فديت هلمرور
و هذه التكملة عشان عيونج
الحــــــلقــه الــتــــاسعـــــه
**************************
قل للعيونـ ..
اللي شكتـ بعد الأحبابـ
وقل للدموعـ ..
اللي من الشوق هلت
وقل للشعور..
اللي من الهم منصابـ
وقل للجروحـ ..
اللي بالاحساس حلت
وقل للخفوقـ ..
اللي عجز عنه الأطبابـ
ترى المشاعر من عنا البعد
" ملتـ "
**********************
شوق : انت شتبي مني مب كااافي الي صار لي من ورى راااسك
صالح: شوق انا احبج والله
شوق: تحبني وتسوي فيني كل هذا
صالح: عيل شتبيني اسوي .. قولي؟؟؟؟؟؟.... انتي اصلا مب طااايقتني ...شلون بتحبيني
شوق: عمر الحب ما صار غصب ...انت تبيني احبك وانت تسوي كل هذا
كان يسوق بسرعه ....بالشارع السريع
وشاف مكان حق الباركن ووقف فيه
وشوق اول ما وقفت السيارة نزلت وراحت تركض بتعبر الشارع
وكانت فيه سيارة جايه صوبها بسرعه وحاول الرجال صاحب السيارة انه يخفف السرعة
لكنه صدمها
وكانت عيون صالح مب مصدقة الي صار
***************
سارة كانت خايفه انهم مايلقون شوق
لانها اهي السبب فالي بيصير اذا صار شي عليها
فهد: وييين بتكووون راحت... صار لها اكثر من خمس ساعات والوقت تاخر
جاسم : هدي يااافهد وخلينا نروح البيت ونشوف
فبيت بوفهد
كان بوفهد واااايد متوتر
وام فهد قاعده وتصييح
ابو فهد: خلااااص.. كله تصيحين خلينا نفكر وين ممكن تكون راحت...
ماكمل ابو فهد كلامه ورن التلفون
ابو فهد :الو
: hej (هاي )
ابو فهد: hej
:er det Fahad Al - *****?
( هل انت فهد الـ ****)
ابو فهد : neej jeg er hans far...kan jeg halpe dig med noget ?
( لا انا ابوه... اقدر اساعدك فشي؟؟ )
: Jeg er en fra hilerod hospital og har Dig Datter ...Shoq her
( انا من مستشفى هيلرود... وعندي بنتك شوق هني.. )
بو فهد ماترك الريال يكمل وسكر الخط بويه
قام لبس جاكيته بسرعه واخذ مفاتيح سيارته وكان بيطلع
ام فهد: هااا بشر منو الي اتصل
بوفهد: انتي قعدي فالبيت واذا رجعوا الاولاد قولوا لهم ان اتصلوا المستشفى وانا رايح لهم
ام فهد: بالمستشفي....ليييييش شفييها بنتي
بوفهد: مدري والله مدري... يالله خلج هني...
ام فهد: بروح معاك انطر...
بوفهد: ياااام فهد وييين ماااعندي وقت... ياالله سلام
طلع بوفهد وتوه بيطلع من الباركين وشاف سيارة فهد و جاسم
نزلوا وراحوا حق بوفهد
فهد : هاا يبا وين رايح؟؟
بوفهد: بروح المستشفى .... توه اتصل واحد من مستفى هيلرود وقال شوق عندهم
فهد ما نطر اكثر..وماكان قدامه الا انه يروح حق سيارته
بسرعه ساق سيارته ووصل المستشفى واهو مب عارف وين يروح
بركن السيارة بسرعه .... ونزل يركض...
الجو كان وااايد بارد
واهو ماكان لابس شي ثقيل
كان يركض بسرعه ويحاول يبتعد عن الناس إلي واقفين عند الرسبشن
وقف يطالع المكان...
شاف ممرضه ماسكه اوراق وتمشي وتطالع فالاوراق
راح لها
فهد: undskyld.. vil du haelpe mig
(عفوا تقدرين تساعديني ؟؟)
الممرضه : Jaa.. meget gerne ?
( ايه .. اقدر اساعدك )
فهد: min soster Shoq er hos jer her...men ved ikke lige praesic hvor hun er henne?
( اختي شوق عندكم هني... بس ماعرف بلظبط وينها فيه الحين )
الممرضه : ok kom med mig
اوكي تعال معاي ))
راح فهد وراها واهي راحت فتحت ملف وسئلته عن الاسم كامل وبعدين دلته على المكان
شوق كانت بالعنايه المركزه
لان الضربه كانت كبيرة وجسمها تأذي وايد وكان فيه رضوض بوايد اماكن بس حالتها للحين مستقرة
فتح فهد الباب بعد ما اخذ الاوكي بانه يدخل بس بدون ما يزعجها لانها نايمه
دخل بهدوء... وشاف شوق النايمه والشاش الابيض على ايدها المكسورة وعلى راسها لان في رضوض خفيفه
نزلت دموعه بس بسرعه مسحها بايدينه الي كانوا يرجفون
تقرب منها وباسها على خدها
مسك ايدها الي مو مكسورة وباسها... قعد يصيح وونات خفيفه طلعت منه
حس انه بينحرم من احلى اخت فالعالم
شوق حبيبتي
قعدي
لا تخليني بروحي
شوق انتي قلتي انتي بتخطبين لي
وانتي الي بتكونين معاي لحظه بلحظه
معقوله ما بتوفين بوعدج
......
شوي اندق الباب وكان ابوه
دخل وشاف شوق النايمه وفهد عندها
بوفهد: فهد خلني بروحي
طلع فهد بدون كلام
لانه عارف شنو يعني شوق لابوه
عند الباب كان جاسم فرح وسارة
كان جاسم واقف عند الباب ويطالع فرح الي قدامه
وفرح قاعده علارض تصيح وكل ماحد قرب لها تصيح بزياده
وسارة كانت تصيح وماسكه وجهها بيدينها
راحت فرح بسرعه حق فهد
فرح: هاا فهد بشر شلونها شوق
فهد: الحمدلله حالتها تمام وتتحسن بسرعه وان شاءالله باجر تصحى
فرح: فهد... متاكد
فهد: فرح اشفيج.. خلاص لا تصيحين يعني الحين انا اقص عليج.. شوق مافيها الا العافيه ان شاءالله
فرح: ان شاءالله
عند شوق كان ابوها يسولف معاها
وماكان يفكر انها غايبه عنه
دخل فهد بهدوء لان الوقت تاخر ولازم يروحون
فهد بصوت وااطي: يبا ... يبا
بوفهد: هلا فهد
فهد : يبا يالله تعال لازم تروح البيت تاخر الوقت
بوفهد: لالا انا ببقي هني
فهد: يبا امي كل شوي تدق علي وفرح والكل راحوا يالله روح طمنهم واانا ببقي هني
بوفهد: بس انا ببقي مع
فهد: يبا لا بس ولا شي تعالوا باجر وانا معاها ما عليها شي ان شاءالله
بوفهد: ان شاءالله يبا.. يالله عيل .. حط بالك على اختك واي شي يصير خبرنا
فهد: ان شاءالله يبا... طمن امي..
بوفهد: يالله مع السلاامه
فهد: فأمان الله
...........
طلع بوفهد وبعد ربع ساعه جا الدكتور
ونقلوا شوق حق دار غير العنايه المركزة لان حالتها صارت احسن
فهد طلب انه يحطون له سرير معها لانه بينام معها
راح فهد عند سرير اخته ... الي ماكان شكلها مرتاح فالنومه
حاول يعدل نومتها
واهي يعدل راسها بخفه صحت
شوق: فهوووود اييييي رااسي شووي شووي
فهد: شووووق حبيبتي اسف ياعمري
شوق: انا وين فيه
فهد: المستشفى...
شوق: شنووو...لييش.... ايييي فهد شنو هذا كله اييي ايدي وراسي
فهد: شواق حبيبتي لا تتحركين... احم..ايدج مكسورة و كلج تبين قط بالزباله
شوق قعدت تصيح: فهود والي يسلمك شصاار
فهد: بقولج بس شحقه تصيحين
شوق: خلاص بسكت يالله قول؟؟؟
فهد واهو يحظن وجهه شوق بيدينا ويمسح دموعها
فهد: همممم ... صار حادث وتاذيتي انتي
شوق تصيح بزيادة: وعلشاان جذي كل جسمي يعورني
فهد: قلبي ويهج بس.. توج تقولين ما بصيح يالخااايسه ...
شوق: ومتى بطلع من هني انا
فهد: مدري والله كيفج متى ما صرتي زينه تقدرين تطلعين
شوق: اوكي انا زينه يالله قوم
فهد: استريحي بس... توج تصيحين تقولين جسمي كله يعورني يالعياارة
شوق: اهمممم... انزين متى نطلع
فهد: اول بتقولين لي كللللل شي
شوق : شنو كل شي انا اصلا مـــ..
سكتت وكانها ذكرت شي مهم... قعدت سكاته وماتقول شي ودموعها بس الي كانوا ينزلون بدون أي تعبير ثاني فوجهها
فهد ماعرف شنو يسوي: شوق.... شواقه..
شوق: هلا فهد
فهد: اشفيج.... شصاير مو من عوايدج تخبين علي شي
شوق: بس انا... مااا... خبيت شي
فهد: sure?
شوق: yeah
فهد: انزين بروح ايب لج شي تاكلينه
شوق: مابي مو يوعانه
فهد بابتسامه حلوة: اقول سكتي بس
راح يجيب لها اكل
وقعدت تفكر فاللي صار
وشوي والا اندق الباب بدقات خفيفه شكت انها سارة... بس لا الي بينها وبين سارة خلاص انتهى
*********************
سارة رجعت البيت مع جاسم وفرح
وصلوا فرح وراحوا
كانت ساكته طووول الطريق
اهي الي كانت السبب فكل شي
واهي الي كانت السبب فكل شي
خلاص الي بيني وبين شوق انتهى
بس الي صار لها
اوووة خلاص مابي افكر فيها
هذا الي كان الي ماخذ عقل سارة ومو سامعه جاسم
سارة: هلا جاسم
جاسم: وصلنا من زمااان ... شفيج سارونه حبيبتي
سارة: هممم. عمي انا محتاجه لك
جاسم لف لورى وعدل قعدته وقال لها: وانا فالخدمه... سارة انا دايم موجود لج.. قولي كل الي فخاطرج حبيبتي
سارة: انا وشوق...
انتظر منها تكمل ... بس سكتت
جاسم: شفيكم
سارة: مانكلم بعض
جاسم: ادري
سارة: شدراك
جاسم: ترى انا مو مدمغ...كملي
وقالت له كل السالفه
عصب جااسم حده... وماكان منه الى انه يسكت حاليا
جاسم حاول يهداء: انزين انتي هالشي الي سويتيه صح؟؟؟
سارة: مدري لا تسئلني
جاسم: غلط واكبر غلط.. رفيجتج مالها غيرج تسوين فيها جذي... وين حبكم وين صداقتكم... وتفهمكم حق بعض... صراحه سارة انا مصدوم فيج
سارة: عمي... انا ما سويت شي غلط اهي الي ما تستحي
جاسم بصووووت عالي: ساااااااااااارة شهلحجي
جاسم:نزلي وبعد شوي تزهبي بنرجع لهم... اكلمج تكونين زاهبه
سارة: اوووووكي باي
نزلت ومالها خلق حق شي
شافت امها وام فهد قاعدات ينطرونهم
دخلت سارة ومانبهت حق الموجودين فالصاله وبتطلع سيده دارها
وصلها صوت ام فهد : سارة حبيبتي تعالي
سارة : هلا خالتي شلونج
ام فهد: تمام.. انتوا شلونكم... وشووق شلونها..
سارة: الحمدلله... طلعوها من العنايه المركزه والحين نايمه
وقعدت معاهم ومع موسى الي ساااكت طووول اليوم وكله يسئل على شوق وبعدين يرجع يسكت
دخل فيصل وحمد: السلاام عليكم
الكل: وعليكم السلام
حمد: يمه بروح حق شوق... مابتروحين معاي
*********
فسيارة جاسم كانت سارة قاعدة مع ام فيصل
وفسيارة حمد كان فيصل وام فهد
جاسم كان طول الوقت يطالع سارة ويرجع يسوق
جاسم: يالله وصلنا
نزل الكل وشوي وصلت سيارة حمد وراحوا مع بعض
وشافوا فهد
سلمموا عليه
ام فهد: فهد وين شواقتي والله ولهت عليها
فهد : ان شاءالله الغالية... حياكم تعالوا... حمووود جيب شي من هالاكل حق شوق... ورقم دارها 6 هذيج الدار.. يالله
حمد: ان شاءالله
راحوا دار شوق.. اهي كانت منسدحة وتطالع السقف... دخل فهد وامه وام فيصل
فهد: شوووووق شوفي شنو يبت لج معااي
شوق: هلاااا والله هلا وغلا نووورتووا.. ماما ويينج عني يعني معقوله تخليني برروووحي ..
ام فهد: فديييتج بنيتي حبيبتي والله ماخلييج.. شلووونج وشخبارج..
لمت امها بشووق
شوق: ماما فديتج والله اشتقت لج
ام فيصل: وييه كل هذا حق امج واحنا وين رحنا..
فهد: والله مدري ياخالتي ..احنا مالنا مكان .. يالله خالتي مشينا مشينا
شوق: يالخااايس والله احبكم كلكم...شلونج خالتي وشخبارج
ام فيصل: اناا بخير وانتي حبيبتي ان شاءالله تمام .. وعليه علييج حبيبتي شمسوين فيج
شوق:والله خالتي بعد شي وصار
خافت من عيون فهد لا يكشف الي فعيونها .. فحطت راسها فحظن امها
ام فهد: حبيبتي شواقه شفيج.. شصاير
شووق:: مافي ماما مافي شي..سلامتج
فهد: شواقه لبسي شيلتج فيصل وجاسم بيدخلون
شوق: ان شاءالله
راح فهد يناديهم
جاسم: السلااام عليكم
حمد & فيصل : هااااي
ساره دخلت بهدوء :السلاام عليكم
شوق: هلا والله
جااسم: شلوووونج شوووقووو
شوق :الحمدلله تمام
حمد: ويننننج وين التمااام
فيصل:: ايه والله صاااج حموووود.. كلج شاااش وربي تضحكين.. كانج مومي هذيلا الي فمصر الي يلاقونهم فالقبوور كلهم شاش ابيض
حمد: ايييه صج صج هذي شوووقو... حلوووووة منك والله فصوووول
شوق:مالت عليكم الناس تقول حمدلله ع السلاامه شلونج شخباارج
كانت تتكلم وعيونها كل شوي يروحون حق سارة الي شغلت روحها بالورد وكانت تحطه فالمزهرية
قعدوا سوالف ووناسه والي كان بين شوق وسارة شي كان الكل مستغرب منه لانهم ما قالوا ولا شي غير سلام خفيف وكان الي بينهم نظرات سريعه
جت فرح مع بوفهد وبوفيصل وزهراء ووموسى
وقعدوا معاهم.. وطلعوا الكل وسارة وجاسم بقوا مع شوق وفهد
فهد: شفيكم انتوا الاثنين ليش هلعداوة الي صايرة مبينكم شنو الي تغير؟؟؟
جاسم: اقول فهد.. انت تعرف واحد اسمه صالح ؟؟
فهد: منو قصدك ولد هذا الي ساكن فـ ringsted
جاسم: ايه الضاهر اهو
فهد: ايه شفيه
جاسم: تذكر من كانت ملجة نور بنتهم.......
وقال له ليش اهم مايكلمون بعض ومنو السبب
فهد عصب وكان مبين فعيونه الي صاروا حمر وقبضة ايدة الي كانت ماسكه ايد شوق
فهد:وانتي ليش ماقلتي لي
شوق: مدري انا كنت وايد تعبانه ومتضايقه... وانت ماكان لك وقت لي
فهد: حتى لو شوق.. هالشي ماينسكت عليه.. اانا اوريه الي مايستحي علي ويهه
جاسم:الحين احنا بنراضيهم على بعض والله كريم بعدين
جاسم دفش سارة دفشه خفيفه واهي قامت وعيونها علارض
سارة: شووق انا اسفه
شوق: هممم.. وانا سامحتج
سارة: غصبن عنج
جاسم: هاا من بدايتها
سارة: هههههههههه
لمت شووق وقعدت تبجي : اسفه حبيبتي... سامحيني
شوق: خلاص حبيبتي انا نسيت كل شي
فهد بصوت واطي: بس انا ما نسيت
سكتت شوق وسارة رفعت راسها تطالع فهد
جاسم: انا بكلمه وبشوف ليش سووا جذي
فهد: جاسم مالك دخل.. اختي شوق وانا بتحمل فكل شي
جاسم: افاا بس يافهد... يعني شوق مو اختي.. بس بطنشك واعتبر اني ماسمعت ولا شي
فهد قام اخذ جاكيته ولبسه وشال حق الرقبه لفه بسرعه وكان بيطلع
فهد: سارة خليج مع شوق
جاسم: وانت وين بتروح
فهد: بروح وين ما اروح ... مو شغلك...باي
راح فهد بسرعه وطلع من المستشفى.. شغل السيارة وقعد يفكر شبيسوي.. يعني كل هذا يا شوق وماتقولين لي
والله العالم بعد شنو ورى سالفة الحادث بعد
بس هين يا صلوح تسوي فأختي جذي
**************
شوق وسارة ورجعوا
فهد وشبيسوي فصالح.. ؟؟
وجاسم بيسكت ويخلي فهد يسوي الي يبيه
بنوته