ها قد لملمت أوراقي بين كلماتي و حفرت بحبر قلمي أجمل أبداعي و جأتكم لأنثر كلماتي لكم
_"_ الجــزء الرابــع _"_
بين أوراق الخريف و برودة الشتاء الجامدة تمتزج بجو الكويت وقت ما صحت ريم فأن كان هذا اليوم يوم حظ قوي عليها كانت تمشي طالعة من دارها متجهة إلى الدرج بتنزل الطابق الأول كانت تنزل على الدرج و أهي ترفع شعرها و تثبته بالكلبسة إلي كانت تحوي لون زهري فضيع و مليانة بالريش الأبيض و كانتة طالعة من بين خصلات ريم السودة أجنان و أهي من على عتبات الدرج أسمعت صوت التلفون يرن فأستعجلت بخطواتها متجهة إلى الصالة الفخمة إلي تحوي التصميم الخليجي بمعنى الكلمة و الأثاث إلي كان يبان عليه نسق عن ذوق عريق في الأصلالة العربية و الشرقية أول ما قعدة على الكرسي إلى كان مجابل طاولة من الزجاجة و عليها التفون بطريقة حلوة و أكسسوارات أثاث ناعمة حيل أرفعة التلفون...
ريم بصوتها الناعم و الهادء:_ ألو.
المتصل:_ السلام عليكم.
ريم:_ و عليكم السلام.
بالصدفة ينزل ناصر من الطابق الثاني و يلمح ريم و يجي يقعد حذالها يأشر لها منو المتصل و اشرت له يصبر اشوي
ريم:_ و عليكم السلام.
المتصل:_ لو سمحتي أختي موجود ناصر.
ريم:_ ايه لحظة.
ريم و أهي تبعد السماعة عن اذنها:_ يبونك من صباح الله.
ناصر:_ بل بل بسج هذر من الصبح هاتي التلفون.
ريم و اهي تضحك و تعطي التلفون عمها يا الله من الصبح يتطنز الله يعين هناء اذا فكرة تحبك و تاخذك.
ناصر:_ ألو.
المتصل:_ هلا سلااام شحالك يا العم.
ناصر:_ هههه بل بل عليك من الصبح داق مداك جيت الكويت و احين بتأذينا بتصالاتك.
ريم عرفتها و اهي طايرة ان المتصل جاسم و حطة يدها على ثمها بلييييه معقولة الي كلمته جاسم و هذا صوته..
ريم قامت و شردة استحت حيل و صعدة فوق غرفتها و سكرة الباب..
ناصر من صوب ثاني كان على الخط...
جاسم:_ هههههههه افا عليك يا العم احين انا ازعجك عيل في أمان الله.
ناصر:_ لااااااااا يا خي ليش تفهمنا غلط انت كلة النمرة عنك غلط و بس تعال زين.
جاسم:_ اوه سوري صباح الخير.
ناصر:_ لا مصري بعد ههههه و الله حالة صباح النور.
جاسم:_ ههههههههه بسك طنزا من الصبح زين اقول.
ناصر:_ ابشر.
جاسم:_ اليوم انا و زياد و حمود و مشعل بنطلع اشرايك تجي ويانا.
ناصر:_ واااااااااااااااااااو قصدك العصابة الخماسية الى عايلة بن فارس بتطلع.
جاسم:_ هههههههههههههههههههه.
ناصر:_ ابشر جسوم على هلخشم قول بس متى بتمشون و انا ازهب حالي.
جاسم:_ على الساعة 9 ما شين.
ناصر:_ عيل سم على 9 بكون زاهب.
جاسم:_ عيل يلا نخليك احين نشوفك على خير.
ناصر:_ ان شاء الله يلا في أمان الله.
جاسم:_ في حفظ الرحمن.
سكرو ناصر و جاسم و ناصر من صوب سكر التلفون و وخى راسه يناظر ساعته لقاها 8 يعني باجي وقت و قام راح المطبخ...
أول ما دخل كانت لولوه بالمطبخ مثل عادتها تزهب الفطور قبل لا تنزل امها و ابوها و اخوانها و اخواتها...
ناصر واهو يمد يده في الزيتون ويسرق له وحدة:_ صباح الخير.
لولوه تطق ناصر على يده:_ بل بل على لقافتك من الصبح عاد يوز.
ناصر:_ هي تعالي انا الملقوف لو انتي الي امس اشوي و تذبحين البنت خليتيها تغص.
لولوه و اهي فاجة عينها على وسعهن:_ من قال لك؟؟؟
ناصربطلع لسانه للولوه:_ أممممم حبيبتي و بنت اخوي ريمان عمري.
لولوه:_ بل بل ما اصدق اهي قايلة لك انت الي جارها بالحجي اعرفك ما تيوز عن حركاتك.
ناصر:_ جب يلا عاد و كملي الفطور تراني يوعااان حيييل.
لولوه:_ اول قول لي شلك خص تسأل عن هنوي رفيجت ريمان.
ناصر تخسبك مب عارف شيرد:_ مو شغلج جذي امس قعدة اسولف مع ريمان و سالفة تجر سالفة و قالت لي.
لولوه:_ أااااه منك انت علي هلهذر.
ناصر:_ يلا عطيني مكفاج و ذلفي كملي الفطور.
لولوه:_ لا يا شيخ انا اذلف ( و تمسك عمها من اهدومه و تجره الى برة المطبخ) انت الي تذلف.
ناصر:_ طاع جليلة الحيا هيني احين اوريج.
و تهرب لولوه وتسكر باب المطبخ من وراها ناصر ما عطل و صعد فوق عند ريم...
ريم و اهي تسحي شعرها:_ منو.
ناصر:_ عمج.
ريم ببتسامة حلوة:_ تفضل.
دخل ناصر:_ صبااااااح الخييييير.
ريم:_ صبااح النور.
ناصر:_ ما تقولين لي شلى شردتين بيوم عرفتي المتصل جاسم.
ريم تتخسبك من قلب و تحمر و توخي راسها.
ناصر:_ باااااااااااااال ليكون تستحين منه.
ريم تزيد في الحيا و الأرتباك
ناصر يرفع راس ريم:_ تبينه.
ريم:_ ها لالا قصدي بعدني ما قررت.
ناصر:_ ريم بصراحة انا مو قاعد افاتحج في الموضوع عشان اضايقج بس ابيج تغيرين الفكرة الي ماخذتها عن جاسم تراه ريال ما يحوشه عيب و كل من تشوفه تتمناه.
ريم بغشمرة:_ بس انا ما شفته عشان اتمناه.
ناصر:_ ههههههه تتطنزين من صباح الله اوكيه تبين تشوفينه عشان تتمنينه؟
ريم:_ لالا لالا و لي عافيك لا.
ناصر بستغراب:_ ليييييييش.
ريم:_ ها لالا و لا شي يلا ما تبي فطور.
ناصر:_ قبل الفطور توعديني بس تقررين تردين علي.
ريم :_ من عيوني أنت تامر مب تطلب.
ناصر:_ عيل يلا جدامي نزلي فطري.
ريم:_ زين زين اسبقني انا بسحي شعري و نازلة.
ناصر بحركة عنيدة يسحب شعرها ويخربه:_ يهوووووووووووووووو باااااااااي اشوفج على الفطور.
ريم:_ يممممممممااااااااااااااااه ليش تخربه.
ناصر واهو يطلع لسانه:_ اممممممممم نحاسة لعانة باي.
و طلع و ريم تمت تضحك على حركات عمها ما يوز عنها...
ناصر يطلع من غرفة ريم بويهه شيخة كانت بتنزل على الدرج...
ناصر وهو يطير الى شيخة مثل عوايده اطنازته مسوية جو عجيب في بيت ابو طلال...
ناصر:_ هلاااااااااا بشيخة حريم بن فارس كل ابوهم افااا ما كو صباح الخير الى عمج.
شيخة مثل عوايدها بدلع:_ افااا عليك انت لك صباااااح الورد و الفل و الياسمين.
ناصر:_ بل بل بل بل لا تقولين تبين فلوس تراه عمج على نهاية الشهر و حيييل مفلس.
شيخة:_ ههههههههههه اشفيك عمي اطنز وياك شبي افلوس لا ياشيخ مب طرارة انا.
ناصر:_ ويه ريحتي هلقلب.
ينط عليهم فراس:_ صبااااااااااح الخيييييييييير.
ناصر:_ بل بل بل انت تعال متى ييت امبارح من المزرعة.
فراس:_ على 2 خبرك بعد عمي رحنا نشوف الفروس الي وصلو ابشرك و الله انهم اجنان حييييييل.
ناصر:_ صج و الله.
فراس:_ ايه اقول لك طلبية فيصل عجيبة هل مرة كلمني عنها مشعل بس ما توقعت جذي الفروس الي بيوصلون اقول لك افروس اصيلة.
شيخة:_ يبه بسكم سوالف نزلو عشان تفطرون.
ناصر:_ يلا فروس كمل لي سالفتك تحت.
فراس:_ يلا.
نزلو شيخة و ناصر و فراس تحت و راحو المطبخ كان ابو طلال و ام طلال على الطاولة و طلال و لولوه هم قاعدين و كتملت الجمعة و ما تأخرت ريم وايد و نزلت تحت و صارة قعدتهم حلوة و سوالف.
في بيت ام فيصل في الرميثية كانت الاجواء عندهم هااادئة طبعاً فطرو من فترة و ام فيصل في المطبخ و مريم و شهد فوق و فيصل بالمزرعة من الصبح معاه نواف اخوه و ابو فيصل بالدوام...
في الطابق الثاني في دار مريم كانت شهد قاعدة مع مريم بعد ما صعدو من الفطور....
شهد من اليل و بالها في محمد يااااه تغير حيل و صار اجنان كبر وصار ريال امتى يامحمد تجي و تاخذني معاك و انعيش اسنين العمر كلها مع بعض و لا يفرقنا لا حزن و لا قدر و لا ماضي...
مريم و اهي ترمي شي على شهدة:_ شهووووووووووووود وين بالج.
شهد:_ بسم الله اشفيج انتي يايج الزار اعنبوج دوم تفزعين الناس.
مريم:_ طالع هذي قامت تسب شمسوية لج انا يا بعد عين امج انتي.
شهد:_ و الله انتي وااااااايد تعكرين مزاج الواحد اشفيج شنو شاربة من صباح الله.
مريم:_ ههههههههههههه شهووود كل هذا تفكرين في محمد ولد خالي أبو وليد.
شهد تجمد و تفج عينهن على وسعهن شعرفها ذي من قايل لها ليكون لمحت محمد بيوم يمسكني بالمطبخ يا قردي يا حظي رحتي فيها يا شهود على اخر عمرج.
مريم:_ شهوووووود شهوووووووووودي وين رحتي بلاج جمدتي جذي.
شهد:_ ها لالا و لا شي شنو محمد و هلهرج هذا شوفي عاد انا ما عندي سوالف حب و خرابيط يلا عاد عدلي كلامج لا تحصلين شي يأدبج.
مريم:_ هههههههههه شلي اعدله كلامي صح انتي تفكرين في محمد ولد خالي و لانج اختي و حبيبتي يا خلف جبدي انتي بقول لج شي لصالحج يعني.
شهد:_ خير شعندج ما حد غيرج بيبلي العالم إلة انتي كل يوم و طالعة لنا بخبر يديد.
مريم:_ طالع هذي لو وحدة ثانية مكاني ما ردت عليج بس شسوي قلبي طيب زين سمعي عاد نويف مرة خبرتني ان محمد يعز انسانة يعني في قلبه نااااااااااس.
شهد قلبها صار يدق بسرعة كبييييرة حييييييييل معقولة محمد يعز ناس معقولة يعز غيري لا مستحيييييل و ألف مستحيل اموت لو يعز يغري من لي غيرك في هدنيا يا محمد اعز من بعدك لو تعد انجوم السمى ما تسواي غلاك عندي...
مريم:_ و عشان قلبج يرتاح ترااااه يعزج انتي.
شهد تجمد و توخي راسها يعزني انا معقولة محمد حلم العمر يعزني انا يتمناني حرمة له مب مصدقة مستحيييييييل.
مريم:_ ادري فيج احين طايرة من الوناسة بس صدقيني يعزج مثل ما انتي ذابحتنا بالتفكير فيه ليل و نهار.
تـــــــــــــــابــــــــــــــــع