خليل الابن الأصغر للعائلة عمره 27 سنه غير متزوج وأمه تسعى لتزويجه لديه الروح المرحة وهو مقرب من الجميع وخصوصاً مهند ابن أخيه
.
.
مروى وسمر منعزلتان بالزاوية يتحدثان مع بعضهما ويتبادلان الضحكات
ولاء:هييييي انتون بسكم ضحك وقوموا المطبخ سو لكم شغله أحسن لكم من هالمساسر إلا ما يندرى ويش تقولون
سمر:لويه نقوم أحنى من جينا وانتين قاعدة مكانش ماتسوين شي ولا تتحركين زي الأميرة جيتين من كليتش وتنتظرين أوامرش تتنفذ
ولاء:شيه خبلة انتين خبلة ما تشوفيني يعني انتبه لحموود
مروى:ما شاء الله عليش الحين مره تنتبهين لحمود قومي انتين أحنى بننتبه له
ابرار وهي رافعه خشمها:سكتي عنها اهي أميره ما تشتغل الشغل حقكم وحقي
ولاء:اوهوووو ياذي الملقوفة تشوفيني ساكته عنش خلاص سكتي يعني لازم تتلقفين وتخليني أحطش ببالي
منال إلا طلعت من المطبخ مكروفة :اففففففففففففف تعبت ما قصرت عليه أمي
ابرار:كان قامت ذي " وهي تأشر على ولاء" تشتغل عنش مو بس فالحة لنا تتأمر
ولاء:اللهم طولك يا روح وانتين وبعدين معاش يعني غصب تبغين تتهاوشين تراني حاضره ومستعده
العمة نوال"أم سامي": صلوا على النبي ويش فيكم
ابرار من غير نفس:شدراني عن بنت اخوش إلا ما تتكالم
ولاء:عمة شوفي سكتي بنتك لا والله ما بتشوف خير تراني كلش مالي خلقها هالهبلة ذي
ابرار وقفت مغتاظة:ماحد هبل وانتين موجودة
العمة نوال: ابرار بس عيب
ابرار:وشو عيب ما تشوفينها ويش تقول
تدخلت الجدة وهي تسمع حفيدتيها تتجادلان:ما تصلون على النبي
الكل:اللهم صلِ على محمد وآل محمد
العمة نوال:ابرار قومي ابغاش
راحت نوال مع بنتها للداخل
ولاء:افففففف وأخيراً صار فيه أكسجين
منال:ههههههههههه يعني الحين اهي مخلصه الأكسجين عنش
سمر:بلللل شيه ويش فيش اكلتي البنت
منال:صحيح ولائووووه ويش فيش عليها تراها كانت عاديه
ولاء:ما ادري تقهر طريقة كلامها اسلوبها ما يعجبني
مروى:عيب حتى لو ما تعجبش لا تكلمينها كذا عشان عمتي نوال لا تحط بخاطرها
ولاء:عمتي على عيني لكن ابراروه ما ابلعها
منال:طيب خلاص سكروا الموضوع
ولاء:أي والله مالي خلق اقعد طول اليوم أخرب يومي ومزاجي عشان وحده ما تساهل
.
فاطمة "أم حسن" تجي من المطبخ:يالله قوموا الغذى جاهز
قام الكل وأولهم ولاء إلا كانت ميته من الجوع
التمت كل النسوة على مائدة الطعام باستثناء أبرار التي ظلت في وحدة من غرف المنزل عشان لا تشوف ولاء
الجدة"أم محمد": نوال وين ابرار
نوال بارتباك :هااا ابرار داخل
الجدة:ما قلتون لها تجي تتغذى
نوال:امبلى قلنا لها بس تقول ما تبغى
ولاء ومنال جلسوا يتهامسون وضحكوا بصوت عالي
أمينة"أم مهند":مسوين شي لبنت عمتكم
منال بارتباك:هااا أحنى لا ماسوينا شي
أمينة:عليه هالكلام اتحداكم إذا مو أنتو ن الا مزعلينها
ولاء بجراءة :أحنى ماسوينا لها شي وبعدين أهي دلوعة وشايفة حالها وأحسن لاتتغدى بالطقاق
فاطمة "أم حسن" رفعت صوتها غضب من بنتها:ولاء
أسقطت ولاء الملعقة من يدها من صوت أمها
أم حسن:ويش هالكلام عيب عليش على الأقل احترمي عمتش
ولاء بعدم مبالاة:يماااه أنا ميته جوع مو وحدة زي أبراروووه ما تخليني أتغدى مرتاحة
أم حسن:ولاء قومي من قدامي بسرعة
نوال:صلوا على محمد ياجماعة ماله داعي أبرار تتدلع شوي بعدين تتغدى
ولاء ترفع الملعقة عشان تكمل أكلها:سمعتين يمااه تتدلع وانتين غصب تبين تطلعيني غلطانه
أم حسن:يا خسارة الظاهر إني ما عرفت اربيش وراح أعيد تربيتي لش من جد وجديد
ولاء:يمااه يعني تبغيني اترك الغدى عشان ترتاحين هاا أنا باقوم
الجدة: ماعليش غناتية خلش كملي غذاش
طلعت ولاء من الغرفة واتجهت لغرفة عمها خليل
"ولاء"
شعرت بالضيق حقاً من كلام أمي لأني لم أعتد أن اسمع منها مثل هذه الكلام وخصوصاً عن التربية كيف تشكك بتربيتي عشان وحدة لا راحت ولاجت حتى لو كانت بنت عمتي فا أنا اكرهها ما اقدر ابلعها غثيثه تركت الغذاء مع إني ميتة من الجوع لكن كلام أمي جرحني نوعاً ما
الجدة بغضب:يعني ارتحتون الحين تنقصون علينا غذانا كانت وحدة زعلانه وتخلونهم ثنتين والله حالة معاكم
أم حسن:حقش علي عمتي بس والله بنت ولدش صايرة تقهر كله ترفع صوتها وما احد يهمها يمكن لمى تجلس مع نفسها الحين وتفكر وتحس بالجوع شوي تعدل من تصرفاتها ,, المهم أنا قايمة
الجدة:وين بعد أنتي بعد ماراح تتغدين
أم حسن:لا بتغذى بس رايحة اراضي ابرار وجايه
.