هناء تهز ريم من جتفينها:_ ريم لا تحيريني و ردي علي الي تقولينه صج او مزح.
ريم بصوت مخنوق و بستسلام للواقع المرير:_ ليته مزح يا هناء جان الدنيا ما ظلمت في عيني.
هناء تبتعد عن ريم و تقعد على الكرسي لا كانت تحس بشي يتحرك من جسمها و بالها أنشل عن التفكير شلي اسمعه ريم رفيجت العمر و إلي كانت أكثر من صديقة تتزوج.
هناء و أيه تبي تهدي بالها:_ ريم ممكن بكل هدوء تخبريني بسالفة كلها أنا مب قادرة أستوعب بكلمة وحدة من إلي تقولينها.
ريم تقعد على الكرسي إلي مجابل هناء و ترفع راسها و تناظر في عيون هناء تحدت كل شي و حوالت تكون قوية و شامخة و راضية بقضاء الله وقدره بس هل هذا رح يعين انها موافقة على الزواج من جاسم أم لا ؟ ما احد يعرف شلي يدور في بال ريم غير نفسها ..
ريم بكل أندفاع:_ أمس عمي ناصر(( هناء وخة راسها من سمعت بأسم ناصر و ريم تكمل كلامها)) فاتحني في الموضوع و قال لي أن يدي و يدتي قبل وفاتهم وصو أني أكون إلى واحد من عيال عمي و هذي وصية و لازم تتنفذ و عمامي كلهم مصرين على تنفيذها عشان يرضون يدي و يدتي في قبرهم و الوصية لازم تتنفذ من بعد وفاتهم بثلاث اسنين و احين كملو ثلاث اسنين فيعني لازم نتزوج أحين.
هناء و أهي تسمع الكلام و تحاول تستوعبه:_ زواجج وصية من يدج ويدتج؟
ريم:_ هذا إلي صار يا هناء و أنا بيوم جيت خبرتج أبيج تكونين لي الدافع في الأستمرار عشان ما اضعف و اتخاذل بس اربكتيني بردة فعلج يا هناء.
هناء و أهي تروح تلم ريم حذال صدرها و تقعد حذالها و يتجلون خصلات شعر هاء على خصلات شعر ريم:_ أسفه ريمان بس لو كنتي بمحلي بتنصدمين اكثر مني.
ريم كانت تبي قلب يحس فيها و يحبها و تحبه يضمها ويريحها اشوي بيوم ضمتها هناء رتاحت لو بجزء قليل...
هناء:_ زين ياالسوة منو هذا سعيد الحظ الي بيسرقج مني أأأأأأأه وينه مني بس.
ريم و بدأ الخجل يلون خدينها المتوردين.
هناء:_ أواااااااااه أستحت زين قوليلي منو؟
ريم و كأنها موافقة على أرتباطها بجاسم و متقبلة الأمر:_ ولد عمي جاسم.
هناء:_ أواااااااااااااااااااااااااه ريمان تقصدين إلي توه راد من بيرطانيا ودارس طيران.
ريم:_ أيه.
هناء:_ كللللللللللللللللللللللللللللوووووووووش ألف ألف مبروك ريمان الفال لي هههههههههههههههه.
ريم:_ أوووووووووووووش فضحتينا بلاج بعدين للحين ينتظرون ردي و جاسم ما خبروه.
هناء:_ شسالفتج انتي خبريني يا اختي ابي افرح في احلى صديقة عندي بهلكون ياااااااه بخته جاسم فيج.
ريم :_ هنووووووي ترى ما احب هلعبارات لا تصيرين لي مثل عمي ناصر.
هناء:_ أواااااه لازم تجيبين طاري عمج.
ريم:_ هههههههههههههه تيبيني ايوز ما اجيب طاريه يوزي و بسج كلام بايخ.
هناء:_ هيني انا اقول كلامي بايخ بس يلا قولي شسالفتج.
ريم:_ ههههه ما تيوزين عن طبعج زين سمعي عمي خبرني انا بس و الي يعرفون بهلوصية ابوي و عمي ابو وليد و عمي ابو مشعل و عمي ناصر و كلفو عمي ناصر يخبرني و يخبر جاسم اهو امس خبرني و قال لي رح يخبر جاسم جريب أن شاء الله و احين ينتظر مني رد و حتى لو رفض جاسم هذا الزواج احنا مجبورين فيه.
هناء:_ واااااااااااااااااو يعني قصتكن فلم هندي.
ريم:_ ههههههه بسج اطناز بس يا هناء اخذي الأمر بعقل انا ما ابي اتزوج و لا ابي جاسم اشلون اعيش مع انسان ما اعرفه و لا توقعته يكون بمقام زوجي.
هناء:_ هونيها و بتهون بعدين شهلكلام اذا الله راد شي يصير ماحد يوقف عرضة الى الله.
ريم:_ و النعم بالله.
هناء:_ ريم ولد عمج سمعت عنه وياد ويلون مب من الي يمتلكون جامل و بس بل يمتلك اخلاق و ترباية لناس اصايل و انتي عارفة مقام عايلتكم بالديرة و بعدين شلون ما تعرفينه و لا شفتيه يمه منج ليكون هذا مب ولد عمج.
ريم:_ اشلون اشوفه واهو من كمل حياته المدرسية سافر برع و بذج الأيام كنت صغيرة و ما احط لبالي هشغلات.
هناء:_ مهما يكون جاسم ريال انا مب قاعدة معاه و خابرته بس هذا ولد عمج و فكري زين و باين ان الله كاتبكم الى بعض و الله يوفجكم ياربي.
ريم:_ هناء شرد على عمي الي ينتظر جوابي على احر من الجمر.
هناء:_ لا تردين احين انا نصحتج عشان تفكرين بعقل و ما تتعصبن و توضعين رفضج لزواج من جاسم اكبر عائق في حياتج و باين عليج يا ريم بتظحين بعمرج عشان تعيشين مع اسنان ما شفتيه و لا عرفتيه بس الي سمعتيه انه وصية يدج ويدتج يكون زوجج.
ريم:_ و في احد يضحي بعمره.
هناء:_ في و وااايد ما اقدر اعطيج الصورة الشاملة ياريم بس هذي الحيات سايرها بتعيش و عاكسها بمتوت.
ريم:_ عوفك ياربي وصبرك.
هناء:_ أهم شي ذكر الله وحطي الله جدامج في كل خطورة تخطينها بحياتج سواء خطوة فكرية ام فعلية ترى الي مع الله الله معاه.
ريم:_ و النعم بالله و الله يا النحيسة ما دريتج انج مخاوية في وقت الشدة.
هناء بفخر:_ الصديق وقت الضيق.
ريم:_ ههههه بسج اغرور.
هناء:_ اقول ريمان بيتكم ما فيه اعزاج وين الي رابشكم.
ريم:_ أوااااه منج تلف و تدرو عمي ناصر طالع مع جاسم و عيال عمي زياد و مشعل و محمد اخو جاسم.
هناء:_ واااااااااو طلعة شبابية يعني.
ريم:_ الحمدالله و الشكر ليكون تبين تروحين معاهم.
هناء:_ عادي في مكان لي مستعدة.
ريم تقطة المخدة على هناء:_ يوزي بسج ترا ما ياخذون الخبلات.
هناء تطلع لسانها:_ امممم يعني عمج بياخذ خبلة.
ريم:_ لا ينت البنت اليوم شاصير لج.
هناء:_ يايين الزار ابي ارفح في ريمان دنيتي و عمري.
ريم:_ بلاج مستعجلة جذي و رابكتنا للحين ما صار شي.
هناء:_ شنهو شنهو حبيبيتي دام احم احم بالسالفة زواجكم بيتم انتي قولي بس موافقة و خلاص.
ريم:_ منو احم احم بعد شهلغات الغريبة.
هناء:_ ياربي اشفيج انتي ما تعرفين هذي لغات الحب يعين عشان ما نخجل و نجيب طاري يا ربي تسوي فيني شي هلبنت اليوم.
ريم:_ ههههههه ذلفي زين انتي و لغات حبج الله يعينكم انتي وناصر عمي على خبالكم.
هناء:_ امبييييه ناصر خبل.
ريم:_ ههههههه انتي مخبلتيه كان ريال قلبتي حياته.
هناء توخي راسها..
ريم:_ شتسوين تحت تكلمين اليني الي في رساج و مأذنيا بخبلاج.
هناء تقوم الى ريم:_ و الله اذبحج اليوم يوزي عني.
ريم:_ ههههههههه بل بل شبتسوين فيني ليكون بتذبحيني.
هناء:_ لا ببوسج يالقردة.
ريم:_ شنهو لو سمحتي ما عندي هسوالف روحي بوسي حبيبج.
هناء:_ حريمته يحصل امواااااه مني.
ريم:_ هههههههه وعليا عيله مسكين عمي فديته.
هناء:_ بسج عاد سوت لي عمها مسكني عدال عليه احين.
تقطع عليهم لولوه تدخل و اول من فجة الباب انصدمة بوجود هناء
لولوه و اهي تطير الى هناء:_ هنوووووووي يالدبة انتي اهين و ما تقولين لي.
هناء:_ ههههههه شسوي اسرتني اختج تحبني ويلي على حالي لا يسرقوني.
ريم تناظر هناء بنظرات حادة
هناء:_ شوفيها بتذبحني.
لولوه:_ هههههه بسكن اقول هنوي شلونج احين من امبارح بيوم غصيتي علينا.
ريم:_ هههههههههههههههههههه.
هناء:_ ما تنسين انتي و لا تيوزين.
.................................................. ...........................................
تجولت تلك العيون بالسماء و بدأة تراقب حنين الشوق كيف يتغلغل قلبها تناست كل الواقع و بدأت تعيش بأحلمها و عالم خيالها الذي رسمت به كل أحلامها و أمنياتها..مروة تميل راسها و تتنهد على المعزة إلي أدفنتها لأنسان ماعمره تناظرها بشوق و محبة ما عمره خطر ذكرها على باله الأسم الوحيد إلي رح يظل و بيتم يتردد في بالها طلال أااااااه اشلون حبيتك من دون ما تعرف اشلون الدنيا تخبي حب لأنسان بقلب ناس وهو ما يعرف اشلون ابجي على بعدك و انت ما تحس بحرارة هلدموع اشلون الدنيا تقسى على قلب حاله الغربة و الوحدة تناغيه بلسان الألم و الوجع و القهر ياربي ليش الي اعزهم تبعدهم هدنيا عني ليش...
تعوضة من ابليس وقامت من على فراشها و دخلت الحمام اغسلة ويها و لبسة لها جلابية ناعمة و رفعة شعرها الروعة.. مروة تتميز بحلاها في بيتهم و بنعومتها و دوم هادئة و ما تقول كل شي دوم شخصيتها خصوصياً عزة ولد عمها طلال بس عمرها ما فكرة بيوم ان لازم طلال يعرف بغلاه عندها ذاقت طعم التجاهل و النسيان طول عمرها و الى هذي الحظة و اهي متحملة كل هذا.. أطلعة من دارها و توجهت إلى الصالة سمعت سوالف حريم و انزلت أول ما نزلت لقة امها و اختها ملاك و خالتها أم فايز نزلة ببتسامتها و راحت سلمة على خالتها و قعدة حذال اختها ملاك...
أم فايز:_ شلونج يمه مروة وينج ما تنجافين شدعوا.
مروة ببتسامة:_ مشغولة خالتي بالتسجيل في الجامعة.
أم فايز:_ الله يوفقج يابنتي و الله انج غالية عندي.
مروة تتصنع الأبتسامة و كانت تعرف كل هلكلام يظهر من رغبة خالتها بأن تكون زوجة إلى ولدها فايز إلي أكرهته من الصغر...
ملاك تهز مروةو تهمس لها:_ ذبحتينا يا اختي قولي موافقة وبس ترى الحرمة كل مرة تفاتح امي بالموضوع.
مروة بدة تعصب:_ شنو اهي السالفة لعبة يا اخيت ما ابيه ليش ما تخبرونها.
ملاك:_ يا حلوج ما تدرين انج محيرة لولدها و اذا قدرتين تقنعين الناس بأن الشي الخط صح و الصح خطأ بتقدرين تقنعين خالتج أن فايز مستحيل يكون بيوم من هليام زوجج.
مروة تتغير ملامح ويها:_ ملاكوه فجي عني و لا تجيبين طاري هلموضوع.
ملاك:_ الله يهادج بس ويعينج على مابلاج من قايل لج صيري حلوة ههههههه.
مروة:_ هئ هئ بايخة.
ملاك:_ طالعة عليج يالوسة.
مروة تقوم و تلتفت لها خالتها.
أم فايز:_ وين يمه ما جفناج و لا قعدتي معانا.
مروة بغير نفس:_ ماعليه خالتي توني صاحية و ما فطرة بروح المطبخ افطر.
أم فايز:_ بالعافية عليج يمه.
مروة بتجاهل كبير الى خالتها:_ الله يعافيج.
ملاك تلحقها:_ تعالي مروي بجي معاج والله يوعانة للحين ما فطرة.