[M!xY]

أولا اسمحي لي بشكرك على نقل الموضوع.

ثانيا بوضح نقطة لفتت انتباهي ولا اوافقها الراي وحابة ابين رايي فيها..

اما كبار السن واجدادنا الله يحفضهم يبغونا نصير نسخة منهم في كل شي في البس والاكل حتى الافكار..

 

 

مع الأسف اختي, كلامك غير صحيح.. الأجداد ما يبغونا نصير نسخة منهم لا في الأكل ولا بالملبس او الافكار.. اصلاً هم مرتاحين بها الاشياء الجدد, الكل مرتاح, لي جدتين يعيشون معاي بالبيت وحدة منهم أول ما بديت افهم كانت معاي, يعني زمن شطوله.. وكل اللي يبونه هو ان نتحسن في ديننا وأخلاقنا.. نترك هالعادات السيئة ونتمتع بما كانوا يتمتعون به من صفات حسنة وايجابية سامية, كما تطورنا في العلوم والعلاقات الاجتماعية يبونا نتطور في هذي الأمور. اللبس ما يعارضون الموضة الا بعضهم لانه ما يتقبل انها غريبة, بعضهم ما يهتم فهو مدرك ان هذا بسبب تغير الزمن اللي اختبره, اللي يعارضونه هو الملابس الفاضحة والموضة السيئة العاصية لأمر الله. أما بالنسبة للاكل فاحنا للحين ناكل اللي ياكلونه, مثل الهريس والثريد والسمك مع الأرز, هذي أكلات ما أظن انها بتنمسح لانها من تقاليد العرب ومادام العرب موجودين والله الحامي لهم ما بتزول ^_^, اللي ارادوه هو ان نترك الاكلات الغير صحية تجنبا لما تسببه من اضرار واخطار, وتجنب الأكل الحرام..
أما بالنسبة للأفكار فهم يقصدون أفكار جيلنا الجنونية الغريبة.. وفعلاً ما انكر وااااااايد ناس افكارها غريبة مجنونة ما تتسم بعقلانية! مراهقين وشباب اساءوا استخدام عقلهم, ما يبون نكون بالضبط مثل افكارهم بل نستخدم عقولنا اللي الكثير اهملها.. ولان هالجيل اغلبيته عطل عقله فكأنه يتصرف وهو غافل وعلشان جذي نسمع يقولون جيل هالزمن غافل وعاصي.. ما يدري بنهايته ولا يخاف ربه,, وكلامهم صحيح للأسف الشديد :( الكثير الكثير ما يهتم بنهايته.. يبون أفكارنا العاصية تتعدل لأخلاقهم الحميدة...

وللعلم أنا اتفق مع الألماسة في رايها..
أما رايي بشأن السؤال هل نحن جيل فاشل أم لا.. فهو بالمختصر (فقد جاوبت عليه سابقا تقريبا):

ما أظن إن جيلنا فاشل.. بل هو متطور جداً.. ولولانا لما تقدمت التكنلوجيا.. عندنا علماء وايد الله يزيدهم لكن العكس أكثر ^^"..
لما نقارن جيلنا بجيل أجدادنا, نلاقي إن أجدادنا نستخدمهم للمقارنة بالأشياء المعنوية اللي لها كل التقدير والاحترام اللي انبنى عليها الإسلام, أما الآن فهي الأشياء المادية, هي اللي نستخدمها للمقارنة الأشياء اللي أضعفت الإسلام, وحتى ما عندهم شي اسمه احترام! مو بس التكنلوجيا سريعة حتى الأخلاق تنفقد بسرعة.. جيلنا فاشل.. في الأشياء المعنوية....
أما عن اللي اهملوا دراستهم واهتموا بلهوهم من جيلنا.. فشنو اقدر اقول عنهم؟..
الله يهدي الجميع, ما عندي اضافات دامه الجيل كله متفق على هالمسألة, فهو ميئوس منه فالوضع ما يقدر يصلحه اجدادنا بعد اليوم خلاص كبروا وشيبوا وعجزوا عن هالأمور, جا دور الشباب لكن الشباب مخربين الوضع بأنفسهم, وأهملوا دورهم.. الله يستر على الجيل القادم...