[شعاع من نور]

و عليكم السلام ورحمة الله و بركاته

الحقيقة يا Dr.science كلماتك بتقطر صفاء و شفافية و صدق أكتر من أن يُتَحَدّث عنهم....مش عارفة بس ده إحساسي و أنا باقرأ كلماتك....

يمكن لان فترة المراهقة عندي كونت لي شخصية انا احبها وما احتاجيت اغيرها الحين

 

 

إحتمال كبير لأنه شخصياتنا بتتنحت فترة المراهقة...عشان كده هي فترة في منتهى الخطورة...

اتلائم مع الظروف المحيطة بي

 

 

على فكرة ده في حد ذاته قوة....مش كل الناس تملكها...

وهذه الصفة تخليني مرنة مع الكل وافهمهم لاني انظر من وجهة نظرهم ما اكون حايط صلب يصدم بي الخرين لا .. لكن مراة ينظرون فيها لانفسهم .. ويشوفون فيها عيوبهم وجمالياتهم بصراحة مجملة.. وما في حد ما يحب مرايته

 

 

أنا فاهماكي تماماً في النقطة دي.... لأني كنت كده في يوم من الأيام...بس تعرفي جت عليّ فترة...اتخنقت من إني أكون زي ما كل حد حابب....ليه ما اكونش أنا زي ما أنا حبة؟؟؟...ليه ما يكونش لي شخصيتي و كياني اللي يا إما يتقبله الآخر او يرفضه؟؟؟.... لأنه الطبيعي إنه مش كل الناس ح تجمع عليكي...و مافيش حقيقة تانية غير كده....عارفة....كنت باحاول أكون زي ما الناس عايزين...و لأنه ده مش طبعي فشلت و تعبت...لأنه الطبع يغلب التطبع....
إن شاء الله ربنا يعينك...مش عارفة ليه كل واحدة بتتكلم هنا أكنها بتتكلم عني...حقيقي الفترة دي معقدة بمشاعرها و إنفعالاتها وكل ما فيها...
ربنا يخليهالك يا حبي يااارب...و يجعلك قرة عين ليها دايماً آمييين...
بصراحة انا استمتعت جداً و أنا باقرا ردك...لأني زي ما قلتلك قبل كده...حساه جداً...منتهى الصدق و الشفافية....
و يارب دايماً نلتقي...تحياتي يا قمر...