أقولكم حاجة بس ماحدش يضحك عليّ.....إمبارح دخلت أشوف رد الفعل ع الموضوع مالقيتش الموضوع في مكانه....قلت آه اتحذف...و طلعت... النهاردة بافتح ال account بتاعي لقيت رسالة التثبيت... و لقيتكم منورينه...قلت لنفسي حتى النظارة مش نافعة!!!......لاحول ولا قوة إلا بالله...:040: المهم...ندخل في الموضوع... romanceya ... و عليكم السلام ورحمة الله وبركاته... أولاً...و حشاني موووت... ثانياً...خلاص ح ادخل في الموضوع... بالنسبة لإجاباتك ع الأسئلة.... أولاً...أحترم رأيك تماماً في النقطة دي...أكتر من كده كمان أنا أتفق معاكي...خصوصاً لو كانت زوجة محبة لزوجها جداً و بتحاول تكون 1*4 لزوجها....فتكون هي دي الضرورة القصوى اللي ممكن يتزوج بسببها و إن كان كتير من العلماء حطوا أسباب كتير زي العنوسة و الحرب...و كمان أبصم على كلامك بالعشرة إنها لازم تعرف...إحتراماً لآدميتها وعقلها وقبل كل ده إحترام من الرجل لإمرأة عاهدت ربها إنها تكرسله حياتها....و المصطفى_صلى الله عليه وسلم_بيقول:"استوصوا بالنساء خيراً فإنهن عندكم عوان..."*(حسن) و إن كان مفيش نص صريح بيلزم الرجل بضرورة إخبار المرأة....بس العلماء استحبوا كده.... ثانياً...متفقة معاكي في موضوع الغيرة....عارفة يا رومانسية في حادثة طريفة حصلت للسيدة عائشة_رضي الله عنها_و الحادثة صحيحية برواية مسلم..."كان رسول الله صلى الله عليه وسلم ، إذا خرج ، أقرع بين نسائه . فطارت القرعة على عائشة وحفصة . فخرجتا معه جميعا . وكان رسول الله صلى الله عليه وسلم ، إذا كان بالليل ، سار مع عائشة ، يتحدث معها . فقالت حفصة لعائشة : ألا تركبين الليلة بعيري وأركب بعيرك ، فتنظرين وأنظر ؟ قالت : بلى . فركبت عائشة على بعير حفصة . وركبت حفصة على بعير عائشة . فجاء رسول الله صلى الله عليه وسلم إلى جمل عائشة ، وعليه حفصة ، فسلم ثم سار معها . حتى نزلوا . فافتقدته عائشة فغارت . فلما نزلوا جعلت تجعل رجلها بين الإذخر وتقول : يا رب ! سلط علي عقربا أو حية تلدغني . رسولك ولا أستطيع أن أقول له شيئا ." و الإذخر هو نبات سام تلتف حوله الحيات والعقارب... تخيلي...دي السيدة عائشة...ما بالك بقى بالمرأة العادية!!!!... عارفة...من واقع التجارب اللي سمعتها...الغيرة أحياناً كانت بتسبب ضرر معنوي بالغ للمرأة و بيؤدي للأسف في أحيان كتير للطلاق... و على فكرة الغيرة طبع فينا بس بيتباين من واحدة للتانية... ثالثاً...أحترم رأيك تماماً...و النقطة دي واضحة بالنسبة لك من النقطة الأولى... رابعاً...عندك حق لأنه المرأة_السوية طبعاً_لما بتحب بتخلص في حبها بكل جوارحها...أقل حاجة بعد كل ده... لو استوجب إنه الزوج يتزوج عليها يبقى لازم يراعي عواطفها ومشاعرها وعقلها...و يقولها...و هي كمان لو بتحبه بجد ح تفكر في راحته وسعادته لأنه الحب عمره ما كان أنانية.... بس عارفة في بعض الحالات اللي قريت عنها بيكون خايف يجرح مشاعرها وفي نفس الوقت بيبقى عاوز يرضي أطراف تانية زي أهله مثلاً...و الحالات دي من الواقع كتيير...المهم نيته ساعتها إيه!!!.. أما عن موضوع العقل...بردو كلامي في النقطة دي نابع من الواقع...يعني مثلاً...مرة قريت قصة عن زوج متزوج وكان هو وزجته بيحبو بعض جداً جداً...و ظروف الحياة اضطرته يسافر عشان يعمل...المهم وهو هناك كانت بتيجي فرص يتكلم فيها عن الإسلام خصوصاً مع إختلاف الديانات في المكان اللي بيشتغل فيه...و مع العلم هو متدين جداً...المهم في مرة من المرات جتله إحدى زميلاته في العمل و طلبت منه إنه يساعدها على إشهار إسلامها خصوصاً بعد الكلام اللي كان بيحكيه عنه...و ساعدها وأسلمت...عارفة بعد كده حصل إيه؟؟...أهلها كووها بالنار وضربوها و عذبوها و طردوها...راحتله بيته زاحفة تستنجد بيه...و هو مسلم عابد عارف ربه...ما لاقاش حل تاني في مكانه ده يمكنه من مساعدتها و إنه يخليها تقعد في بيته_لأنه طبعاً مالهاش مكان_غير إنه يتزوج بيها ولكن ما يبنيش بيها لغاية أما تحاول هي تتصرف...و لما نزل بلده حكى لزوجته اللي بيحبها...و طلبت الطلاق!!!!...عارفة مين اللي حكى الحكاية دي يا رومانسية....الزوجة بعد لما أعطالها الزوج رقم الزوجة الجديدة و طلب منها إنها تسمع منها الحكاية كلها...و الزوجة كانت بعتة القصة دي عشان تستشير...ح تعمل إيه مع زوجها اللي كان بيترجاها و يستعطفها عشان ما تصرش ع الطلاق لغاية أما ظروف الأخرى تتحسن....إيه رأيك بقى...نحكم العقل ولا لأ؟؟؟؟؟...و على فكرة في حالات زي دي كتير أنا ذكرتلك مثال بس.... و أنا أسعدني أكتر وأكتر إني أشوفك هنا معايا...و الله اشتقتلكم كلكم...و القسم منور بيكي...تسلميلي يااارب... SugarCup ... و عليكم السلام ورحمة الله و بركاته... أولاً...عايزة أقولك إنه كنت باشوفك في المواضيع قبل أما المنتدى يقفل...كانت بتعجبني آراء كتير بتقوليها...بس ماجاتش الفرصة إننا نتجمع في موضوع...بجد..سعيدة إني شفتك في الموضوع...منورة حبيبة قلبي... ثانياً...ندخل في الموضوع...إجاباتك.. أولاً...تقريباً زي رومانسية...أحترم وجهة نظرك تماماً...و أتفق معاها... ثانياً...(انتي و رومانسية متفقين ولا إيه؟:006: )...صح جداً....يا ريت لو تشوفي الواقعة الطريفة اللي حصلت للسيدة عائشة فوق في ردي على رومانسية... بتعبر عننا فعلاً...مش كده!!!!!:008: ... ثالثاً...حقيقي ودي حاجة بردو واضحة من ردك في أولاً... رابعاً...و يطلقك...يااااه للدرجة دي!!!...بس تعرفي ممكن معاكي حق.... يا ما نفسي أشوفك كده يا سكر و انتي متزوجة....22. ... منورين الموضوع يا بنات...و بجد بجد وحشتوني مووووت....