[The snow keener]

السلام عليكم


مرحبا مون :)
أشكرك على استضافتي في هذا الموضوع الرائع
و فكرته الأروع تسلمين يختي :)


وآسفة ع التأخير
قسم بالله أول ما قلتي لي على طووووول رحت ارد
يوم خلصت صارت مشكله و انحذف الرد
و استثقلت اعيد الرد الطويييييييييييييييييل

و الحين صار لي فرصة ادخل النت :)

بسم الله نبدأ ...


تُرآ متى بدأت عاشقة الثلج بتعلم الطبخ ؟
من يوم كنت صغيرة كنت اطبخ يمكن كنت في ثاني ابدتائي
كنت اطبخ بيض الي على التاوة ... طبعاً دايم احرقه ^^
يحترق شوي بس ... و عادي آكله :)
ما اثق انه زان الا اذا شفت السواد ^^


ماهي الكتب إلي تفضلينها في الطبخ ؟
الي تصويرها يفتح النفس :)
و يخلي الواحد يشتهي الطبخة و بالتالي يشتهي يطبخ :)

ماهو الطبق الذي فشلتِ في إعداده ؟
ما فيه طبق اقول اني فشلت فشللل فيه ..!
صحيح يا كثر ما حرقت لكن حرقات خفيفه
بصراحة احسها تعطي نكهة للطبخة


فجأةً : إذا أتاكِ ضيوف . ولا يوجد ماتقدمينه .. فماذا تفعلين ؟
اطلب من المطعم على طول و اروح اصلح قهوة وشاي
و اقدم لهم القهوة مع تمر و حلويات بعدها الشاي مع مكسرات
على بال ما يجي المطعم :)
و مب لازم اطلب من المطعم يكفي القهوة و الشاي محد قالهم يجون فجأة


هل يوجد لكِ ملف في جهاز الكمبيوتر او ملف به بعض الوصفات ؟
يس :) عندي ملف واحد ( في المفكرة ) هي وصفة فطيرة التفاح
عطتني اياهاالصبورة يوم كنا ع المسن ^^ و حفظتها في المفكرة
بس هذا الملف الوحيد :)


وجبتك المفضلة ؟
كثيرررر وجبات مفضلة عندي :)
مثل : المكرونات بأنواعها - الأكلات الشامية - السليق الي هو أكلة شعبية


طبق تحبين القيام بإعداده ؟
مكرونة بالباشاميل - فوتشيني


موقف طريف حصل لكِ وأنتِ بالمطبخ ؟
يوم كنت صغيرة قمت في الصباح الباكر مع اخوي الي اصغر مني بسنتين
رحنا للمطبخ عشان نطبخ فطور وقعدت ابحث عن شي اطبخه >> مسوية نفسها
و اخوي من الفضاوة فتح باب الفرن و جلس عليه ^^
و قالي : تعالي اقعدي هنا ونااااااااااااااسه
قلت: اخاف اطيح قال: لا لا شوفي انا قاعد عليه ما طاح ... وافقت بعد تردد
و جلست و انقلب الفرن على طووووووووووووووووول
و بريق الموية الي على الفرن طاح علينا >> ترا هذا مو معناتة اني دبه !
لا بس الفرن ما تحمل ثقلين
و المهم :أمي سمعت الصوت وقامت و أنقذت الموقف و لله الحمد :)



هل تعرفين إستخدام أدوات الطبخ بالشكل السليم ؟
الأدوات الي احتاجها اعرف لها الحمد لله


هل تقومين بطلب المساعدة من الغير في امور الطبخ ؟
اذا احتجت مساعدة أكيد بأطلب :)


هل مرة جربتي تطبخي طبخة من المنتدى ؟
يس :) جربت طبختين من منتدانا الجميل


هل تفضلين المطاعم ومطاعم الوجبات السريعة أم أكل البيت ؟
هذا سؤال محرج
لا أمزح ^^
الصراحة حالياً أفضل المطاعم خصوصاً الوجبات السريعة
أما بالنسبه لأكل البيت ما أشتهيه الا اذا بغيت اكله شعبيه
مافي احلى من طبخ امي في الاكلات الشعبيه فديت امي :)
و على فكرة لما نكون مسافرين احن لطبخ البيت


هل تحبي حصص التدبير او الطبخ بالمدرسة ؟
طبعاً أحبهاااااااااا وناسه احسها حصص ترفيه
الحين يوم رحت ثالث ما فيه حصص تدبير ... و كل ما امر على مطبخ المدرسه
احن لحصص التدبير خصوصاً ان ابلتنا كانت حبوبة و كانت دايم تفيدنا بمعلومات ممتعهة
و قصص ابتكار الطبخات الي نطبخها و ناسه بجد


هل بإمكانك تصوري لنا أي صورة عن الطبخ او حتى صورة قديمة ؟
هذي صورة اعتقدشفتوها :)





نصيحة توجيهنها للعضوآت في الطبخ ؟
انهم يستمرون في الطبخ لأن الاستمرار يكسب مهارة و خبرة



ما رأيكِ في فكرة المسابقة ؟
الفكرة روعة مثل صاحبتها بجد بجد أعجبتني
الله يعطيك العافية على هيك أفكار :)

وبعد إنتهاء هذا الأسبوع . من تقرري أن تكون الضيفة الثانية في لقاءنا المطبخي ..

وابغى الضيفة الثانيه : " مووون قيرل " >>>








... // ...

لي باك مع الرد باذن الله

... // ...