هلا بنوتات اليوم و اخيرا قررت اكتب حقكم هالقصة الي الفتها ابروحي انشاالله اتعجبكم
بعد خمسة آلآف سنة ,حدثت قصة اثرت بكل الناس ..حكاية بنت مسكينة عاشت حياتها و اهي
زعلانة اغلب الايام,احين بقول حقكم الشخصيات:
همسة: بطلة الحكاية ,عاشت حياتها و استحملتها برغم انها كانت حياة كئيبة
فرح: اختها الصغيرة
وائل:اكبر اخو لهمسة واهو مب عايش وياهم
ام وائل :امهم العايشة ابعالم كله قهر
البدايــــــــــــــــــــــــــــــــــــــــــــ ــــــة:
في قرية صغيرة ابعيدة عن المدن ,كان في بيت مصنوع من الخشب و واظحة عليه آثار القدم ,
هذا البيت كانت اتعيش فيه بنت حلوة وااايد اسمها همسة اهي و اختها فرح و امهاوبس ابوها
الله يرحمه مات يوم كانت صغيرة و اهي ماتدري عنه شي او اتعرف كيف شكله,ويا حرام ابعمرها
ماحست ابحنان الابو , واختها فرح بعد ماتدري شي عن ابوها,بس اخوها وائل اهو الوحيد اللي
حس بحنان ابوه بس لمدة خمس سنوات,بعد ما اتوفي بو وائل صارت ام وائل تشتغل خدامه
بالبيوت ,تخدم هاذي و ذيج,وطبعا همسة و فرح و وائل ما اتعلموا شي بالمدارس الان الاقساط
كانت واايد غالية,بعدها صار وائل مب يسمع كلام امه و لا يهتم فيها,في يوم صار خلاف كبير واايد
بين وائل و امه وبعد هالخلاف راح وائل برع البيت و قال حق امه:انا مب راجعلج مرة ثانية و اعتبريني
تبرات منج انت مب امي و انا مب ولدج,وراح ,امه المسكينة صارت اتصيح عليه انه يرد لها ,وصارت
تبكي و تبكي,طبعا همسة كانت مب فاهمة وش اللي يحصل اببيتهم وكانت كل اشوي اتروح حق
امها و تسألها وش صاير بس امها كانت تكذب عليها وتقول لها :يمه...اخوج راح يشتري حقك عسل
من بلد وااايد حلو,كانت همسة اتقول:ياااي اخوي راح يشتري حقي عسل ..,وتغني هني و هناك
بعد اسابيع صارت هالهمسة اتشك ابكلام امها,وكل دقيقة اتروح تسأل امها عن اخوها وائل,بس
امها ماكانت اترد عليها,كانت اتخليها تسرح ابخيالها عن مكان اخوها وائل وعن حاله و احواله ,بعد
مرور سنة صارت همسة لا تسأل عن اخوها وائل الانها بدءت تنساه اشوي ..اشوي,الخبر الكان
صدمت بالنسبة الام وائل اهو ان بنتها الحبوبة فرح صايرت انعزالة وااايد عن اللزوم ,ماتتكلم وايد
ماتلعب واايد مثل ماكانت صغيرة حتي بالاكل صايرة تاكل شويه بس,و ام وائل المسكينة ما تدري
وش اتسوي حق بنتها,يات لها فكرة ,راحت و قالت حق همسة:هموسة روحي لعبي اختج شوي
,قالت همسة :حاظرين يمه,راحت تسولف ويا اختها و تحاول اتلعبها شوي,بس المشكلة ان فرح
مب راظية تلعب ,بعدين يوم شافت همسة و اهي تلعب و تركظ تحمست و راحت تلعب اخيرا بس
اللي حصل مب هين ابد ...........
يتبع...
بنتظر ردودكم ربيعاتي
rwm(fkj judsm) >>>lk jHgdtd
الموضوع الأصلي :
قصة(بنت تعيسة) ...من تأليفي
||
القسم :
الـقـصـص و الـروايـات
||
المصدر :
منتديات بنات دوت كوم
||
كاتبة الموضوع :
ino