هــلا بنوتات
توني بس انتبه عالموضوع ^^"
والله تونست وانا اقرا ردودكم و مناقشاتكم..
و عندي اشياء كثيرة ودي اسولف فيها معكم..بس خلوني ابدأ بالاول اعرف عن نفسي..
انا سنة ثانية ادرس بكلية الهندسة تخصص هندسة صناعية بجامعة السلطان قابوس فسلطنة عمان..
الدراسة..مرررة مرررة صعبة خصوصا فالكليات العلمية مثل الطب و العلوم و الهندسة..
و المنافسة جدا قوية..هذا لانها جامعة حكومية و ما يدخلونها الا المتفوقين بس من السلطنة..
و الانتساب لها لوحده يعتبر شرف كبير..يعني نسب القبول عندنا من التسعين فما فوق..
ما عدا بعض الكليات مثل التجارة او الاداب..يقبلون من الـ 85 فالمية..اما كلية الطب نسبها من 96 فما فوق ^^"
و عندنا طلاب من دول الخليج و دول ثانية عربية..
يدرسون بعثات معنا..لان شهادة الجامعة قوية ومعترف بها عالميا..هذا غير ان السطان بنفسه مهتم بيها شخصيا..
الدراسة فيها مختلطة..و هالشي له عيوب و مميزات..بس للاسف العيوب اكبر..بس شنسوي مضطرين 
..
هالسبت القادم بداية امتحاناتي..و جدول امتحاناتي مرة زفت زفت
..
تخيلوا السبت و الاحد و الاثنين 3 مواد علمية و ثقيلة و دسمة..و بعدها باسبوع مادة وحدة سهلة جدا..
حرام عليهم والله T^T ..
السبت اول اختبار و نحلي باصعب مادة..اللي هي الجبر الخطي Linear Algebra For Engineers..
والله كرهوني و لوعوني فالرياضيات..مع انها كانت احلى مادة بالنسبة لي T~T..
الحين قاعدة اذاكرها..من الصبح الساعة 9 تقريبا وانا اذاكر بدون توقف..يادوب للصلاة و الاكل..
احس خلاص طفشت و قلت افتح النت و فتحت منتدى بنات من زمان عنه..و لقيت هالموضوع قلت خلني افش خلقي شوي..
عزوف في اشياء توني اول مرة اسمع عنها.. ( الشَبَكَة, المُشرِفَة , الَمحمول ) ..
و احنا معدلنا (احنا نسميه الـ GPA) من 0 لين 4 ..طبعا اللي معدله من 3 فما فوق هذا يعتبر متفوق..
اما اللي معدلاتهم 3.5 فما فوق هذولا يحطونهم في قائمة الشرف..
شمايل يؤ عاد ما دكتور!! ان شاء الله بس عدت المادة على خير معكم؟
و سلميلي على قلبي فروش اذا شفتيها 
..
هههههههـ فوضى الدنيا تعال و درس بالفرنسي..
والله صدق كلامك بالعربي و الانجليزي يالله ماشين فيهم..
مو ناقصين فرنسي!! ><
يالله بروح اكمل مراجعة..
Wish me luck
TwT