[حروف]

السلام عليكم و رحمة الله و بركاته

أكيد مستغربين من العنوان
كله رعب x رعب
ما عليكم الحين بقصلكم قصتي
و بتشوفون شنو صار


***

الموقع : My RoOM
الوقت : 2:15 بعد منتصف الليل

في ليلة من الملاليل
تسللت إلى خارج غرفتي .. عشان أروح خارج البيت >>> لا تصدق كل ما يقال
فمشيت .. فمشيت متجهة حق المطبخ
أنــآ كنت شارية مفادير حلووو وحدة رفيجتي معملتني عليه
الي هي بنوتة ازقرتية فديت البها
الموهيم كل يوم اقول باجر اسوي الحلو و ما اسويه
فهالوقت الكل نايم
البيت هدوء
طلعت من غرفتي بسوي الحلو >>> وحدة فاضية
و طبعا انا مو متأكدة ان الي شريته صح
و ان الي بسوي صح
بس والله ان ما طلع صح اكون مبتكرة حلوو يديد ما عليه
الحين بحطلكم الحلو
و بعدين اكملكم باقي القصة


المقادير :

1- علبتين كريم كراميل
2- علبة حليب نستلة مكثف و محلى
3- قيمر
4- بسكويت مالح و الأفضل أن يكون ( Tuc ) >>> نفس الموضوع بالصورة




يتم خلط القيمر + نستلة مكثف محلى
>>> تلاحظون اني ما اخلط بالخلاط
لأني مابي أسوي ازعاج حق العالم و الخلاط يطلع صوت عالي
فقلت اليوم شوي نرجع حق العصر الحجري
و نخلط بايدنا





يتم اضافة عليهم الكريم كراميل
بدون الشكر الأسود الي معاه هذاك مانبيه عاد >>> ترى مو هي معلمتني انا ألفت بس سووا مثلي
المهم .. هيك راح يصير لونه




و بعدين تيبين اي طبق
صحن .. الشي الي تبين تحطين فيه الحلو
و تصففين فيه البسكوت





و تحطين أول دفعة من الصلصة الي سويتيها أنتي على البسكوت




و عقب ما تخلصين تحطين .. ماراح يكون مخلص الي سويتيه
ما توقفين
سويها طبقات فوق بعض
و تردين تحطين بسكوت مرة ثانية
و تحطين فوقها بعد
ليمن يخلص




و طبعا الشكل النهائي بيكون لايك ذيس




صج الي انا سويته شوي معفوس
تحملوا مو مضبوط مالي 100%
بس عشان شسمة .. مغامرات ليلية


المهم نكمل القصة
و انا اسوي الحلو
اسمع صوت احد يمشي بره في الصالة
طلعت من المطبخ
شوي شوي امشي بدون صووت
و اطل و مافي احد
قلت وي بسم الله على قلبج حروف
قمت تتوهمين من الخوف لوول

و طبعا عشان هيك سميته حلو الرعب في ليلة الرعب
هو مسكين مو رعبي
بس عشان عانيت معاه
خاصة ان بدون خلاط
لا والله اكتشفت ان الحلو سهل
يعني حتى لو انتوا تسوونه بدون خلاط ما ياخذ وقت
بس خلطوا شوي راح يكون كل شي جاهز و حطوه
ما طول معاي

و سلامتكم ~



حروف

المصدر: منتديات بنات دوت كوم

---

pg, hgvuf Z td gdgm hgvuf !

الموضوع الأصلي : حلو الرعب ~ في ليلة الرعب ! || القسم : "الأرشيف" مغلق || المصدر : منتديات بنات دوت كوم || كاتبة الموضوع : حروف