[آماليا]

* عمرك.. وسنتك الدراسيه ..

17 سنة/ الاول ثانوي

* مقر اقامتك ..

الأردن

* أسرتك .. حدثينا عنها ..

أسرتي مكونة من أربع ولاد وبنتين انا واختي
الحمد لله ربي رزئني بأسرة متفهمة وملتزمة من الأب وحتى أصغر إخواني
ورزئنا بالتفاهم والسعادة قبل أي شي

* طموحك في الحياه .

طموحاتي كثيرة
ما فيي اعدها كلها لانو ما الها نهاية
بس بزكر ياللي بهموني بهالوئت
طموحي اخلص دراستي الثانوية واحصل على معدل بأهلي أدخل التخصص ياللي بدي ايا بالجامة
واكمل كل شي بديتو من مشاريع و نشاطات بتهمني على صعيدي الشخصي او لمجتمعي وامتي

* المفضل من الآتي .. الأكل ، المشروب ، القناه ، الأنمي ، اللون ، اللبس ، مدن العالم .

الأكل ... امممممممم حسب
ازا كنت جوعنة كتير الكبسة وازا عادي البرغر
المشروب .. ميرندا وبد المقاطعة الله يثبتنا الفاتنا
القناة .. كنت اموت على قناة النجاح وعلى الشات تبعها بس بعد ما راحت وراحوا كل البنات ياللي اعرفتهم انتقلت لشدا والأقصى
الأنمي ... القناص بالنسة للأنمي الآكشن
وأنمي بنوتي ... ليدي ليدي
اللون ... وردي غامق ورصاصي
اللبسة .. بحب التنورات كتيييييييير والبروتيلات هاد بالطلعات العادية
اما بالحلات بفضل اللبس السبور لآخد راحتي اللعب
مدن العالم ... ما في أغلى من نابلس وكل مدن فلسطين بعيوني
اما خارج الوطن ما في شي محدد

* صديقتك .. ما الصفات التي تتمنيها فيها ..؟

الحمد لله صاحبتي وتوأم روحي كل شي بتمنى موجود فيها

متسامحة بدرجة كبيرة
بتفهمني عالطاير ( بسرعة )
ألبها ابيض متل التلج
بتحاول تعمل اي شي لحتى نبئى سوا وما بنفترء
متلزمة وبتخاف ربنا

شو بدي احكي لاحكي
الله يخليلي اياها وما يحم\رمني منها ياااااااااااااااااااا حئ

* ما هي نظرتك للحياه .. فلسفتك حولها ..؟ في سطرين فقط ..

الحياة بنظري
قصة
او بالاحرى رواية طويلة
الناس فيها همي شخوص القصة
فيها الأبطال وفيها الشخصيات الثانوية
بتحمل بين طيات أوراقها
مواقف وحودث بيحددها القدر والقضاء
رواية
ما حدا بيعرف متى بيوصل لآخر صفحة فيها

او
متل ما شبهها الرسول الكريم عليه الصلاة والسلام
بشجرة كبيرة
بنتفيئ بطلها لساعات محدودة
وبعدها بنكمل الطريق ياللي ما حدا بيعرف متى ممكن نوصل لنهايتو

* من اتخذتي قدوه لكـِ .؟

القدوة الاولى والاخيرة رسولنا محمد صلى الله
عليه وسلم
لكل زمان ولكل مكان
بس ممكن الواحد يعتبر شخصية بالزمان ياللي بعيش في كقدوة
وانا بحياتي بعد الرسول
اخترتاكتر من قوة
او يمكن ما فيي اعتبرهم قدوة
كل انسان الو هفوات واخطاء
كل شخص بتعلم منو وباخد ياللي بشوفو صحيح

* ما هو هدفك من تواجدك في بنات.كوم ؟ وهل حققتيه .؟ في سطرين فقط .

ان شاء الله اكون عضوة فعالة ما اترك المنتدى الا والي بصمة تتزركوني فيها وتزكروني بكل خير
وانمي من قدراتي ومواهبي
واحاول افهم الحياة بشكل احسن بمجتمع كلو بنات وهاد الحلو الموضوع

بتشكرك حبيبتي على الأسئلة الحلوة
فادني هالموضوع كتير بما ني مشاركة جدية لأتعرف على البنات أكتر
تسلم اديكي
وبدي اطلب منك
انك تجاوبي على أسئلتك لنتعرف على ديوي آيز أكتر
وبكون شاكرة الك يا عسل