طلع محمد وهو يضحك على اخوه و بقلبه يقول( متى بس يا شهد يحوينا القرب و اشوفج دوم حذالي مثل ما هذا المربوش دومه مع رحمته و الله بيقهرني )...
بعد ما طلع محمد من عند وليد و بدور .. بدور سكرت عينها كانت تبي تتهرب من وليد (( لأنها تعرف جزاها على إلي سوته ))....
وليد تم يناظر بدور وهو معصب لكنه مسرع ما تعمق بعيونه وهو يناظر خصلات شعرها الناعم متدلين على جبينها و خدينها الموردين و عينها الي تنتهي برموشها الطويلة اندمج مع تعمقه في ملامحها و تقرب من خدها إلي كان يحس بدفاه كل ما يتقرب و لمن لمست شفاه خد بدور الناعم إلي أشبه بالحرير و باسها .. بلمح البصر تباعد و بدور فتحت عينها تناظره وهو تحرش بشماغه يظبطه لمن ألتفت لها حاول يتجاهل الي سواه...
وليد:_ ها بدور ريحتي الحين صرتي احسن.
بدور وهو تناظره و مب مستوعبة الي سواه
وليد وهو يتقرب منها و يقرب عينه من عينها:_ لو اعيش الدنيا كلها لكن يحرموني منج ما رح اقول عشت مرتاح لكن لو اعيش الدنيا ثواني بس انتي حذالي رح اقول عشت الدنيا بسنينها كلها.
بدور دمعت عينها و أهي تحس بمشاعرها الدافية تتفجر بقلبها اتجاه وليد...
وليد إلي ما كفاه و لا روى قلبه غير لمن عانقها بدراعينه و لمها لصدره بقوة وهو يردد لها بلسانه:_ أحبج .. ولو بعدوني عنج ما أتوب من حبج .. في هدنيا مسافات الفرح أنتي و شهقات الوله أنتي حبج يامن سحرتيني وسط يوفي و على قلبي بنى جدران تحميه و تداريه من عيون العدوان...
بدور إلي لمن تباعد عنها وليد تمت تناظره...
وليد:_ عساني فدوة لهل عيون...
بدور:_ و عساني انا كلي لك فدوة طول العمر...
وليد بسلوبه الغشمرجي غير نظرته و رفع حاجب واحد لبدور وهو يقرب يده و يلمس بطنها:_ شلى متعبة حبيبي خلودي الي ساكن اهني.
بدور إلي ضحكت من قلب على اسلوب وليد:_ افا انا اتعبه حشى و الله.
وليد:_ أيه دزي من هذا الكلام اعرفج زين .. ( تقرب منها اكثر ) شلى ما تاكلين من الي مانعج.
بدور:_ حبك منسني كل شي حتى منسني اتحمل بحالي و بولدي.
وليد وهو يضحك:_ هههههههههههههه من صجج بدوووووورووووووووووو.
بدور:_ و الله تبيني احلف لك بعد.
وليد:_ لالا اصدقج لأنج انتي قلبي لقيتي احد ما يصدق قلبه.
بدور:_ لااااااااااااا.
وليد:_ ايه خلج جذي زين شنو الحين مرتاحة.
بدور:_ الحمدالله.
بعد ربع ساعة بالكثير وصلت النرس و طمنت على حال بدور و تركتها تروح بعد ما تطمنو على حالها و حال الجنين و طلعت مع وليد عاد وين وليد يخليها تم يمشي و يده بيدها و اهي كل ما سحبت يدها رجع يمسكها....
بدور:_ وليد تكفى تركني وصلنا لقسم عمي فشلة يجوفونا الأهل جذي.
وليد يناظرها بعيونه بنظرة تحرج الواحد..
بدور:_ ياربي وليد لا تناظرني جذي تكفى تركني.
وليد بجدية:_ و اذا جافونا شصار يقولون الي يقولونه و يجوفون الي يجوفونه ليش انا مسوي شي حرام و الله حرمتي و حلالي و الله غلطان.
بدور:_ بس..
يقاطعها وليد:_ بس تستحين صح انا اعلمج المستحى على اصول.
بدور:_ ياربي تكفى وليد.
وليد وهو يعصب:_ بدور كافي الي سويتيه ما تاكلين و متعبة حالج لو صار فيج شي الحين تعرفين انا شنو رح يصير فيني كم مرة منبهج و موصيج الله الله بحالج.
بدور انحرجت حست من قلب وليد معصب
وليد:_ بدور يلا جدامي امشي.
بدور من كثر احراجها مشت جدامه .. و تم يمشي وراها لمن وصلو راحت لنوف الي التفتت لها و تركت وليد الي راح وقف مع عيال عمه و عينه عليها...
بدور و اهي متوترة التفتت لها نوف...
نوف:_ اشفيج بدور متوترة.
بدور:_ ها لالا و لا شي.
نوف تتقرب لنوف:_ اشك وليد مسوي لج شي.
بدور:_ لا حشى شنو يسوي.
نوف:_ بدور ترى اعرفج زين و بعدين اعرف سوالف وليد زين ترى بمراهقته ذبحنا من شافج و عرف انج بنت عمه ذبحنا وهو يدعي دوم يكبر و ياخذج.
بدور و اهي تبتسم:_ عسالله يخليه لي.
نوف:_ طالع قعدت لي تتغزل فيه اقول صلي على النبي عن التغزل.
بدور:_ ههههههه الله ياخذ بليسج نوفوه.
نوف:_ الة اشفيه وليد امبين عليه معصب.
رفعت راسها بدور تناظره لمحت عيونه إلي مثل الصقر تراقبها بكل دقة و معاينة.. و بسرعة وخت راسها و اهي تقول لنوف:_ علمي علمج ما ادري اشفيه اليوم مثل ما تعرفين عمي ناصر غالي علينا و وليد قلبه طيب و ما يتحمل يجوف احبابه بحالة صعبة.
نوف:_ الله بالعون و الله ما يستاهل عمي يصير فيه كل هذا.
بدور:_ الة نوف عمي ابو وليد ما رح يجي المستشفى.
نوف بكدر:_ خليها على الله انا و محمد طلبنها و فكرنا عمي له خاطر عنده لكنه ردنا.
بدور:_ الله يسامحه عمي بس.
نوف:_ الله كريم صدقيني عارفة ان قلبه بياكله على ما يجي لناصر عمي بس تكبره و نكرانه لمشاعره اهو الي يذبحه تراني خابرته ابوي و اعرفه زين.
بدور:_ ريلج و انا ما ادري.
نوف و اهي تطق بدور على كتفها بخفة:_ ويه عساج شنو ريلي هذا ابوي و نور عيوني.
ضحكت بدور على نوف و تمو مع بعض....
.................................................. ......
على الساعة 10 في اليل الأهل كل من رد و بقى بالنهاية ريم و طلال و محمد...
ريم إلي كل ما طلب منها طلال ترد البيت ما تطيع...
محمد وهو يحاول معاها يمكن منه تقبل:_ ريم شلي بتسوينه لمن ترقدين مع عمي تراه تحت سيطرة المسكن و فاقد الوعي يعني ما رح تستفيدين شي.
ريم:_ ولو ما ابي اكون بعيدة عن عمي بهلوقت.
طلال وهو يأس من ريم:_ يعني مصرة.
ريم:_ أيه.
طلال:_ عيل ما اوصيج تحملي بحالج.
محمد يقاطع طلال:_ شنو يا طلال بتخليها ماهب عدلة لحالها و بنت ما يصير.
طلال:_ الدنيا أمان يا محمد و أهي بالمستشفى ماهب بالشارع.
محمد:_ براحتك بس انا نازل اسبقك و لحقني انت بس لا تصيف.
طلال:_ أوكي.
نزل محمد و طلال وصى ريم على حالها و راح تطمن على حال عمه ناصر بعد ما عرف حالته للحين مستقرة و ما فيها أي خطورة و من بعدها نزل لمحمد إلي ينتظره بالسيارة...
.................................................. ...
بين هذي الاجواء المتوترة على حالت ناصر و الحزن امغيم على عايلة بن فارس هبطت اول طيارة على الكويت واصلة رحلة من فرنسا و كانت تحمل اكبر صدمة للكل لمن رح يعرفون بتواجده ( ما رح اقول منو اكيد عرفتوه لكن رح اتركم مع إلي بيصير ).. نزل جاسم من الطيارة وهو يرجف من التوتر إلي يحتويه شرح يسوي لكنه غير مكان واحد في باله ما رح يروحه و سحب اجنطه و اكمل كل اجرائته و اخذ تكسي و اتجه لطريجه....
بقت ريم بالمستشفى لحالها بعد ما راحو الكل طلت على عمها لقته مثل الياهل الراقد وهو غرقان بالنوم دعت له و اتجهت لقسم الكفيتيرة جان تشرب لها شي من وصلت المستشفى للحين ما كلت شي و حاسة حالها رح تموت من اليوع....
........................................
وصل محمد لبتهم بعد ما وصل طلال لبيتهم و نزل من سيارته وهو يظبط اشماغه و حمل تلفونه و مشى لعتبات بيتهم.. اول ما دخل و فتح الباب لقى الربع امبسطين ( الأهل .. وليد و بدور و نوف و ام وليد )...
محمد وهو يبتسم:_ سلااام هلا و الله اجوف الربع امبسطين.
نوف:_ و الله ننتظرك يا شيخ.
محمد:_ ويه صج و الله ما اصدق.
وليد وهو يهم بالوقوف:_ يلا بدور خلينا نصعد نرقد من الصبح ماهدا لنا لا بال و لا روح.
محمد:_ طالع الي يعرف الحشم بس يوم لقاني وصلت قام صج ما عندك احترام لي لو مستعيل هلكثر على اليلة.
بدور إلي فهمت قصد محمد و وقفت و اهي تبتسم:_ ما اظن.
وليد تم يناظرها و محمد رد عليها:_ ايه خلج مثل ما عرفج ياجبل مايهزك ريح لا تعطينه ويه هلبرز.
وليد:_ هي هي عن الغلط و احترم حالك.
ام وليد:_ يمه محمد مالي حشيمة بينكم عيب يمه تغلط على خوك جدامي و بعدين هذا اخوك العود.
محمد:_ السموحة يمه منج بس لولاج جانوريته السنع ويا هلويه اذلف اقول.
وليد وهو يمر على محمد:_ اقول بسك تليقف في غيرك و روح ارقد و احلام سعيدة مع بنت العم.
محمد ما لف و الة وليد شرد منه و بدور راحت معاه...
نوف و اهي تعرف شقال وليد:_ معاه حق بوخالد والله ما وحشوك بعض الناس.
محمد:_ و انتي بعد.
نوف بنحاسة:_ و امي بعد اشرايك.
محمد:_ نوييييييييييف افتن على سواتج.
نوف:_ ها شقلت ما سمعت.
محمد:_ يقولون التصيمخ مو زين لج اقول يمه تصبحين على خير.
ام وليد و اهي تقوم:_ و انت من اهل الخير يلا يمه نوف امطولة بالقعدة اهني.
نوف:_ لالا يمه قايمة الحين.
ام وليد:_ عيل انا بصعد فوق و ان ردتي تصعدين ما اوصيج سكري الأنارة و اصعدي...
نوف:_ من عيوني...
.................................................. .................
بدور و أهي تسترخي على السرير و حذالها وليد مسترخي .. كانت تناظر السمى وحاية من وين تبديها مع وليد باين للحين ماخذ على خاطره على لي سوته و تعبت حالها...
بدور و أهي تلف بويها تناظر وليد:_ وليد.
وليد ببرود قاتل:_ لبيه.
بدور:_ أسفه وليد ما كان قصدي ازعلك بس و الله مو بيدي الي سويته.
وليد:_ انا مو زعلان.
بدور:_ عيل ليش دومك حاقرني من ردينا من المستشفى.
وليد:_ الله العالم.
بدور:_ تكفى وليد توبة اخر مرة.
وليد وهو يلتف لها و بنبرة حادة اشوي:_ انا الي اسويه معاج الحين لمنو خوفي عليج لمنو تعصيبي عليج لمنو موكله عشانج و عشان مصلحتج ليش يا بدور ما تبين تفهمين انج غالية و تعبج من تعبي و جرحج من جرحي و الي ما ارضاه علي ما ارضاه عليج.
بدور و اهي اموطية راسها و تعرف وليد بكل كلمة صادق فيها
وليد الي حس انه ضايق بدور .. تقرب منها وهو يرفع راسها:_ ما قصدت ازعلج يالغالية بس خوفي عليج من الي سويتيه تركني اتعصب و افقد اعصابي يا بدور انتي حامل و الحامل تحتاج لعناية اكثر تكفين فهميني.
بدور و اهي تناظره:_ و هلخوف كله علشان منو.
وليد:_ لا تفكريني خايف عشان الي انتي تحملينه ببطنج ترى خوفي عليكم انتو الثنين انتي و رنيم و بلي رح يجينا بالطريج كلكم حشاشة يوفي و مالي احد غيركم.