[sona the moon]

اهليييييييييييييييييين يا سكر
قبل ما ابدا حابه اقولك انو انا ما حانصحك لكن حافكر معاكي كيف نخرج في النهايه مع بعض من الطريق هذا لاني حاسه بيكي يا قلبي فلا تشيلي هم انتي قدها وقدود
بسم الله
في البدايه

انا ما حاقولك ليه كنتي تروحي لهذا الطريق ولا كيف كنتي تروحي ليه وانتي عارفه النتايج السيئه اللي حتصير لك في النهايه لانك انتي بنت كبيره وواعيه للي قاعده تسويه
لكن حاقولك اول شي شعوري تجاهك انتي بنت طيييييييييييييييييييبه مررررررره وفيكي خييييير كتييييير واللي حسسني بهذا الشي
انك من كل قلبك تبغي تسيبي الطريق اللي كنتي ما شيه فيه
وهذي اول خطوه في كل شي لازم نسوي في حياتنا واللي هيا العزيمه اللي متجسده فيكي وبقوه كمان
لو جينا نحط الاحتمالات اللي خلتك تروحي لهذا الطريق حنقول يمكن
1- انتي كنتي تحسي بفراغ وعدم تفهم الناس ليكي فحبيتي تثبتي ذاتك في الطريق اللي كنتي عليه
وكنتي تجدي سعادتك فيه واللي اكييد كانت مؤقته جدا
هنا انا حاقولك انو اثبات الذات في الخير اسهل واحلى من الشر وانتي جربي وحتشوفي الفرق << دعاية معجون اسنان خخخخ
المهم يعني عشان تقتنعي زياده شوفي الانطباع اللي تكون عنك لمن كنتي في ذاك الطريق من ناحية الاشخاص اللي كانو حولك فيه
تعرفي ايش الانطباع الي تكون عنك
انا اقولك
حيقولوا انو البنت هذي لسانها طوييييييييل وشراااانيه وحقوده ومستهتره وتافهه ومو بعيد يقولوا اهلها ما ربوها (ام سوري حبيبي على الكلام القوي هذا لكن انا متاكده انو هوا هذا الكلام اللي قاعد يدور في بالهم )
شفتي الصفات هذي انا عارفه انو ولا وحده منها فيكي فانتي اللي تقرري هل تبغي الناس يقولوا عنك هذا الكلام وعاجبك اللي ينقال عنك
ولا تبغيهم يتكلموا عنك بكل صفه حلوه وجمييله هيا في الاصل فيكي
اعتقد ياعمري انك حتختاري الاختيار الثاني وهذا دافع قوي انك تتركي الطريق هذا
طيب ممكن يكون في احتمال ثاني
2- مثلا ممكن انك تحبي التحدي والمغامره وبالذات في سنك الحين فطبيييعي اللي بتسويه
فتلاقي نفسك انجرفتي في هذا الطريق وطبعا الشيطان حيقولك ما في احلى من المغامره والتحدي لمن تكون مع الشباب وبالحركات اللي كنتي تسويها
هنا انا حيجي دوري واقولك : انو الشباب ما يحبوا اللي تجري وراهم ولا اللي تتكلم معاهم وتعطيهم وجه ولا يثقوا فيها ابدا ولا يفكروا فيها من الاصل بالعكس يمكن اللي ما تعرفيه انهم يمووووووتوا على البنت اللي ما تعطيهم وجه ابدا ابدا ابدا ويحترموها فوق ما تتصوري وان كانو يظهروا اشياء عكس اللي في داخلهم
فانتي يا حياتي بس لو كنتي خايفه على نفسك وسمعتك وفكرتي تعملي بشخصيتك وانوثتك وبتربيتك وبدينك حتلاقي نفسك اتغلبتي على شيطانك اللي انتي شايفه انو مسيطر عليكي وهوا ما يسوى ادنى اهتمام منك
وحتلاقي نفسك كمان استقريتي عندنا في المنتدى اللي احنا نتشرف بتواجدك فيه وكمان استقرت نفسك وانتي بعييييييييده عن كل اللي انتي كنتي فيه
هذا كل الكلام اللي عندي ان شاء الله تفكري فيه تمام وتقلبي يمين شمال وتقتنعي بيه ونكون خرجنا من الامر اللي كان شاغل بالك ومتعبك على الاخر
وانا اقولك يا قلبي لو محتاجه اي مساعده واي حاجه لا تترددي انا في خدمتك
ولو حابه انو احد يسمعلك برضو يا قمر لا تتردي انا كلي اذان صاغيه
انتي بس امري واتدللي كم بنوته بنكيه عندنا وحده واحلى وحده كمان
في النهااايه
نخرج ياعسل من الكلام هذا كله انك انتي بيدك تغيري كل شي فيكي بعزيمتك الموجوده في داخلك
وربي يسعدك ويحفظك من كل شر ويقويكي على شيطانك وكل اعداءك
وان شاء الله اشوف مشاركاتك واسمع عنك اخبار حللللوه تفرحني
وسووووري يا عمري على الاطاله
وتقبلي مروري
سونا