الله موضوعك مرررررررررره حلو تشكري في الحقيقه عليه
بصراحه بصراحه انا اموت في شي اسمه دراسه حتى الاجازه لمن تبدا تعجبني في البدايه
بعدين يجيني شوووووووق غير طبيعي للدراسه للمدرسه للطاولات للكتب لكل شي يربطني في المدرسه << ما شاء الله ما شاء الله عن الحسد يالله خخخخ
ما انكر انو احيانا يجيني ملل وطفش منها لكن اتغلب عليه على طول لان ورايا هدف اطمح ليه وحاطته قدام عيوني
بعدين انا بقول لك شي واحد بس هوا اللي خلاني استمر في الدراسه وبتفوق
اني لمن مثلا يكون عندي اختبار والماده صعبه او يكون فيها حفظ مررره كثير
تعرفي ايش كنت اسوي ؟؟؟؟
كنت لو وصلت عند شعر مثلا مو راضي ينحفظ
اقعد اتكلم مع الكتاب كانه انسان قدامي واقول
انت سهل ليه ما تحن عليا وتدخل دماغي انا متاكده اني حاحفظك وحتسير زي المويه ومره سهل وانت كريم وانا استاهل << زي المجانين ههههه لكن عاااادي كل شي لاجل النجاح يهون
والله ثم والله ثم والله من غير كذب في دقايق تلاقيني حفظت الشعر كامل وصار مره سهل
وانا اللي قاعده افحط لي ساعه مو راضي يدخل
تعرفي ليش انحفظ ؟؟؟؟
انا اقولك
لانو يقولك كل شي في الدنيا هذي يحس بيكي حتى لو كان جماد
انتي بس سوي صداقه وشوية تفاهم وتالف مع اللي قدامك ايا كان يعني احاسيس غير مرئيه حتلاقي نفسك مرتااااحه على الاخر ومبسوطه وكل شي يعدي بسلام
وكمان له تفسير ثاني انو كل انسان له عقلين باطني والعقل العادي اللي احنا نعرفه
فيقولك انك لمن تتكلمي الكلام دا اللي كله تشجيع لنفسك وانتي مقتنعه بي يتلقاه العقل الباطن ويترجمه العقل العادي فتسير الدنيا سهله عندك مرررررررررره
يمكن تحسي الكلام دا مو منطقي لكن اثبتوا علماء النفس وانا مجربته
وتعرفي عمري في يوم من الايام ماكنت اتوقع اني اطلع الاولى على دفعتي لكن بعد ما سويت الطرق دي وحطيت هدف في بالي جبت الاولى وانا فرحاااااااااااانه لانه كان انجاز بالنسبه لي
عالعموم حبيبتي انا ابغى اخرج بشي واحد من الكلام دا كله
انك انتي لو حطيتي هدف قدامك تبغي توصليله لازم تسعي بكل الطرق مهما كانت عشان توصلي ليه
غيري المكان لو طفشتي ادرسي قدام المرايا واتكلمي كانو في طالبات قدامهم وقاعده تشرحيلهم قومي غيري جو سوي فاصل اعلاني وارجعي كملي مذاكره لصقي اوراق في الغرفه واكتبي فيها كلام يدعمك ويشحنك ويشجعك كل ما حسيتي بفتور من الدراسه فرفشي لا تخلي وقت المذاكره كله جد في جد وصدقيني حتطلعي في النهايه من المتفوقات وبعدين قولي سونا ما قالت
اهم شي ياقلبي في النهايه توصلي للي تتمني
اااااااااام سوري حبيبتي طولت عليكي بس حبيت احط لك واقعي مو مدحا في نفسي لكن عشان تستفيدي منه انتي والبنات
وان شاء الله في يوم من الايام اسمع عنك كل خير وانك طلعتي من الاوائل على مملكتك مو بس على المدرسه او على الفصل وانا واثقه انك قدها وقدود
وتقبلي مروري بود
سونا