ظبطت شعرها و حست اشوي خفت الألام وصااااارت أحسن بواااااايد راحت لرنيم إلي كانت راقدة تصحيها وايد تأخرت في الرقاد...
بدور بصوتها الهادء:_ رنيم ماما يلا ماما بسج راقد ماما يلا صباح الخيييييير.
وليد إلي حس على بدور صحة فتح عينه لقها تصحي رنيم...
وليد قام بخفة وراح ورى بدور و همس لها عند أذنها:_ شلونج أحين عمري.
بدور ألتفتت لوليد:_ أحسن حبيبي قلت لك كلها ألام حمل و تعدي أنت دوم ما تطيع ليش تعبت حالك و تميت حذالي.
وليد:_ مو شغلي أشوف عمري تعبانة و أكون بعيد عنها قلبي ما يطاوعني.
بدور خجلة و لفت ويها عن وليد..
وليد مد يده و رفع راس بدور و وجهه قباله:_ أشوف يه يه شلى محرمين هلخدود.
بدور:_ أقول وليد يلا بروح أصحي رنيم عشان ننزل تحت.
وليد:_ لحظة قبل كل هذا أبي شي.
بدور:_ شنهو.
وليد:_ بس وعد تنفذينه أحين.
بدور قبض قلبها ليكون لالا ما أعتقد:_ من عيوني أنت أمر قول.
وليد:_ أبي أموااااااااااه حواوا...( بوسة ).
بدور إلي توقعته قاله وليد..
بدور:_ عااااد وليد أعفيني.
وليد:_ لا ياشيخة شنو أعفيج يلا أشوف وين الحواوا مو حرام عليج تحرميني منها و بنتج ببلاش تلاقيها.
بدور إلى أستحت تنحت حذال وليد باسته على خده و شردة داخل غرفة التبديل و أهي حيل مستحية ياربي ما ييوز عن حركاته..
وليد إلي طار من الوناسة و راح حذال رنيم و رفعها من السرير و حملها:_ يلا بابا بسج راقد ما ادري منو معلمج..
رنيم و شعرها مفتوح و أهي تتقرب حذال أبوها توبسه:_ تباح الخير بابا..( صباح الخير بابا).
وليد:_ ويه فدتيج مب كأني اليوم بين وااايد احصل حواوا و شنو صباح الخير قصدج صباح النوم.
رنيم:_ بابا وين ماما.
بدور إلي طلعت و أهي مبدلة و لبسة لها جلابية ناعمة بلون زهري هاااااادء:_ هلا ماما يلا تعالي أغسل ويهج و ننزل تحت نتغدى.
رنيم تنزل من عند أبوها إلي تم يناظر بدور و بدور ما تعطيه ويه و مستحية منه حيل ..
رنيم راحت تركض إلى أمها و تضمها.
وليد:_ بدووووور اشوي اشوي لا تحملينها و تثقلين على روحج.
بدور تلتف له ببتسامة:_ توه الناس.
و شمت عنه راحت الحمام تغسل ويه رنيم..
وليد ظبط شكله و طلع من الدار نزل تحت....
.................................................. ............................................
جاسم إلي كان بداره و يفكر في كلام عمه مستحيل أنا أتزوج ريم بنت عمي و لا أتزوج أحين مب على كيفهم... جاسم و بجنون يرفع التلفون ويطق رقم..
بعد فترة بسيطة..
جاسم:_ ألو..لو سمحت أخوي هذا طيران الكويت الدولي.. أيه لو سمحت بغيت حجز على فرنسا متى عندكم موعد الطيران.. أيه على اليلة الساعة 2 أوكيه بس على 4 العصر رح أجي أخذ التذاكر..شلون أقدر أحجز أوكيه الأسم جاسم إبراهيم بن فارس الحجزر على فرنسا..أوكيه يلا في أمان الله.
سكر جاسم و الجنون حاوي راسه هدفه يكسر كلمة الكل و يرفض هذا الزواج يتم بأي طريقة فكان حله الهرب ويسافر ويحط الكل جدام الأمر الواقع....
.................................................. ..............................................
معقولة بعد موافقة ريم يرفض جاسم الزواج؟
هل جاسم بيسافر أو في شي بيقطع عليه السفر؟
و مروة هل أم فايز خالتها بتفاحت أبو فايز بالموضوع ؟
و إذا رفضت هل بيقبلون رفضها أم لا؟
و شنهو رح يصير إذا سافر جاسم و سوة إلي براسه؟
و ناصر هل بيشوف هناء روحه؟
و شنو رح يصير؟
.................................................. ..........................
أتمنى نال أعجابكم هذا الجزء و أنتظروني على الجزء السادس
و أتمنى من كــــــــــــــــــــــــــل قلبي أكون عند حسن ظنكم و قصتي تعجبكم من قلب و يلا أنتظر ردودكم و رأيكم إلي عودتوني عليه