[monynice]

السلام عليكـــــــم ورحمة الله وبركاتـــــه،،

بداية موضوعنا....



في مراة وراجل اتزوجو قعدوا يمكن سنتين مجابوش والمراة تدعي ليل نهار ..الله استجاب لدعائها....فا ربي ارزقهم ببنت..

المهم المراة تعبت في جيابها..ومرضت شوية البنت بعد اجيابها والام سهرت عليها ورضعت بنتها سنتــــين وسهرت عليـــها وربتـــها وبعدها الحمد لله طلعت البنت سليمة وصحتها الحمد لله..بعدهــــــا الام قعدت تشكر وتحمــد في ربـــي ليـــل نهـــــــار وربتها وسهرت عليها وكبرت البنـــت ماشاء الله عليهـــا وتربـــت في عــــز امـها وبوهـــا....

بعد ما كبرت البنت والام بديت مراة كبيره في السن ...: قصتنا تبدا توا :-



الام :تعالي بالله يا بنيتي تعالي شوية ...!!

البنت :ايوا شنو تبي....

الام: تعالي سلم بنيتي عاونيني راهو مهدود حيلي تعالي اغسلي حتي المعينات،،

البنت: وااااااااااااااااااااااااااااااك شنو النهار الاحرف فوق راسي خليني منسجمة مع المسلسل خاليني شوية تراه

الام : غير تعالي يا بنيتي ساعديني الله يخليك

البنت : شورا متخلوش حد في حاله

الام: باهي شدي حتي امكينسة وديري دورا علي الحوش

البنت : هاتي جاي وانتي بكل

وكــــــــل يوم نفس الكلام واسلوب البنت يزيد يتمادي يوم عن يوم

لــين وصل يوم وطفح الكيل.........

البنت مدت ايدها علي امها وضربتها وسبتها...

الام بحسرة بكت..وادعت علي بنتها لان قلبها تقطع من الحسرة ....والله استجاب لدعوة الام.... بان اصاب البنت بشلل في نصف الايمن من جرى الضربة وكلام اللي قالته



مــــــــــــــضمون الموضوع
توا بالله انت وهي وهوا....
ياللي تردو علي ماليكم امـــــك وبــــــوك


متفكرتش انهار امك جاباتك وقداش تعبت وتحملت وعانـــــــت من حمــــل وثــقل ووحـم
كل اللي قلته يستوجب البر بيها وانها تستحق الكرامة وحســــن الصحـــبة وقداش تحملت الام علي الام والمشقة النفسية والجسمية مدة الحمل والفصال 30 شهر...فتسهر الليل اذا ولدها مرض وتغديه وتنضفه وتعطيه كل مايبيه ...وفي لحظة تنساه ..... وتنسي كل شي دراهولك..

متفكرتش قول الله تعالي :-
وقضى ربّك ألا تعبدوا إلا إياه وبالوالدين إحسانًا . إمّا يبلغنّ عندك الكِبر احدهما أو كلاهما فلا تقلْ لهما أفٍّ ولا تنهرهما وقل لهما قولاً كريمًا واخفض لهما جناح الذلِّ من الرحمة وقل ربِّ ارحمهما كما ربّياني صغيرًا


امك ياللي ادير مادير مستحيل ادير ربع اللي هيا دراته معاك...


فــــــــــــــضلها كبـــــيــــر

امك الاولي بالمعروف ...



وعن بهز بن حكيم عن أبيه عن جده رضي الله عنهم قال: "قلت يا رسول الله من أبرّ ؟ قال أمك ، قلت ثُم من ؟ قال: أمّك، قلت ثُم من ؟ قال: أمك، قلت: ثُم من ؟ قال: أباك، ثُم الأقربَ فالأقرب" أخرجه أبو داود والترمذي وحسّنه.

وينا احني في الايام هادي من كلام الرسول صلي الله عليه وسلـــم..,,

بالله...الايام هادي اللي تلقاه..ايرد علي امه وبوه لين ايخليهم يبكوا اما بــــقول أو فعـــــل

وفي من يرفــــــع في صوتــــه الي يحساب روحه فالـــــح واللي يحساب روحه ولا راجل لما ايدير هكي ....وفي من يتأمر عليهم..وفـــي يذم ويســــب فيهم,,وفي اللي ايدير في مشاكـــل مع اخواته قدامهم...ومشكله كبيره بديت واللي هي بديت تنشتشر في بلادنا هي وقت مايتزوج يقدم اولى وطاعة لزوجته علي امــــــه ....

لا حول ولا قوة الا بــالله...،،

وفي من ايلوح فيهم في دار العجــــزة..لان مراتــــه متبيهمــش




وهذا موضوعنا...

الأمر بالاحسان الي الوالدين..وخاصة الام..لانها حملته وهن علي وهن وضعته كرها ...وارضعتــــه


وهادا هوا موضوعنا وان شاء الله يعجبكم ... وهيا متخبولش عليا بردودكم وبرايكـــم...




وعفـوا لو كان الموضوع بـ اللهجة الليبية .. لاني بجد مااقدر اعبر بحرية باي لهجة تانية ..

والي مو عارفا شي .. اتقولي وانا احاول افهمها ..

عذراً أخواتـي .. !


وعليكـــــــم السلام ورحمة الله وبركاتــــــه..,,

المصدر: منتديات بنات دوت كوم

---

>> hhhhhhhhhhhhhht lkJ; dh hld hhhhhhhhhhhhht >>

الموضوع الأصلي : .. ااااااااااااااف منـك يا امي اااااااااااااف .. || القسم : "الأرشيف" مغلق || المصدر : منتديات بنات دوت كوم || كاتبة الموضوع : monynice