مها : ايه عرفتها
إرم : بس وانا قايمه اعطيتها احلى شوته وطيحتها في الارض وتحولت الى فتات خخخخ
مها : والله انك قويه التحفه مره كبيره كيف طيحتيها
إرم : والله انا الي مستغربه من حالي بس ما ادري كيف صرت مره وحده جاكي شان
مها : الله يعين اخوي عليك انتبهي مو تشوتيه
إرم : والله يمكن هذا اول واحد اشوته
مها : هههههه الظاهر صرنا مجانين من الي يصير .... المهم بقولك بكره بنمر عليك نبي نروح السوق
إرم : والله ان هاين علي البس بيجاما بس لو مو خوفي من امي وابوي يذبحوني
مها بخبث: هههههههه هي انت وش ناويه على اخوي تلبسين بيجاما بيوم الملكه ناويه تذبحينه
إرم : هييي انتي انا ما كان قصدي الي ببالك بس صحيح لي قالوا كل من يرى الناس بعين طبعه ما اقول الا مالت عليك انت واخوك بعد
مها : هي لا تسبين ترى بيتكم كله الا فرة حصى اجيلك ترى مو بس انتي الي تعرفين اتشوتين
إرم : هههههههههههه
:::::::::::::::::::::::::::::::::::::::::::::::::: :::::::::
ومروا اليومين الي كانوا مثل البرق بالنسبه للأربعه الي يعتبر هاليوم اهم يوم في حياتهم
الملكه كانت في بيت ابو حسن وإرم موجوده معهم من الصباح اهي مع عُلا
عُلا : خلاص يا إرم والله انك طفشتيها كل ما سوتلك شي ما عجبك شوفي مها ساكته
مها : والله انا ساكته لأن ما همني كيف اطلع ابي بس اليوم يعدي على خير
إرم : لا تسوين الكحله كذا
الكوافيره : اذا ما سويتها كذا وشلون اسويها
إرم وهي موصله حدها : احسن لا اتكحليني وش رايك
الكوافيره ومهي مصدقه إرم : كيف المكياج بلا كحله مو حلو
إرم وتستهبل على الكوافيره : واحد من الاثنين يا كحله بلا مكياج يا مكياج بلا كحله
عُلا : إرم والله حرام مسكينه البنت طفشتيها
عُلا وهي تكلم الكوافيره : ما عليك منها اعملي الي تشوفيه حلو واذا قالت الك غيري لا اتغيري شي
إرم كانت ساكته لأنها حاسه انها زودتها والكوافيره من جد بدت تزهق
مها : والله يا إرم انك فاضيه اليوم ملكتك وانت ولا مهتمه
إرم : ما هي ملكتك انتي بعد
مها : طيب انا على الاقل ساكته وجالسه افكر كيف راح انزل للمعازيم
عُلا : من قال ان المعازيم كثير اصلا المعازيم بس الاهل وكم حرمه من جيرانكم بس
إرم : والله انا جالسه افكر اني ما اطلع لحسن
مها : الحين انتي متكشخه ولا بسه فستان وش حلاته وبعدين تقولين منتيب طالعه له والله لذبحك
إرم : عادي اولا انا ما تكشخت لخوك ثانيا انا ما ابيه يشوفني
مها : اصلا حسن شبع منك واتقولين ما تبيه يشوفك ؟؟
إرم : لا يا ماما بالعبايه وانا متحجبه وما حاطه مكياج غير لما يشوفني كذا وانتو حظراتكم ما قصرتوا خليتوني اشتري فستان عاري
مها : مهوب عاري لا تبالغين
إرم : ايه لو كان الفستان لك كان ما قلتي هالكلام
مها : فستان عاري ولا البيجاما الي كنتي بتلبسين
إرم : هههههه يا كذابه انا قلت بلبس بيجاما بس كنت امزح معك وانتي ماتنسين شي ابد
مها : لا وبعدين احمدي ربك اني ما قلت لخوي انك كنت بتلبسي بيجاما
إرم : كان قلتي له يمكن كان يغير رايه وما ياخذني
عُلا : الا قولي بيفرح
مها : شفتي ان مو بس انا الي فكرت كذا
إرم : والله مو ذنبي اذا انتو تفكيركم خبيث كذا وبعدين انا بريئه ما كنت اقصد شي
نها : انتو لحد الان ما جهزتوا يالله البسوا الفساتين حاطين المكياج و لابسين جينز
إرم : انا بلبس اول علشان اذا شفت الفستان عاري والله للبس فستانك
مها : الي يسمعك الحين انك ما جربتيه من قبل
إرم : بس اليوم غير احس انه راح يصير عاري مرره
::::::::::::::::::::::::::::::::::::::::::::::::::
كانوا الحريم جالسات تحت في الصاله ونها وعُلا الي طفشت من مها وإرم جالسين يضيفون الناس
نها سمعت جوالها يرن رفعته
نها : هلا فهد
فهد : هلا نها اقول تعالي عند باب مجلس الرجال بعطيك الدفتر علشان تخلي مها وإرم يوقعون
نها : انشالله
راحت نها عند الباب لقت فهد ينتظرها بره
نها : هلا فهد وين الدفتر
فهد الي كان مفهي لأنه من شاف نها اتخبل عليها
نها : فهد وش فيك ؟؟
فهد : قمر والله والله قمر
نها استحت ونزلت راسها : طيب هات الدفتر
فهد : وذا عطيتك الدفتر بتروحين ؟؟
نها : وش بجلس اسوي هنا
فهد : اجل منيب معطيك الدفتر
نها : فهد
فهد : عيونه
نها : هات الدفتر
فهد : كل شي بحسابه
نها : كيف يعني
فهد : خبري فيك ذكيه
نها : والله لو يدرون عنك حسن وعبد العزيز ليذبحونك الحين واقف وبيدك الدفتر
فهد : اروح ضحيتك ياعمري
نها : ..............
فهد : نها وريني ايدك ؟؟
نها بأستغراب : ليه ؟؟
فهد : انتي وريني
نها وهي مو فاهمه شي ورته يدها
فهد : اشوه الحمدالله
نها : ليش يعني ؟
فهد : اشوه انك لابسه الدبله لا يشوفونك الحريم ويخطبونك بعدين
نها : ههههه لا لا تخاف حتى لو خطبوني بعطيهم رقمك بقول لهم كلموا ولد عمي
فهد : هههههههههههه بعدي والله حرمتي
نها : الحين مو كأن زودتها يعني يالله هات الدفتر
فهد : هههه والله الي مصبرني ان العرس قريب والا كان علوم
نها اخذت الدفتر من يد فهد وراحت للغرفه الي فيها إرم ومها
:::::::::::::::::::::::::::::::::::::::::::::::::: ::::::::
نها لما دخلت الغرفه كانوا إرم ومها جالسين وكل وحده بدأ توترها يظهر
نها : اقول يالله هذا الدفتر يالله وقعوا
إرم وتغيرت ملامحها : كيف يعني خلاص ؟؟
مها بكل جرأه : هاتي انا راح اوقع اول
اخذت مها الدفتر وما توقعت انها راح تتوتر كذا وكانت يدها ترتجف ومهيب عارفه توقع ونها ساكته تنتظرها توقع وما تبي توترها اكثر وبالاخير وقعت مها واعطت الدفتر لإرم الي بالموت اهي الثانيه وقعت وبعد ما طلعت نها بالدفتر ظلوا الثنتين ساكتين وكأنهم مو مصدقين الي صار لحد ما جات عُلا و حطمت الصمت بصوتها
عُلا : اقول مها إرم يالله بسرعه امي و عمتي يقولوا لكم انزلوا
مها ناظرت إرم وإرم كانت في عالم ثاني ما كانت تحس بأحد ابد
مها : لا خلي إرم تنزل بالاول
عُلا : لا عمتي تقول انزل اثنيناتكم مع بعض
إرم الي توها تصحى من سرحانها : الحين ننزل
عُلا : ايوه ياللا بسرعه الساعه 10 وانتو للحين فوق
:::::::::::::::::::::::::::::::::::::::::::::::::: :::::::::::::::
اما في مجلس الرجال كان الجو ربشه طبعا والفضل يرجع لفهد و سالم ومحمد
محمد : حسن قولي شعورك وانت الحين صرت متزوج
حسن ونفسه موصله لخشمه : شعور أي مواطن سعودي توه مالك
محمد : هههههه لا بس انا احس انه غير اكيد الحين بتموت علشان انك تشوف بعض الناس
حسن والي خلاص طفش من كثر التعليقات : اقول بس يا زينك ساكت
محمد : لا شكل الاخ ما فيه اعصاب خلاص انا بقوم اقول لبوي يوديك لها
حسن : انت بتسكت والا شلون
محمد : والا شلون ههههههه
حسن لف الجهه الثانيه وهو يتحنطب
اما محمد راح لجه فهد علشان يتولى عبد العزيزالي كان معصب بطريقه غير طبيعيه
محمد : هلا بالمعرس وش فيك يا اخي ابتسم على الاقل
فهد : ههههههه لا تحاول ما يبي يخرب البرستيج الي حقه هههههه
عبد العزيز كان ساكت وما يبي يتكلم
فهد : عبد العزيز سؤال ؟؟ انت الحين ما تبي تشوفها
عبد العزيز : الي يسمعك الحين يقول اني منيب حافظ شكلها
محمد : هههههههه كل هذا من كثر ما كنت تناظر فيها قبل لا تخطب
عبد العزيز : انت من شوي كنت جالس بجنب حسن وش الي جابك هنا ؟؟
محمد : افاااا ما تبيني اجلس بجنبك ؟؟
عبد العزيز : لا ما ابيك بجنبي قم اشوف بسرعه
محمد : وش صاير اليوم الكل ما يبيني جنبه ؟
فهد : ليش حتى حسن طردك
محمد : ههههه طردني بس بطريقه غير مباشره
عبد العزيز : وأقل من جزاك بعد
محمد : الظاهر المعاريس ما تكون عندهم نفس طيبه الا مع العروس هههههه
عبد العزيز : بتقوم والا انا الي اقوم ؟؟
محمد الي ما توقع ان عبد العزيز ممكن انه يقوم: لا انت قوم انا عجبني المكان هنا
قام عبد العزيز وجلس بجنب حسن
حسن : وش فيك قمت من مكانك ؟؟
عبد العزيز : يا اخي محمد وفهد طفشوني وقمت
حسن : ههههه لا تستعجل الحين يجوك واذا ما تولوك هم يتولاك سالم
عبد العزيز : انا جالس قبل شوي ارجع شريط حياتي قدامي اشوف انا وش سويت بحياتي علشان يصير فيني كذا
حسن : ههههههههههههههه الحين انت كل الي سويته وما شفت شي ؟؟
عبد العزيز : لا انت وش شايفني مسوي ؟؟
حسن : انت احسن شي سويته بحياتك انك مخاويني بس
عبد العزيز وهو سرحان : والله انك صادق
حسن : لا انت اليوم اكيد فيك شي
عبد العزيز : هههههههه ليش
حسن : لأنك توزع اعترافات بالمجان
وشوي جا لهم فهد ومعاه محمد
عبد العزيز وحسن وقفوا لأنهم بيقومون من مكانهم وانتبهو لهم الكل
ابو حسن بأستغراب : وين رايحين ؟؟
حسن وعبد العزيز نا ظروا في بعض منحرجين
عبد العزيز وهو جالس مع حسن : ولا مكان
محمد وفهد وسالم كانوا ميتين عليهم من الضحك
حسن : وتضحكون بعد ها ؟؟
عبد العزيز : شغلكم عندي والله ان ما رويتكم ما اكون عبد العزيز
محمد : محد قالك قوم من مكانك
سالم : والله انا اول ما شفتك قايم انت مع حسن قلت اكيد جنو
عبد العزيز : ايوه جنينا وخلينا العقل لكم
سالم : لا انا رايح اقول لبو حسن يدخلك على مها قبل لا تجن من جد
وقام سالم جلس جنب ابو حسن علشان يقهر عبد العزيز الي صدق وعصب من قلب
سالم وهو يكلم ابو حسن بشويش علشان عبد العزيز يصدق : اقول عمي
أبو حسن : سم يا ولدي
سالم وهو يناظر عبد العزيز وعبد العزيز كان يأشر له انه بيذبحه والي قاهر عبد العزيز انه ما كان يقدر يسمع سالم وش يقول لعمه
سالم : المشروع الجديد في الشركه ما شي بس انا عندي بعض الاقتراحات ابو حسن : هههههههه
عبد العزيز لما سمعت ضحكة عمه خاف ان سالم من جد قاله
ابو حسن : والله انك يا سالم طالع على ابوك ما تنسى الشغل في كل مكان ما شي معاك
سالم وهو يضحك ويناظر عبد العزيز : ههههههه وش سوي ولد ابوي
عبد العزيز يأشر لسالم انه راح يذبحه
سالم : هههههههههههههه
ابوحسن : وش فيك تضحك ؟؟
سالم : لا بس عمي الظاهر عبد العزيز جن جالس يسوي حركات يخليني اضحك
ابو حسن : هههههههههه وش فيك يا عبد العزيز
عبد العزيز وهو منحرج موت : ولا شي عمي بس الظاهر ان سالم من كثر الشغل صار يتهيئ له اشياء انا ما سويتها
سالم : ههههههههههههههه
:::::::::::::::::::::::::::::::::::::::::::::::::: ::::::::::::::
كانوا نازلات من الدرج الي يتوسط الصاله الكبيره الي ببيت ابو حسن
مها كانت لابسه فستان تركواز ناعم وطويل ويكشف شوي من ظهرها وكان المكياج ناعم حيل وشعرها مموج ومفكوك علشان تغطي فيه ظهرها و كانت من جد مثل الملاك
وإرم الي بالموت رضت تنزل علشان الفستان الي كانت تقول عنه عاري
كانت لابسه فستان اخضر تفاحي و الوانه فرحه الفستان طويل مررره بس فيه فتحه من جنب طويله مرره ومن فوق كان مكشوف علشان كذا وهي تمشي كل شوي ترفعه لاينزل<<<< علشان كذا قالت عنه عاري
ولما وصلوا جلسوا على الكراسي الي كانت مجهزه لهم ونها وعُلا ما وقفوا من الرقص
اما الحال عند مها وإرم كان سكوت عجييب ولا وحده منهم تتكلم ابد وكأنهم من جد مو مصدقين الي اهم فيه
وبعد ما راح كل المعازيم الي هم من الاساس مو كثير
انتظروني اقولكم وش صار