محمد وهو يوقف:_ يبه حنا جايين نرتجي منك تروح لعمي بالمستشفى تراه بحاجة للك و بعدين مو هذا العهد فينا و لا هي عدلة بحقنا يا يبه أنت أخوه العود إلي لازم توقف معاه بوقت مثل هذا.
أبو وليد:_ يبه محمد كل كلمة قلتها أنت مع نوف ما خطيتو بها لكن تركوني أقول لكم أنا ما أقدر أروح المستشفى لعمكم قدرو موقفي.
نوف:_ شموقفه يبه عمي بحاجتك معقولة تتخلى عنه بأصعب الحظات.
أبو وليد:_ نوف يبه قدرو ظروفي.
محمد:_ يعني مارح تروح المستشفى.
أبو وليد:_ أسمحولي أقول لكم لا.
نوف و أهي بتبجي من الحال إلي يمرون فيه.. مسكها محمد و أطلعو لكنهم موقفو على صوت أبوهم...
أبو وليد:_ محمد.
محمد:_ لبيه.
أبو وليد:_ خبرني بحال عمك أول بأول.
محمد بفرحة بأنه قدر يترك أبوه يحاتي عمه ويسأل عن حاله:_ أن شاء الله يبه.
طلع محمد و نوف كانت تناظر محمد..
محمد:_ أشفيج تبققين عينج فيني جذي.
نوف:_ محمد سمعت أبوي شقال.
محمد:_ أيه سمعته أشفيها.
نوف:_ ما خاب ظني دوم كنت أقول أبوي طيب مهما سوى ما يستغنى عن طيبته.
محمد:_ كنت عارف بقلب ابوي من اول ما دخلنا عليه وهو يتلوى يبي يعرف اخبار عمي بس الغريبة يظهر عكس ما بداخله.
نوف:_ هذا طبعه عنيييد.
محمد:_ و أنا أقول راسج هذا خايس و عنيد أشلة إلة طالعة على الوالد.
نوف:_ و النعم.
محمد:_ أقول أنجلعي زهبي حالج بنمشي المستشفى و شوفي بدور إذا بتجي معانا.
نوف:_ صج و الله من عيوني..
وراحت تركض نوف وشعرها إلي يتطاير بنعومته و بلونه البني الغامج الحلوووو ..
ضحك محمد على خبال نوف لكنه مسرع ما تذكر حال عمه رفع عينه وهو ينطق بلسانه:_ الله يقومك بسلامة يا عمي.
.................................................. .............................
بباريس وين ما كان الصبح يعلن هطوله عليهم من جديد و جاسم كان راقد بشقته و يعيش بالنوم إلي كان دوم يلجأ له عشان يتهرب من الواقع و من حياته و من الأشياء إلي لازم يواجها بنفسه بهدنيا....
بهلحظات وصله اتصال على تلفونه وصحى من رقاده وهو يناظر الرقم لقاه راشد فما عطل ورفعه...
جاسم بصوت أرقاده:_ ألووه.
راشد:_ صباح الرقاد جاسم.
جاسم ببتسامة:_ صباح النور و الله أني تعبان من أمبارح.
راشد:_ زين قوم لي من هرقاد رايدك بموضوع.
جاسم:_ عسا ما شر.
راشد:_ الشر ما يجيك بس قوم غسل ويهك و فتح لي الباب.
جاسم:_ أنت بالبناية تبع الشقة.
راشد:_ ايه يا اخي عطلتنا قوم بسرعة.
جاسم:_ أوكي باي.
راشد:_ باي.
قام جاسم بنشاط يتحسسه جسمه و دخل الحمام بدل و غسل ويهه بسرعة و راح لراشد فتح له الباب..
جاسم:_ سوري على التأخير بس كنت أبدل.
راشد وهو يدخل:_ لالا كل واحد.
جاسم:_ شهلموضوع إلي بتكلمني فيه.
راشد وهو يلتفت لجاسم و يترك جاسم يتوقف عن المشي...
راشد يمد يده بتذكرة سفر بالطيارة...
جاسم:_ تذكرة سفر لوين وليش.
راشد:_ جاسم أنت لازم ترد بأسرع وقت لديرتك وبلادك هلك بحاجتك.
جاسم إلي كان عنده العلم لمعرفة أبو راشد بعاليته و بعمامه و أبوه...
جاسم:_ خير راشد شصاير في هلي اشفيهم ليش لازم ارد.
راشد يوطي راسه:_ للأسف رح أوصل لك هلخبر بس عمك ناصر يا جاسم سوة حادث أمس و حالياً أهو بالمستشفى بالعناية.
جاسم وهو يشهق و يناظر راشد..
راشد:_ أستهدي بالله يا جاسم و هدي حالك هذا أمر الله و المكتوب.
جاسم:_ لاااااااااااااااااااااااااااااااااااااااااااااا مستحيل عمي يصيبه جذي أنا السبب أنا السبب بلي صابه أنا يا راشد أنا..
راشد:_ جاسم تكفى هدي حالك ما يصير جذي أنا ما جيت خبرتك عشان تسوي بحالك جذي يا جاسم هلك بحاجتك و عمك بحاجتك أتمنى ترد البلاد.
أنهارجاسم و تم قاعد على الأرض مسند راسه على الجدار و أدموعه تهل وهو مو مصدق إلي سمعه من أشوي....
.................................................. .................................................. .....
بالكويت بالمستشفى وين ما كان ناصر يتقلب بألمه وهو بغيبوبة و حالته كانت تعلن التعب و الأرهاق من منظهر...وصل محمد و معاه نوف و بدور و أم وليد....
وليد إلي ألتفت لهم و قام على طوله و أتجه لهم....
محمد:_ ها وليد وين الشباب.
وليد:_ الشباب بالمصلى تحت الحين رح يوصلون.
وليد:_ هلا يمه.
أم وليد:_ هلا يمه وليد شحاله عمك.
وليد:_ أبخير أن شاء الله( يلتفت لبدور) هلا بدور.
نوف:_ الله لنا مالنا سلام أيه ماهو حنا طوفة هبيطة.
وليد:_ نوييييف.
أم وليد:_ هووو يمه وليد بلاك بتسوون لنا نجرة أهني عيب عليكم بعدين يمه بلاك متلقي حرمتك تلقي.
محمد:_ يمه عذريه ولهان ما يتحمل البعاد.
أم وليد:_ و خزياه منك من ولد يمه يوز عيب عليك صرت ريال و أبو بعمر الثلاثين.
بدور إلي كانت رح تنفرط من الضحك..محمد:_ أنا مو شغلي لا تطالعني.
وليد:_ أصبر لي يالهيس أصبر بس كم مرة قايل لك لا تدخل في شي مو شغلك فيه.
محمد:_ مو مشكلتي أقول أنجلع قابل حرمتك.
وليد:_ ماحد قال لك حدني عليها و أنت إلي أنجلع.
محمد:_ أيه مقيولة من يحدك على خبالك أنت.
و شرد محمد و معاه نوف و أمه و بقت بدور لحالها واقفة جدام وليد...
وليد:_ هلا بدور.
بدور:_ هلا حبيبي.
وليد:_ ها شنو قلتي لالا ما أصدق عمري أمصخنة أشوي.
بدور:_ إلة وااااايد.
وليد:_ عساه دوم عشان أسبح بهلعسل إلي تنقطينه.
بدور بنبرة حادة مرة وحدة:_ وليد.
وليد:_ بل بل ياك الموت يا تارك الصلات من اشوي يحليلاتج و أحين أنجلبتي.
بدور:_ لأنة باين ما تستاهل إلة العين الحمرة.
وليد:_ من صجج.
بدور و أيه تمشي عنه:_ أيه.
و بسرعة مسكها من خصرها..
بدور و أهي تضربه على يده:_ فج يدك عني وخر عيب عليك جدام خلك الله بلاك أنت بعدين بدل ما تحاتي لي عمك تسوي جذي.
وليد بتنهيدة:_ بدور.
بدور و أهي تلتفت له لتحسسه بنبرته الغريبة:_ لبيه.
وليد:_ تكفين بدور أبيج بهذا الوقت أكثر من كل وقت.
بدور عرفت بحزن وليد على عمه رجعت على ورة خطوتين و مسكت وليد من يده:_ حبيبي أنا كلي لك عطني حزنك كله و لا أشوفك جذي أنا حذالك و طول العمر كله رح أكون حذالك بس أذكر الله.
وليد:_ الله العالم وحده بقلبي يا بدور.
بدور:_ أعرفك أكثر من حالي يا وليد لا تكتم إلي في قلبك قوله قوله يا وليد و أبجي و أذرف أدموعك لكن لا تسكت و تخبي و تكتم و الله أتعب لين جفت جذي.
وليد:_ شقول يا بدور عمي هلأنسان الطيب يصيبه كل هشي و الله ما هقيتها.
بدور:_ قدر الله يا وليد هذا القدر و مجبورين نقبله مثل ماهو و شنو ما يكون حتى لو على فراق أغلى من نعزهم.
وليد إلي حس بدموعه رح تنزل فج يده عن بدور و مشى و ابتعد عنها بدور إلي لحقة وليد و أهي خايفة عليه لا يسوي بحاله شي..
بدور بعد مشيها السريع وصلت لوليد وهو يمشي من دون توقف:_ وليييد تكفى وقف تكفى تعالي لا تروح لا تبتعد لا تذبحني و تذبح حالك.
وليد وهو يوقف على كلمات بدور.
وصلت بدور له و راحت له و جبالته بويهه و أهي تحاوط ويهه بيدينها الناعمتين:_ كاني حذالك وليد كاني يمك أنا إلي سكنت هلقلب و إلي ملكت كل ما فيك تركني أهون عليك حزنك ترى حزنك حزني و تعبك تعبي... قطع كلامها سكوتها المفاجأ لشعورها بدوران خفيف و عدم قدرتها على التماسك و الوقوف...
وليد رفع عينه لمن حس بشد قبضة بدور على كتفينه و بسرعة مسكها من يدينها و أهي تسح حالها رح تطيح من بين يدين وليد...
وليد:_ بدور علامج يالغالية أشفيج.
بدور من دون تركيز:_ مسكني وليد أحس الدنيا تدور بعيني وليد تعبانة.
وليد و قلبه يرجف:_ أسم الله عليج..
مسكها بيدينه وهو ياخذها للأستراحة البعيدة عن غرفة عمه و أهلهم و ريحها على أحدى الكراسي و سندها على صدره و طلب من احدة النرسات المارين تعطيه كاس ماي يبلل فيه ويه بدور و صلى على النبي و هو يقرى عليه اشوي من آيات الله و يذكر الله...
بعد لحظات طلب نرس تجوف بدور و نقلوها بعيد عن غرفة ناصر و اهله لغرفة ثانية و تمت مسترخية على السرير لأنة حطو عليها مغذي جسمها كان تعبان و محتاج راحة و اكل و عصب وليد لمن عرف انها صار لها كم يوم متعبة حالها و ما تاكل زين لكنه عشان خاطرها شافها تعبانة ماحب يزعجها و تم معاها....
الشباب و الكل استفقدو لوليد و بدور قام محمد يدور عليه عند الأقسام القريبة من قسم عمهم ...
وهو بالطريق بين الممرات لقى نرس و سألها و خبرته بأن حرمته تعبت و أهي بالغرفة إلي أشارت عليها .. رجف قلبه محمد وهو يقول لنسفه(( ياربي شلي قاعد يصير اولها ناصر تاليها بدور ياربي استر برحمتك يارب ))....
توجه محمد للغرفة و طل براسه .. ألتفت له وليد و ارتبك ..
محمد بهدوء:_ وليد اشفيها بدور عسا ما شر.
وليد وهو يأشر له يدخل بهدوء:_ ماكو تعبت اشوي الحمال متعبها و اهي ما تاكل زين و صابتها مجرد مضاعفات اشوي و ان شاء الله ما تكون الة ابخير.
محمد:_ ما تشوف شر ان شاء الله ها اخبر الأهل.
وليد:_ لالا ما يحتاج كلها ساعة و بدور تكون بخير بس لا تحسسهم بغيابي و قول لهم طلع مع بدور مشوار و راد.
محمد:_ ان شاء الله.
بدور بهلحظة صحت و فتحت عينها وليد بلهفة مسك يدها:_ ما تشوفين شر يالغالية.
التفت محمد لبدور إلي صحت و ابتسم:_ يا اخي اشوي اشوي عليها ( يناظر بدور) ما تشوفي شر بدور و ما اوصيش تحملي بحالج ترى هذا خالد نبيه ريال سنع.
بدور و اهي تبتسم:_ لا توصي حريص.
وليد:_ أمبين ما يوصي حريص أي حريص و أنتي جوفي شمسوية من وراي هذا العهد فيج تتعبين حالج و لا تاكلين زين.
بدور:_ اسفه وليد.
وليد بغرور مصطنع:_ وين اصرفها.
بدور:_ بقلبك الكبير.
وليد:_ ما يسمح لها تدخله.
محمد:_ هي عن اتدلع يانسونجي امسوي لي حاله روميوي زمانه.
وليد:_ هي انت شلي مخليك اهني.
محمد:_ مو شغلك.
وليد:_ انا اقول انجلع احسن لك.
محمد وهو يطلع:_ طالع بس بدور الله الله لا تعطينه ويه تراه خووووش لزقة يلوع الجبد.
بدور و أهي تضحك ناظرها وليد وهو معصب:_ طالع و تتعوان معاه علي اصبر بس ياحمود.