اسفه ع التاخير الي طول
بس كانت عندي ضروف
سامحوني
وكا هذي التكمله
الــــحــلــــقه الســــــــابعه
************************
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك
************************
دخلت سارة البيت بهدوء
كان البيت مظلم
دخلت وراحت بسرعه دارها
لكن توها بتسكر الباب وابوها ناداها
بوفيصل: ها حبيبتي سارة شلونج عسى بس تونستي
سارة: هلا بابا... الحمدلله تونسنا..حليلها نور فرحاانه
بوفيصل: حليلها...( مسك ايد بنته) يوم لج حبيبتي
سارة:لاااا بابا بعدني صغيرة ههههه
بوفيصل: لالا كبيره.. ترى ولد عمج مايقدر يصبر بعد
سارةااستحت وقالت بسرعه: تصبح على خير بابا
بوفهد: هههههه فديت بنتي... وانتي من اهل الخير
دخلت سارة الدار وسكرت الباب
قعدت تفكر فالي صار
دمعت عيونها بحرقه
معقوله ياشوق
معقوله هذي تربيتج...وهذي اخلاقج
واهلج... الي واثقين فيج ثقه عمياء... جذي تخونين الثقه
قعدت تصيح على رفيجتها الي صدمتها
راحت تسبحت
كانت بتنام... لكنها فتحت الاب توب
دخلت الشات علشان شبيه الريح
مالقته موجود.. كانت بتطلع لكن وصلتها مسج
hvor er i hen ... hvorfor gik dig og shooq..wallah er sur paa jer ((وييييينكم لييييش رحتوا انتي وشوق... وربي زعلت ))
كانت نور
سارة ماحبت ترد وكانت بتسكر بس شافته يكتب
شبيه الريح: ويييينج انتي اليوم
سارة: هلا .. الناس تسلم
شبيه الريح: سلاام..بس تاخرتي
سارة: ايه..كنت فملجة رفيجتي
شبيه الريح: نور بنت ابو صالح ?
سارة:هههههه ايه شدراك
شبيه الريح: لا بس وصلت اختي...تعرفها
سارة: اها...اوكي
شبيه الريح: شخبارج
سارة:تمام..بخير..وانت
شبيه الريح: بخير دامج بخير
شبيه الريح: هممم..ليش ساكته
سارة: لا ولا شي هع
شبيه الريح: زين تكلمي
سارة:هممم..انت كم عمرك .. وخبرني عن حياتك هني
شبيه الريح: انا 24 سنه.. اسمي بدر.. طول عمري عايش بروحي..فكوبنهاغن...ودرست وكبرت وتعلمت واهلي يزوروني من فترة لفترة ... اهم ساكنين فلندن... وانا اروح لهم هناك بعد فالعطل.. ويلحون علي اسافر لهم لكن تعودت.. وبعد شتبين تعرفين..
سارة: لا سلامتك ..
شبيه الريح: وانتي كلميني عنك
سارة: انا ههههه.. انا سارة 18 سنه.. عايشه مع اهلي وبيت قرايبنا... من تسع سنين هني.. وعايشين... احب الدانمرك بس الكويت اكثر... وشوق...كانت اغلى ما عندي:'(
شبيه الريح: افااا...ليش الحين وينها
سارة: ضاعت مع الدنياا
سارة: يالله بطلع
سارة: باي
سارة: سكرت بسرعه وقامت
قعدت تفكر فالي صار
وذكرياتها مع شوق
الي تكره البنات الي يتكلمون عن الـ ( بوي فرند )
والحين اهي مثلهم
***************
قعدت الصبح ولبست وكانت بتطلع
شوق: صباح الخير....
كان امها وابوها وفرح وفهد قاعدين
الكل: صباح النور
ابوها: وين شوق
شوق: بابا بعد اذنك اليوم اتصلت فيني سمر وعزمتني ع الغدا
بوفهد: غدا مو ريوق
شوق بقلة صبر: زين ممكن اروح
فهد: وين بتروحون
شوق : كوبنهاغن
فهد: اوصلج
شوق : لا شكرا.. بنروح بالقطار.. ابي بيزات
بوفهد طلع لها وعطاها... كان عارفها متضايقه بس طنش
بوفهد: لا تتاخرين
شوق : ان شاءالله.. باي
باست امها وابوها وطلعت..لاحظ فهد عيون شوق الي كانت مغطيتهم بالكحل الخفيف .. كانوا حمر والدمعه بداخلها
وقفها قبل ماتطلع
فهد: شوق... شوق
وقفت شوق: هلا
فهد كان يطالع فيها وكانه يدور شي فعيونها: نواف اتصل..يسئل عليج انتي وسارة.. يقول سارة موبيلها مغلق.. وانتي من غيرتي رقمج ماكلمتيه
شوق: زين بكلمه..باي
فهد: لحظه... شفيج .. شصاير ..???
شوق: ولا شي..بااي
راحت بسرعه.. واهو دخل ولاول مره كان حاس باخته انها متضايقه.. وفكر انه يكلم ساره بس بعد الشغل
دخل فهد وقعد عند ابوه: يبا صج يعقوب هني ?
بوفهد: ايه والله الحين بكوبنهاغن.. وصل قبل يومين.. مرني اول امس .. وبيمرنا ان شاءالله
فهد: ليش ماخبرنا نستقبله
بوفهد: قال بيسويها مفاجئه
******************
كانت تمشي بخطوات سريعه.. ودموعها اخيرا نزلوا
ليش اقرب الناس لي يشكون فيني... سارة.. الي لازم تكون معاي فهالحظه
وقفت تشتري تذكره وكانت مو فهالدنيا
نادتها الي تشتغل
اشترت وراحت ..
قعدت على كراسي الانتظار تنطر القطار واتصلت على نواف
اعز رفيج لها
كان معاها ومع سارة خطوة بخطوة
جنسيته كويتي بس امه بدون
وعمره 17
وكان كاخ للبنات
ينصحهم
يدافع عنهم
ومعاهم فكل وقت فالمدرسه
شوق: hii nawaf
نواف:ياحمااااااارة ياااخاااايسه يااااالكريهه... شحقه تتصلين وتكلفين على عمرج انسه شوق....مااابي اكلمج
طووط طوط طوط طووووووط
شوق: يعلك ان شااااءالله...
ردت اتصلت ورد بسرعه: هلا منو معاااي