(( كنت رح أواصل الأحداث و لكن ما حبيت أدخل عرض من بعد الشهرين بالأحداث و يتلخبط بالكم )) ....
ببرودة الشمس من الصبح يطلع جاسم من المزرعة بسيارته الكزز السودة ليتوجه لشركة .. و لكن اليوم بدى شي يتداخله مثل النشاط و الفرح و الحيوية الي تعمر قلبه بالراحة الكبيرة .. مشى بسيارته بسياقة هادئة و راكدة عكس تصرفات الشباب بالسياقة ليمن وصل لشركة و نزل (( طبعاً جاسم مب دوامه بشركة فجاسم مثل ما نعرف طيار أي كبتن طيارة ولكن زيارته لشركة لغرض ما و رح نعرفه )) .....
مشى بأناقته المعروفة و دخل الشركة .. و توجه لطابق الرابع مكتب عمه ناصر
ناصر من صوب ثاني كان طبعه بدوااام معروووف مرخي ريوله على المكتب و ساند راسه بسترخاء على الكرسي و راااقد ....
دخل عليه جاسم و لقااه رااقد نقع ضحك على عمه .. سكر الباب بهدوووء
و توجه نحايته يمشي بهدوووء ليمن وصل لحذاله تحسسه لقاه رايح بالرقاااد و ما يدري شيصير ... تحرك ناحية الباب و فتحه بهدووء كان يبي يفزع قلب عمه فصفق الباب بقوة و فزع ناصر بحركته المرتبكة و يطيح من على الكرسي و يروح فيها ضحك جاسم على شكل عمه ...
ناصر وهو على الارض :_ واااي ظهري وااااااااااااي ..
جاسم يتحرك ناحيته و ينزل له ليقومه معاه :_ سلامات سلامات .
ناصر :_ اذلف يانذل يالخسيس احد يسكر الباب جذي .
جاسم :_ و انت من معطيك تصريح الرقاد بالدوام شقالولك مسخرة اهي .
ناصر وهو يقوم على حيله :_ مالك شغل بعدين اشييبك انت .
جاسم :_ لا شكل الرقاد منسيك اليلة شنو عندنا .
ناصر :_ اييييييييي زين ذكرتني تصدق عاد ما خبرت اخوي ابو طلال .
جاسم :_ طاع هذا انت كلش ما يعتمد عليك انا من زمان خبرت الاهل و انت كلش ما تحركت والله بذبحك و لاحد يلموني .
ناصر :_ انرز احسن لك مسوي حاله ما يبي يعرس و الحين مرتبش على العرس مب جنك قلبت حمود الثاني .
جاسم :_ ولي عافيك مب وقت لعانتك شنو الحين متى رح تخبر عمي .
ناصر :_ خلاص الحين اروح اخبره .
جاسم :_ شنهو الحين مصدق عمرك جوف ويهك اشلون قالب بيكشفك انك راقد بالدوام .
ناصر :_ وليييييييه بس خلها على نهاية الدوام رح اروح له .
جاسم :_ اوكي عيل اخليك الحين .
ناصر :_ وين راايح ..
جاسم :_ شنو وين رايح دوامي بدى بس قلت امر عليك قبل لا اروح .
ناصر :_ اوكي بتوفيق بس شنو الوقت هذا اهو ما غيرته 9 .
جاسم :_ اي هذا اهو .. يلا في أمان الله .
ناصر :_ بحفظه و رعايته .
.................................................. .....................................
سارة كانت بصالة تلهي نفسها بالتلفزيون و بهلوقت دخل علي للبيت و تحرك لصالة ...
سارة :_ اوب اوب علوي اهني .
علي :_ ليش ما تبينه .
سارة :_ قص بلساني اقول جذي .
علي :_ بس وخري بقعد معاج زهقااان بالحيل .
سارة :_ والله قايلة لك تزوج انت الي مب مقتنع .
علي :_ لمن الاقي بنت الحلال الي تناسبني ما رح انطرج .
سارة :_ دام جذي و لا بتلاقي اعرفك زين اختيااااااارك صعب .
علي :_ طالع عليج زين سارونة اليوم عمي كلمني بموضوعج انتي و سامي ولد عمي .
سارة تفقد كل ملامح الراحة من محياها لمن اسمعت هلخبر من اخوها و كلمته بخوف :_ شلي ذكره بهلموضوع .
علي :_ يااه ليكون ناسية انكم محيرين لبعض و انتوا كبرتوا يا اخي عقدوا هنونة و تزوجوا فروحنا فيكم تكفوون عاد تصدقين والله خاطري بدق العروووس .
سارة :_ تكفى علوي مب وقت لعانتك .
علي يقترب من سارة :_ سارة حبيبتي اشفيج ليكون سامي ولد عمي كلش مب في بالج .
سارة بجرئة جدام اخوها :_ و لا رح يكون في بالي لاني ما ابيه ما يناسبني .
علي :_ صباح الخير توج تتحجين و تهقين كلامج بيفيد بشي و بيغير شي و انتي تعرفين ان من صغركم كنتوا محيرين لبعض .
سارة :_ انه ما ابيه افهموني ما ابيه كلامي غير او لا ما ابيه لا تغصبوني على شي ما ابيه الزواج ماهب لعبة الزواج مسألة نصيب و حيات تتعلق برقابكم صدقوني لا تتركوني اخسر حياتي و انتوا باصاراكم السبب راحتي و سعادتي مارح القاها مع سامي ولد عمي تكفون .
علي يلم سارة لحظنه :_ هدي سارة خلاص حبيبتي مالج الة طيبت الخاطر انتي الحين ذكري الله و لا تشيلين هم دامني انا موجود .
.................................................. ...................................
سامي وهو يستأذن من مكتب ابوه بالدوام :_ اوكي يبه تامر على شي انا ماشي برد البيت .
ابو سامي :_ ما يامر عليك عدو يبه تيسر بدربك و ربي يوفجك بس اقول يبه اليوم العصر مشغول .
سامي يتذكر اتصال زياد :_ اي يبه عندي مشوار مع ارفيجي ليش يبه طالبني في شي .
ابو سامي :_ لا يبه دام جذي خذ راحتك اشي ماهب ضروري و باجر احاجيك فيه .
سامي :_ اوكي يبه في أمان الله .
ابو سامي :_ في حفظه ورعايته .
طلع سامي وهو متأكد الشي الي ابوه يبيه فيه موضوعه مع بنت عمه .. لكن كل تفكيره منصب ناحية سالفة زياد شيبي منه هريال و ليش ما قال الي يبيه على اتلفون و لازم يقابلني الله يستر من تاليها ....
.................................................. ...................................
نوف و اهي تبوس رنيم بنت اخوها :_ فديت عمرج حبيبتي .
اطلعت بدور من غرفة اتبديل و بطنها بحجمه الي بدى يكبر و يلفت الانتباه بوضوح :_ ياربي تعبت والله هثقل ذابحني .
نوف :_ الله يسهل عليج ان شاء الله .
بدور و اهي تقعد و تاخذ رنيم تبدل اهدومها :_ الله يسمع منج .
نوف :_ زين بدور امي خبرتج على مشوارنا اليلة لبيت عمي ابو طلال .
بدور :_ لا وليد الي خبرني بس عاد تصدقين فكرته يتغشمر على عوايده ياي يقول لي اليلة بنروح مع جاسم يتقدم لريم ما صدقته .
نوف :_ ههههههه عيل انا الي صدقت يعني والله صدمني جسووم يوم قالي قلت له مب جنك مصخن .
بدور :_ هههههههه يلا ربي يوفجه ان شاء الله بس تهقين عمي شردة فعله لمن يعرف .
نوف :_ على ابوي ما ادري والله بس منوا رح يخبره .
بدور :_ تركيها على ربج .
تدخل عليهم ام وليد :_ انتوا اهني و انا اقول وين اختفيتوا .
نوف :_ يم جفت حالي زهقانة ييت عند بدور .
ام وليد :_ زين قوموا بدل هذرتكم هذي انا لحالي بالمطبخ .
بدور الي تجدمت اول وحدة و توقفها ام وليد :_ ناسية شكلج يلا خليج مع معابلتج مع رنيم لا تعبين حالج ترى الدري كثرته لج بهشهور ماهب زين .
بدور :_ بس يمه.
ام وليد :_ لا بس و لا غيره نوف الله يخليها موجودة يلا قومي بدال مرت اخوج .
.................................................. .............................
ببيت ابو طلال وين ما كانت ريم بغرفتها و اهي تقلب بين صور تذكارية لها مع رافيجاتها بالمدرسة و كانت دموعها تشاركها تمنت لو اهي الحين بالجامعة و تواصل تحقيق حلمها لكن هذا النصيب و المكتوب و لازم ترضى فيه يقطع عليها تلفونها ...
ريم :_ الو .
ناصر :_ هلا بهصوت و راعيته .
ريم ببتسامة و اهي تمسح ادموعها :_ هلا فيك .
ناصر :_ اقول ريمووه اليوم عندكم شي مشوار في اليل .
ريم بستغراب من سؤال عمي :_ لا ليش تسال عمي .
ناصر :_ و لا شي بعزم رفجاني عشان جذي قلت من بيسوي الضايفة و العشى لهم اذا انتوا مشغولين بس جذي طمنتيني لا تخبرين احد انا لمن ارد اخبر عمرت اخوي .
ريم :_ اوكي ما طلبيت .
ناصر بستعجال :_ يلا اخليج ريم .
ريم :_ وين عمي .
ناصر :_ شنو وين انا مشغول بدوام بس قلت اتصل فيج عشان أعرف اذا مشغولين اليلة او لا عشان أتصل بالربع أأكد عليهم .
ريم :_ اهاااا اوكي على راحتك .
ناصر :_ و راحتج باااي .
ريم :_ باااي .
سكر ناصر لقى الساعة 12 تقريباً الظهر ما باقي شي و ينتهي الدوام طلع من مكتبه لمكتب عمه ابو طلال ...
و صل للمكتب و طق الباب ..
ابو وليد وهو وسط الأوراق :_ تفضل .
دخل ناصر ببتسامته و سكر الباب و تحرك لابو طلال :_ الله يعطيك العافية يا اخوي .
ابو طلال يرفع راسه ببتسامة :_ يعافيك يارب حياك استريح .
ناصر :_ الله يحييك .
ابو طلال :_ ها اليوم اجوفك عندنا ابشر ان شاء الله خير .
ناصر :_ بصراحة يا اخوي مب عارف من وين ابدي بس تراه كله خير يا اخوي .
ابو طلال :_ ان شاء الله كله خير بس حيرتني تحجى .
ناصر :_ قبل كل شي اليوم انت باليل فاضي يعني اقدر الاقيك بالبيت .
ابو طلال :_ اكيد وين اطلع و انا اخوك شيبنا و كبرنا على اطلعات .
ناصر :_ لا وين شيبت الله يطول بعمرك ان شاء الله دام جذي عيل اقول لك الموضوع مباشرة .
ابو طلال :_ تفضل .
ناصر :_ و انت اخوي باين ربك كاتب الفرح علينا .. على امبارح كلمني جاسم و قال لي اخذ موعد منكم على اليلة يبي اهو أهله يزورونكم .
ابو طلال الي فهم الهدف من الزيارة و نور محياه بالابتسامة :_ خير عساه البيت بيتهم و باي وقت ايون حياهم .
ناصر :_ الة ما سألتني ليش بيزورونكم .
ابو طلال :_ قلت يمكن ما تبي تقول .
ناصر :_ شنو ما اقول بصراحة جاسم ياينكم و وده النسب منكم رايد يطلب ريم منك على سنة الله و رسوله .
ابو طلال :_ هذي الساعة المباركة و زين العقل ما يسويه قلت لابو وليد اخذ الولد بلهداي ما نفع و اصر يعصب و كاهو بالنهاية رضى ليش هتعصيب ما ادري .
ناصر :_ ابو وليد و تعرفه بس يلا كاهوا جاسم رضى و ان شاء الله ريم بالمثل .
ابو طلال :_ الله يسمع منك .
ناصر :_ عيل على الوعد اليلة على تسع بيت ابووليد رح يكونون عندكم .
ابو طلال :_ على خير ان شاء الله .
ناصر :_ يلا اخليك في أمان الله .
ابو طلال :_ بحفظه و رعايته .
.................................................. .......................................
قضى اليوم بكل هدوء و الأمور تستمر بهدوء حلو ليمن وصل لوقت الغدى ببيت ابو طلال و الكل كانت متواجد الة ريم الة كانت رح تنزل بس بعدهي بغرفتها اطلعت و التقت على الدري بعمها ناصر ...
ناصر :_ هلا هلا بعروستنا والله يا محلا هلويه .
ريم تناظره :_ عروستكم ليش من قايل لك بتزوج .
ناصر يرتبك اهو مب لازم يخبرها الحين اشلون طلع من لسانه هلحجي :_ اشفيج عاد نتغزل انتي من حلاج كأنج كل يوم عروس مب ضروري تتزوجين .
ريم :_ حسبالي بعد .
تنهد ناصر وهو يحس هم و نزاح كان رح يحط نفسه بموقف اشلون يطلع منه ...
وصلوا للمطبخ وين ما الاكل على طاولة الطعام و اكتملة القعدة و بدوا بالأكل ....
بنص الوقت تكلم ابو طلال و ناصر عيونه على ريم لردة فعلها ...
ابو طلال :_ يا عيال اليوملا تشغلون حالكم بيت عمكم ابو وليد بيزورونا في اليل.
ام طلال :_ زارتنا البركة ان شاء الله حياهم البيت بيتهم .
لولوه :_ صج يبه من زمان ما زاورنا بس عساه خير شسبب هزيارة .
ابو طلال يناظر ريم و ناصر بالمثل ريم دق قلبها بعنف ليكون الي في بالها رح يصير جاسم وافق يتقدم لها ...
ابو طلال يشيح نظره عن ريم و يتكلم :_ رح يطلبون ريم لولدهم جاسم .
تــــــــــــــــــــــــــــــــابـــــــــــــــ ــــــــــــــــــع