شكراً على التفاعل ، حبيباتي........
راح أجاوب على تساؤلاتكم
أول شي بالنسبة للتنسيق أنا بصراحة ما فهمت قصدك بالضبط ، لو تخكيلي شو بتقصدي وتقترحي علي بكون فعلاً شاكرة لألك .....
حبايبي بالنسبة لتوضيح المواضيع أنا قصدت إنو ما يكون الموضوع فيه تفاصيل كتيرة وشرح كتير ، أما إذا إنتوا بتفضلوا هيك على عيني وراسي.....بس أنا بذكر المواضيع بشكل عام حتى أعرف رأيكم بالوضع بشكل عام ........
بدي أنبه إنو المشاكل ممكن إنها تكون حصلت مع فتاة مش بمرحلة المراهقة أو ممكن إنا تكون صارت مش مع بنت .....بس الهدف إلي خطر ببالي هو إنا نعرف لو حدا واجهته مشكلة طلب فيها المساعدة كيف نساعده لأنو بعد فترة من الموضوع حنصير نعرف أكتر عن المشاكل وحلولها ....وكمان عقليتنا حيصير فيها أكتر من وجهة نظر للموضوع مما بخلي لنظرتنا شمولية أكتر على الدنيا....
حبيبتي romancya فعلاً شي كويس إني أخلي الموضوع واحد بس متجدد ، بس أنا جديدة على المنتدى وما بعرف إنو حتى لو قدم الموضوع حيضل موجود بأول المواضيع عشان يشوفة أكتر عدد من الأعضاء؟؟؟؟؟
بدي أقلكم شو وجهة نظري بالمشكلة بصراحة المشكلة هاي ما إجت من فراغ في كتير مجتمعات فعلاً بتكون الأم ضعيفة حتى لو إنها هي وأولادها إلي بتأذوا ّّّ!!!!! وشخصيتها ما بتكون قادرة على الدفاع عن حقها!!!!! و إذا الأب وصلت فيه القسوة يضرب مرته وأولاده فأكيد ما حد من العائلة حيقدر يوقفة ، عشان هيك أنا بعارضك يا "نزف المشاعر" بقولك إنها ما لازم تحكي لحدا ، بالعكس لازم تجيب المساعدة بأي طريقة حتى لو كانت إنها تتصل بالشرطة لياخدوا أبوها من قدامها وهي هيك ما بتكون هدمت العيلة بالعكس هي هيك ساعدت على بناءها من جديد لأنها كانت من قبل مهدومة ومش ضروري إنها هي تتصرف مباشرة ممكن تتساعد مع مرشدة مدرستها مثلاً... (وتذكروا أنا قلتلكم إنو الضرب والإهانة مبرحين )