انا بقولكم موقف صارلي
هذيك المرة انا و اختي كنا بالمطبخ
نبي نسوي حلو
و اختي قالتلي روحي فتحي المكيف حر
قتلها لا هذا خربان
قالتلي لا مو مشكلة فتحيه
قتلها مابي .. قامت هي فتحته و انا ضليت ما سويت شي
ضلينا شوي هي تسوي الشوكليت
و انا اسوي التوفي
و لا فجاة نسمع صوت المكيف يطلع صوت
طالعنا بعض انا و اختي
و ركضنا برة المطبخ نصارخ
المكيف بينفجر .. المكيف بينفجر لحقوا علينا
و احنا ميتين ضحك و بنفس الوقت خايفين هههه
و بعدين يت خدامتنا طفته
و حرمنا نشغله بعد هالمرة