[قآصرة ـآلطرف]

السلام عليكم ورحمة الله وبركاته

وش تغـيـّـر ؟؟!


عذرا تم تعطيل الرابط لحمايتك


ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه

كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))

ليه مستغرب كلامي وليـه أعطيـك الأمـان؟؟
وليه تَكْذِب في كلامك العـذر وينـك ووينـه؟؟

ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

يُوم أعزك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه

( عزِّتـي ).. ما هي جديده آنا شامخه من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أعزك قلت وما عنـدي ضمـان
وإختياري كان خاطىء! تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أغليك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يعــز ومنتَ آخر شخص خـان
المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه

اتمنى تعجبكم ..

وسلامتكم....منقوله


_____
قاريتها من قبل بس ما اتذكر الشاعر ان شا الله بدرها واقولكم ..

وترى غيرت جم كلمه .!

المصدر: منتديات بنات دوت كوم

---

[hd jsHg uk l;hk; !! i, frn tdkd l;hk ??>!!

الموضوع الأصلي : جاي تسأل عن مكانك !! هو بقى فيني مكان ؟؟.!! || القسم : المخالفات || المصدر : منتديات بنات دوت كوم || كاتبة الموضوع : قآصرة ـآلطرف