ناصر:_ شف اخي حنا ما عندنا شباب يكلمون حريمنا يلا عاد تسنع.
مشعل:_ بس الرقم تكفى.
ناصر:_ لا.
مشعل:_ افااا نويصر ما اكسر خاطرك انا.
مشعل:_ يا ربي انت ليش جذي و الله قلبي طيب و ذابحني.
مشعل بجنون:_ فديته هقلب بس خله ينصح راعيه يعطيني رقم حبي و عمري كله.
ناصر:_ شف اعطيك الرقم بس مب كل لحظة و مطيح عليه تدق مرة بس و بعدين امحيه من تلفونك.
مشعل:_ من عيوني بس مرة ادق و بعدين سو الي تبيه.
ناصر:_ زين فج تلفونك و سجل.
مشعل وهو يفتح تلفونه:_ كم؟
ناصر:_**********.
مشعل:_ واااااااااااااااااااو.
ناصر:_ ترى اخذه.
مشعل:_ لالا و لي عافيك بس مشكوووووور عمي ما تقصر تبي حواوا حاضرين.
ناصر:_ ههههههههههه أاااااه منك لا خل حواوتك لحرمتك.
مشعل:_ ههههههه وينها بس و الله اني اروح فدوة لها.
ناصر:_ هييييييي لا تميع علينا انت.
محمد الي للحين مب مصدق مشعلوه حاط عينه على نويف الخايسة و ذكر اليوم بيوم ذبحها على بيوم تصحيه من الرقاد بنحاستها..
محمد:_ مشعلوه.
مشعل:_ انت ما تيوز احترم انا اكبر منك قول مشعل احسن لك.
ناصر:_ ايه تسنع حمود.
محمد:_ انا الي اتسنع و الله انتو اقول مشعل ليش ماخذ رقم نويف.
مشعل يجمد بمكانه ويفج عينه شسمعه ناصر الي راح ضحك واااااااو حمود كشف مشعلوه راحت عليك يا مشعلوه.
مشعل:_ من قايل لك انا ما خذ رقم اخت شبي فيها.
محمد:_ عيل من ذي نوف.
مشعل بارع و فنان في تلفيق الكلام بسلاسة ويخلي الواحد يصدقه من قلب بس محمد ما تطوف عليه سوالف مشعل
مشعل:_ نوف تكون خالتي.
محمد وهو يرفع حاجب و حاجب تحت ويناظر مشعل:_ خالتك شهلكلام من كثر خالاتك انت كلهم ثنتين عزيزة و غالية.
مشعل:_ ايه في ثالاثة انت ما تعرفها.
محمد:_ شف عاد ما بأذيك و بأذني حالي الله يهنيك مع نويف بس شف تراني اليوم من الصبح ذبحتها من شعرها سحبتها و طلعتها برع الدار.
مشعل اشوي ويعصب على محمد بس مسك حاله لا يكشف حبه الى نوف جدام محمد إلي كان واضح عند الكل بس مشعل على باله ان بس ناصر عمه يعرف بهذا الشي...
ناصر:_ انت دوم مطيح طق في نوف بلاك شعندك معاها.
محمد بغرور:_ ماحد قال لها تجي من الصبح تصحيني من الرقاد بصراخ قلبت البيت علي لكن تستاهل ما جاها.
ناصر:_ هيي تنسع تراها قبل لا تكون اختك تراها بنت اخوي ايه و ما ارضى عليها.
محمد بغشمرة يبي يحرج مشعل:_ اوااااااااه ليش انت تدافع عنها و حبيب قلبها وين راح.
مشعل من صج عصب على محمد اشفيه هذا يبي له شي يوريه سنع الله.
مشعل:_ حمود اقول يوز عني لا تحصل شي.
زياد:_ ها ها ها شصاير ورة يقولون في هجوم و دفاع و تسديد هدف ها منو الهداف.
ناصر:_ ههههههههههه زيود الحق لا يطيحون مطاقق.
زياد:_ جسوم اشوف اخوك ولع.
جاسم:_ ههههههههههه حمودوه بلاك في البيت مع نويف و اهين مع مشعل.
محمد يبي يناحس مشعل:_ جسوووووووم بعد عمري كلللللللللللللللووووووووش مشعل يقولون ذايب في غرام نويفوه الوسة.
الكل سكت و ناصر ما قدر يمكس حاله من الضحك و مشعل عصب من قلب أاااااااه و الله اذبحك تحت ريولي و ادفن قبرك اهني يا حمودوه.
زياد:_ قديمة هلخبر ان مشعل يعز نوف و الكل كان ملاحظ بس ما حبينا نخبر مشعل.
مشعل يفج عينه الكل يدير فيني يا حظي راحت علي.
ناصر:_ باااااااااال طابخينها من وراك يا مشعل يلا ولع النار عليهم.
جاسم:_ هههههههههههه الله ياخذ بليسكن.
محمد بدلع يتقرب حذال مشعل:_ هلاااا بحبيبي وحشتني يا بعد هلي كل ابوهم.
مشعل:_ جب اذلف مناك يالجلب انت.
محمد:_ مقبولة امسحها في ويهي شسوي احبك و معذبني لا انت مرقدني لا ليلي و لا نهاري.
ناصر:_ حمووووووود اخاف شهد الي مب مرقدتك لا ليلك و لا نهارك.
محمد يجمد و مشعل يصفر على قوة صوته:_ وااااااااااااااااو ظهر الحق واااااااااااو افضحوه.
محمد يبي ناحس مشعل:_ هههههههه حلوة ذي انا من زمان اعز شهد بنت عمتي و اعترف بهذا الشي لأنة حبي بلقلب مب بللسان و بس.
مشعل:_ شف يا تجنب اليوم لا اطلع روحك من جسمك فاهم يالدب.
محمد:_ ههههههههههاي.
مشعل يتوعد في محمد و محمد يزيد نحاسته.
تمت سوالفهم و مزحهم اما سوالف زياد و جاسم كانت جانبية و معزولة عن الشباب ورة...
في هذا الوقت في بيت ابو طلال ريم كانت بدارها و مسندة راسها على الدريشة و تناظر الدنيا من برة و بالها بعيد و كانت تسمع موسيقة كلاسك هاااااادئة و روعة حييييل.. ريم و فجأة يسرق فكرها جاسم و تمت تذكر كلام عمها بيوم قال لها الوصية و انها لازم تكون الى جاسم .. ياربي ليش انكتب علي ان قراري في الحيات يقررون عنه أغلى ناس عندي فقدتهم ليش ياربي انا شذنبي و الله ما ابي اعذب جاسم معاي لو ارتبط فيه اشلون بعيش معاه و انا مجبورة فيه اشلون بتأقلم اعيش مع انسان ما فكرة فيه بيوم يكون بمقام زوجي و شريك حياتي و رح اعيش معاه العمر كله ياربي صبرك يارب و رحمتك علي ياربي صبرني على الي في الطريج و الله انا من دون رحمتك علي يا ربي ما اتحمل شي ما اتحمل شي...
يقطع على تفكيرها طقة الباب...
ريم:_ منو؟؟
الي كانت عند الباب هناء و مسوتها مفاجأة الى ريم...
هناء:_ أنا.
ريم تشككت في الصوت مب صوت شيخة و لا لولوه عيل منو راحت فتحت الباب..
هناء:_ أوااااااااااااه سبرياااااايس.
ريم:_ هنووووووووي يا النحيسة ليش ما خبرتيني بتجين.
هناء:_ مزاج شنو احين بتخليني عند باب غرفتج غير مرغوب فيني ترا ارد عادي.
ريم بنحاستها تأشر على باب غرفة عمها:_ لالا هدار تنتظرج.
هناء تلتفت و تشوف الدار و عرفتها تلتف الى ريم و تطقها على كتفها:_ ريمااااان يوزي احسن لج لا اسنعج.
ريم:_ ههههههه ويه فديت العشاقة دخلي زين.
هناء:_ وينها الدبة لولو.
ريم:_ ما ادري عنها تلقينها مع شيخة بدارها.
هناء و أهي تدخل و ريم تسكر الباب:_ أهاا.
ريم:_ منو فج لج الباب و ستقبلج.
هناء:_ الهندي هههههههههههههههه.
ريم:_ هههههههههههه تطزين وية ويهج يعني.
هناء:_ ههههههه لالا بس خالتي ام طلال فجت لي الباب.
ريم و اهي تمشي متجهة الى الكرسي الهزاز و ترفع شعرها و تثبته بالكلبسة الزهرية و مليانا ريش زهري و طالع على شعر ريم الأسود الحرير اجناااااان:_ أقول هنوي.
هناء و أهي قاعدة على سرير ريم و فتحت الشيلة و حطتها على كتفها و شعرها البني كان متدلي بخصالاته الناعمين حيل على خدينها:_ قولي يا دنيتي انتي كلها.
ريم إلى أول مرة تناظر هناء بهنظرات نظرات توتر قلق و كأن بقلبها كلام بس خافية بلى مترددة من ردة الفعل لو قالته و في نفس الوقت كانت عين ريم تبرق بلمعان غريب بس محلي عينها السود الروعة هناء نفسها تخللها التوتر و بدى قلبها يدق بسرعة مبتدأة تعلن برحلتها إلى الخفقان القوي من شدة الحيرة إلي حوت بال هناء من نظرات ريم....
هناء و أهي تتناسا التوتر و تتفأل أن ريم ما بها شي و كل هذا توهمات:_ بلاج ريمان شلي بتقولينه.
ريم و أهي تقوم و تروح بخطوات توتر تتوجه إلى الدريشة و تبعد الستار الشفاف و تناظر السمى إلي كانت بجو غيوم و جو بارد برغم من أن كان الوقت ظهر بس الشتا كان عاسك هذا الجو في أراضي الكويت و مناطقها...
ريم و كأنها توها بتفتح ثمها بتقول شي و تكست و كأن في شي وقفها...
هناء تلف جسدها قبال ريم:_ ريم بلاج شنو هوني ما تقولين لي.
ريم بكل توتر:_ هناء.
هناء و الخوف يزيد فيها من سكوت ريم و تكلمها بطريقة جامدة هذا مب من طبع ريم أبداًً :_ ريم بلاج تراج خوفتيني شلي صاير لج.
ريم و أهي نظرها منأسر بالسمى تبي تبعد نظرها عن عيون هناء إلي أول مرة تخجل منها من 6 سنوات رفجة عمر و درب:_ هناء الحلم إلي بنينها بأفكارنا بحلامنها بحياتنا مارح يتحقق منه جزء لو أصغر من الذرة بهالكون كله.
هناء و أهي مب عارفة ليش ريم قاعدة تذكر احلامهم ذكرياتهم طموحهم بالحيات هل هلأشياء تثير التوتر في قلبج يا ريم و تخيلن الخوف يتخلل في قلبي لو أن له معنى ثاني...
هناء:_ ريمان ممكن أعرف ليش هلكلام إلي تقولينه.
ريم بخجل من عيون هناء بخوف و تردد من ردة فعل هناء بأنجبار بأن هذا الكلام واقع و لازم تنجبر فيه:_ أنا بتزوج.
هناء و الصدمة حاويتها أخر شي أو يمكن حتى هذا الشي ما خطر على بالها تنطق به ريم و لا بلحظة من هلحظات إلي قاعدة تجمعهم مع بعض مستحيل ريم تتزوج بهلعمر شلي صاير ...
ريم تزيد توتر من سكوت هناء أما هناء ما كان لها شي تقوله الصدمة بعثرت كل مشاعرها كلامها أحسايسها حتى خوفها حسته صار بهيجان متضارب مع الصدمة و المشاعر شلي قاعدة اسمعه ما ادري وليش اسمع هلكلام ما ادري وليش من ريم بذات ما ادري تشتت فكر هناء و صارت بدومة من تضارب الأفكار التسؤلات المشاعر الخوف التوتر...
هناء و أهي تبي تتناسا الي يدور في بالها في قلبها و الخوف إلي يرعش جسمها:_ شنهوووووو.
ريم تحس شي يتخلل جسمها و يوزع ألامه بين أضلوعها كان الخوف من ردة فعل هناء إلي كانت جامدة و أحين بدة تظره و تربكها...
هناء تروح جدام ريم و تمسكها من كتفينها و ترفع راسها:_ ريم شلي اسمعه منج ناظريني انتي بتتزوجين وين كلامج وين احلمنا وين كل شي بنيناه بأفكارنا المتحررة وين كل هذا بتهدمينه يا ريم.
ريم و أيه تنطعن بكل كلمة تسمعها من هناء و تزيد لكن كل شي تمنته بهلحظة الصبر ياربي الصبر ياربي..