[Floweriness]

السلام عليكم و رحمه الله و بركاته

يسلموو خيتو ع الموضوع .. و يستحق المناقشة

شباب هذه الأيام ما فيهم خير .. الزمان تغير ومو مثل أول

 

 

يا ليت أيام زمان ترجع ... كانوا الناس إخوان ... وكل شي كان له طعم هذه المقولات وغيرها نسمعها كثيرا تتردد في مجالس كبار السن دوما وفي الغالبية يرون أن هذا الجيل لا يصلح لتحمل المسؤولية وأن زماننا في كل أطرافه زمان لا يصلح للمعيشة

 

 

بصراحة انه ما سمعت امي العودة او ابوي العود يقولون هالكلام عن جيلنا ابداً

بالعكس احسهم فخورين بنا .. التطور إلي صار بزمنا .. إبداعاتنا .. المراكز الي وصلنا لها
و امي العودة كل تمدح فيني و تحبني .. على الرغم من اني اعتبر نفسي من الناس الي ضاعوا مع التطور ..

نسمعهم يتحسرون على أيامهم الماضية

 

 

هههه .. و لا سمعتهم يتحسرون على ايامهم الماضيه
بس سمعت ابوي العود من قبل يتحسر على صحته ... الله يحفظه و يخليه لنا
اما امي العودة كل تقول لخالاتي انتوا في نعمة ما تدرون قيمتها احنا من قبل كنا نغسل الثياب بايدنا و الحين جا الفرج و اخترعوا الغسالة .. و من قبل كنا نرتب البيت بروحنا اما الحين جا الفرج و جت الخدامه .. و من قبل ما كان عندنا كهرباء .. الله انعم علينا و جاب توماس اديسون << امي العودة حافظه اسمه و للحين تتذكر اول يوم شغلوا الكهربا في البحرين هع هع .. الله يخليها ليي XD !!
---------

حبيت اقول إن الناس أنواع و جذي أجدادنا بينقسموا إلى قسمين

قسم منتفتح و يحب كل جديد .. ينظرون إلى الأشياء الإيجابية في جيلينا مثل و يثنون عليها و يدفعونا نحو التقدم و ما يمانعون أخذ بعض أفكار الجيل الجديد ليفهموا طريقة تفكير أحفادهم و يمكن التعلم منهم .. و يحاولون غرس معاني الأخلاق و الحب في قلوب هذا الجيل لأنهم موقنين إن سعادة الإنسان ما تكتمل إلا بوجود الدين و الخلق .. و هذا صحيح ما في إنسان يرتاح و هو ما يخاف ربه و يحترم دينه .. ( يعني مثل الي قالته العضوة M!xY )

و القسم الآخر منغلق على نفسه كالحلزون في القوقعة ..
لازم ناخذ بيدهم و نراويهم الإيجابيات في هذا الجيل .. و نقنعهم إن الخير باقي إلى قيام الساعة هالنوع محتاج لمن يفتح عينه .. إذا استمروا في التفكير بهالطريقة إن هالجيل فاشل و ما فيه ذرة خير .. ما راح يستمتعوا برؤية أحفادهم و هم يكبروا .. عددوا لهم الإيجابيات إلي ذكرتها العضوة goody و بيتغير فكرهم .. الإنسان مادام هو عايش في زمن لازم يتأقلم مع ظروفه الإجتماعية

و الله يحفظ أجدادنا من كل سوء و يخليهم لنا يا رب

بضيف نقطة أخيرة

السلبيات الي عددتونها في جيلنا
اصلا ما في زمان يخلو من السلبيات
تحسبون المغازل و هالاشياء و الزنى و الخمر و العياذ بالله في جيلنا بس
انتوا ما تعرفوا شيء .. كل جيل ما يخلوا من هالأشكال
سمعت قصص عن ايام زمان
و جدتي تقول انهم من قبل ما كانوا يلسبون الحجاب اصلا
و كانوا آبائنا و أمهاتنا بأعمارنا و عادي لو يجلسون مع بعض و ابوي قال لنا شلون عرف امي .. يعني هالاشياء مو في جيلنا بس
و كانوا يسمعون اغاني و البنات يرقصون في الباصات يعني اخس منا احنا
وايد في قصص قالوها ليي
يعني سوالف هالجيل ما تختلف عن ذاك الجيل
حتى ان امي قالت ان جيلنا محافظ اكثر من جيلهم من زمان لأن من قبل ما كانوا يعرفون شيء و ثقافتهم محدودة بالاضافة إلى إن وسائل الاتصالات كانت موجودة بصورة قليلة و ما كانوا يسمعون محاضرات دينية وايد و لا كانوا يفقهون شيء في امور الدين ..
و وسائل المواصلات كانت قليلة من جذي كانت الوحدة اول ما تتزوج بس خلاص ما تشوف لا امها و لا ابوها و لا اخوانها و خواتها .. و امي و لا عمرها شافت جدتها و لا خالاتها و عمومها .. يعني الله انعم علينا .. و احنا لازم نتواصل في زيارتهم و شوفتهم ..

الزمن صج يتغير المهم داخل الإنسان ما يتغير
و لازم ناخذ بيد اجدادنا علشان يشوفون عالمنا بتفاؤل ما راح يستفيدون إذا انغلقوا على انفسهم