..
السلام عليكم ورحمة الله وبركاته
عزيزتى .. فى بداية الامر حابة اعرفك ان الموضوع منقول ولم تتوافر به
شروط المواضيع المنقولة و اللى موجوده اعلى فى اعلان قوانين المنتدى
و اللى المفروض يكون الموضوع الان فى سجن بنات دوت كوم لحين
تعيدلك اليه .. و لكن ستكون لك الفرصة ببقاء الموضوع ولكن ..
فى ردك القادم ان شاء الله ياريت لو تضيفى شئ من نفسك على الموضوع
او تعدلى بيه بحيث لا يتغير المحتوى الاصلى و تضيفى وجهة نظرك
وبالطبع انك تذكرى انه منقول حفاظاً لحقوق الغير ..!
و
الان للنقاش حول هذه النقطة اختى .. فـ هقلك على حاجة بجد
هتبسط الموضوع اوى قدامنا .. اجداد اجدادنا كانوا بيقولوا ليهم نفس الشئ
فـ من الطبيعى ان اجدادنا يقولوا لينا نفس الشئ .. و ينظروا لينا نفس نظرة
الاستغراب من امورهم من اجدادهم .. و طبيعى بردو اننا هننظر نفس النظرة دى
للجيل القادم ..
انا شايفة انها من نعم ربنا على البشر لما يتقدم .. ودى فعلا بجد نعمة
يمكن بقى العيب اللى حصل مع التقدم دا .. هو زيادة سوء حالة البشر
بمعنى البعض اتخذ الماده هى المصدر الاول و الاخير له ولذلك لابد ان يحصل
عليها مهما كان الثمن .. ضمير ام مبادئ شخصية او حتى قيم ..
المهم ان يتمتعون بالنظر الى المال وكثرته ..
و
لكن لا نستطيع ان ننكر الوجه الاجمل من هذا ..
وهناك شئ اخر احب ان اضيفه .. ايام زمان .. واللى اهلنا دلوقتى بيتمنوا انها ترجع
مكنش فيه صراع البشرية دا .. كانت كل شئ بسيط .. لان مكنش في ايديهم حاجة
غير البساطة .. ومكنوس يقدروا يمتلكوا شئ تانى او يفكروا فى شئ تانى ..
لكن مش كان قدامهم اللى قدامنا فى عصرنا حاليا
ورفضوا و فضلوا البساطة اللى هما فيها
الفرق بقى ان الجيل كل مادا ما بيخترغ وكل مادا ما بيحلم اكتر و بيعلى طموحه
وبتزيد همته علشان يوصل للى عوزه .. بالاضافة الى الصراع البشرى من الحروب الحالية
اللى بجد بقت تقريبا هى الدافع الاول وراء كل هذا ..
لو هنفكر شوية .. او بمعنى اصح .. لو نفكر احنا وهما شوية ..
هنلاقى ان الجيل دا هو اللى مظلوم .. ايوة الجيل اللى بيقلب بالجيل الفاشل دا
هو اللى مظلوم فى الموال دا كله .. وهمسك شريحة الشباب
لان اللقلب دا مش بيطلق الا عليها .. دلوقتى الاب و الام او الاهل عموما
حياتهم زمان كانت غير .. افكارهم كانت غير .. كل حاجة تقريبا كانت غير
وفجأه كله تغير و اولادهم نشأوا وسط التغيير دا .. لا هما عارفين يتعاملوا ويتعاشوا
مع اولادهم و البعض مش راضى حتى يحاول وبيكتفى بأنه ينظر لابنه ويحاسبه
فى ساحة المعركة .. وبسميها معركة لاننا بقينا فعلا فى معركة ..
الصديق عاوز يبقى احسن من صديقه ..
والاخت بتغير من حب ابوها اكتر لاختها التانية .. و الاخ بيدور على قلب ابوه
علشان يكون له نصيب الاسد من الورث .. و الزوجة بقت بتنظر لجارتها بحقد
لان جوزها مش بيعاملها زي جوز جارتها .. .. .. الخ
بجد معركة .. و احنا اللى جوا المعركة .. و اللى قلبنا او اغلبهم ..
دورهم على الكراسى .. كأننا الدنيا المسرح وهى الشخصيات الممثلة
وهم المشاهدون .. و الحكم كلنا بأنتظاره .. بس ارجع للنقطة الاساسية
علشان مش اروح لموضوع تانى .. وهو ان فعلا الشباب لوحده فى الصراع دا
و ضيفى على كدا بقى الحكومات والتغير اللى اصبح فيها ..
حاليا قواننين و احكام بتصدر .. بجد بتموت كل ذرة طاقة فى كل شاب و شابة
و ظروف الحياه اصبحت خلاص .. كابوس
اين كانت من البطالة ولا العناسة ..ولا انتشار الامراض ولا غلى الاسعار كـ النار ..الخ
بعد كل دا .. ما زلنا عايشين حياتنا .. ومع اننا لسة عايشين و بنحاول نثبت وجودنا
هناك من يلقبنا بالجيل الفاشل .. ليه محدش بيفكر لو احنا فعلا فاشلين
ليه محدش ياخد بايدينا .. ليه محدش بيحاول يبعد كل شئ يشدنا لـ الاسوأ
هل .. ؟
هل لو اجدادنا كان زمنهم فيه كل الصراعات دى و الاحتلالات دى و الكبت دا
و السيطرة على الحرية اللى هى اسمى ما يمكله الانسان و ظروف الحياه
وكل دا .. هل كانوا فعلا هينظروا لينا نظرة الاستغراب دى ؟..
أكررها .. لسنا جيل فاشل .. ولكن هناك من دفع البعض الى هذا الطريق ..
لكن حتى اللى فعلا فى الطريق دا .. كان ممكن جداً يبقوا فى العكس ..
بلا ملاقوش حد .. لا اهل .. ولا حكومة .. ولا مجتمع يساعد .. ولا ظروف تسند الواحد ..!!
و اخر ما احب ان اقول .. هو ازاي نقدر نغير النظرة دى ليهم ..
برأيي الشخصى .. الصراحة .. لازم نصارحهم بأننا محتاجينهم.. بأن النظرة دى
مش اننا احنا .. دى من تغيرات الزمن اللى هما مقدروش يتأقلموا عليها معانا
ولا حتى يساعدونا اننا نقدر نعيش معاها بطريقة سلمية بحيث تبعدنا عن الطريق
اللى الان لقبونا بيه .. دى حاجة
الحاجة التانية .. ارادتنا .. عزيمتنا فى اننا فعلا مش جيل فاشل ..
احنا جيل متعلم .. مثقف عن الاول بكتير .. عندنا مواهب .. صحيح اغلبها مكبوتة بردو
ولكن لو ننميها حتى مع نفسنا من غير مساعده حد .. صحيح هنتعب لكن نحاول
اعتقد وقتها ممنك نثبت لهم على الاقل اننا نقدر نغير النظرة دى ..
ولو احنا فعلا كدا ..فـ هنغير بعزيمتنا .. بس بيكوا ومعاكو ..
وحتى لو فينا او نصنا او اكترنا كدا .. فـ الاقلية اللى الباقية اقوى و اشد ايماناً
ومش هنسيبهم .. بس بردوا ايديكم معانا ..
الكلمة الطيبة حلوه .. و الاسلوب الحلو بيجيب نتيجة ..
صحيح هما ليهم دور سلبى فى الفشل دا .. ولكن مش هما لوحدهم ..
علشان كدا لازم نحسسهم اننا مش بنتهمهم .. ولكن محتاجين حكمتهم مع علمنا ..!!
و
من هنا .. هنبدأ حوار جميل اوى .. حوار الاجيال ..
و تكون دى دعوة تحاور الاجيال ..!
بالنهاية بشكر يمناك على نقل الموضوع
و
يثبت و يميز لجدارة محتواهـ
..
نزف الحنين