[("غنج نجد")]

هذا مسجات جوال اتمنى تعجبكم
..

..

..

ليه انت بالذات ليمن غبت تشغلني؟
وغيرك لياغاب قلت الله يسهل له
ليه انت تقدر تعاندني وتسهرني؟
وليه انت تقدر تعقد القلب وتحله؟
يمكن لأنك بعيد وصرت ساكني
واللي أكيد الشعور اللي انت محتله



قهرني الوقت الردي والبخـت شـح !
وأجبرني الغالي على طمـرت السـور
ياصاحبي صوتي وانا آصيح بك ..بـح
أبغى وصالك وانـت لاهـي ومسـرور
فهّمتني طـرق الهـوا يالغـلا صـح
واصبحت فيها جامعي .. قوول دكتور
ان قلت روّح جيت! وان قلت لي رح
أروح ..وبطاعة أوامرك ..معذور



عزي لمن كثرت عليه العذاريب
والحظ خانه وانهك القل حاله
وعزي لمن حده زمانه عن الطيب
والعوز طال اللي بقا من حلاله
وعزي لضيف ماحشموه المعازيب
شاف المهانه عندهم والرزاله



يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه



خـلاص اليوم لا عاشـق ولا قمرا
ولا ظلما ولا قلـب بوفا ساري
بـودع ليلة الحـرمان والمسرا
بودع حسـرتي لجـل الوفا وناري
كتاب العمر لك مفتـوح وانت اقـرا
ظلمني العشـق وأقسمت آخذ بثاري

تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف




لا ما افكر كيف ابحيا بلا حب
لكن افكر كيف تحيا بدوني
ان كان لك قلب فانا كنت لك قلب
احلى حياة شفتها في جنوني
ياما رويتك بالهـوى حلو وعذب
ولا تحـّرك غير عينك شجوني
ما اقول عن فعلك وعن غيبتك تب
بالعكس جرب كيف تحيا بدوني




بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه




لولاي أعرف الموت حق وتصبرت
إن كان طحت من القهر والظليمه
ماتت وانا ياسعود من يومها صرت
اهد حـزني في كل ليله واقيمه
ياسعود ماهو بس انا اللي تأثرت
جدار غرفتها تساقط هشيمه
سريرها.. مذياعها..وإن تبصرت
كل هالدنيا بموت شرعا يتيمه





اخذي جروحك يابنت الناس واللي صار صار
والبقيه في حياة الحب والروح الشقيه
والفراق اعطيه من عندك وسام الانتصار
والحزن فيني يابنت العز وافته المنيه




فتق غول الجروح وباقي جروحي تساومني
أكابر من شغف عـزّة مباديء كنت راسمها
هدم زلزل عثا افسد ??? كذا بالهون بعثرني
عبث فيني تحت وطأة ظروف(ن) كان يعلمها
قريب استسلم ولكن رقيق الشـوق فوقني
يقول اصحى (???) واقع حياتـك كيف تظلمها
وانا وش ضيّع افكاري سواهـا وانت تعرفني
بدون عيونهـا وهمس الغلا والحـب ملهمها




أخاف الاشواق لاطولت تذبحني
وأموت من سبتك في ذمة أشواقي
ماهمني الناس تخسرني وتربحني
بس المهم انت لاتدمن على فراقي




تعال وشوف لي دمعه ابحبسها الين القاك
لعلك تمسح الدمعه يغيب الحزن واشجانه
انا ياصاحبي مدري ذكرتك يوم جيت انساك
وذكرت انك رحلت وقلت هذا الحب واحزانه



ياحظ منهو يوم يمشي مع الناس
ماوسط قلبـه عالم مشغلينه
عالم مشاعر تسكن انسان حسّاس
بأسبابها لْحاله يشكّـل مدينه
ساعة يودّونه على حفرة الياس
وساعة يحطّون الأمل صوب عينه
يافتنة الحفل الغرامي والاونـاس
جاك الغرير وحاولي تملكينه




ماهمني لو ضاق كوني ومافيه
الموت لامن ضاق بي صدر غالي
طاح الجمل و اللي بدا الطعن ينهيه
رغم إن مابه للخناجر مجالي
بالرغم من غدر الغضي و تجنّيه
بابقى أنا الي ما تغيّر خصالي
و باجيه ماهوب ضعف قصدي أعزيه
لأنه بيبطي ما لقا له بدالي




بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه

لولاي أعرف الموت حق وتصبرت
إن كان طحت من القهر والظليمه
ماتت وانا ياسعود من يومها صرت
اهد حـزني في كل ليله واقيمه
ياسعود ماهو بس انا اللي تأثرت
جدار غرفتها تساقط هشيمه
سريرها.. مذياعها..وإن تبصرت
كل هالدنيا بموت شرعا يتيمه






صديقي لو يبي نفعي ؟نفعني!!
ولو يلحقه من نفعي مضرّه
ولامن ضـامـني وقتي رفعني
وضـحكة ناجذي دايم تـسرّه
وزماني لو يبعثرني جـمعـني
خشـيري في الزمن خـيره وشـرّه
نويت أهـينك ولكن مـنعني
شعورٍ بالوفاء !!! لله درّه



إرفعي سهم المنايا يالعيون
مابقى فيني مكانٍ للطعون
كل شبرٍ فـي حياتـي إنجرح
و الذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامـي تهـون
في عيونـي دمعتين واقفه
ردّت الايـام دمعي بالجفون




يا عساني صدق ولعتك وهميتك
ويا عساك بجد تعشقني وتهواني
ولو تقول اني بغيابي عنك عنيتك
انت همك صرت اعده حسبة اخواني




في زمان كنه البرد .. شبيت القصيد
قلت ابدفا والليالي تموت ببردها
في طريق كنه الموت ولحالي وحيد
قلت ابحيا والمنايا تبوح بسدها
أتقارب هقوة العمر لو كانت بعيد
واتغني بالمقابيل واخطب ودها
لاقديم الجرح يقوى ولاجرح الجديد
يخلف الناس العزيزه عن اللي ودها

:


:

:

قبلاتي...غنوجه..