الجـــــزء العاشر
*************
على كف القدرنمشي ولا ندري عن المكتوب
عبارة كنت أرددهـا صدق من صاغ معناها
مشينا دونلا ندري وشربنا من بلاهـا كوب
وهذي حال هالدنيـا رمتنـا مـارميناهـا
تضحّكنا تبكّينـا تمشّينـا على المطلـوب
على كف القدر نمشيدروبٍ ما رميناهـا
****************
حمد: اوكي, انا الحين طالع شباب تأمرون شي؟
اصدقائه الي فالكلاس كانوا قاعدين كل واحد فعالم وينطرون الي داخل يمتحن يخلص علشان يجي دورهم ويدشون يمتحنون
خالد واحد من ربعه الي منحرفييين بأصول : حمووود وويع ( ووجع ) وين بتروح انت نجحت وبتتركنا مع هالهييييووس خلك يبااا
محمد يتطنز على اللهجه الخليجيه واهو عراقي : اييييه يباااااا شفيييك انت.. شبيك ياااعيني ياخالد هسه انا مو تارس عينك
خالد: اقول انت جب ولا كلمه
حمد:استغفر الله يالله سي يوو
حنان : طيب خذني معااك ماااوووبّي اقعد مع هذيلاً ( لفظوها فالبحريني البنت بحرينيه)
حمد: حياج الله ..يالله باي
راح حمد واهو شايل جنطته على كتفه ويعدل فالجاكيت ويرفع الجينز االعريض
حنان: هههههههههههه حمد طاااح جييينزك
حمد: اقوووول جب بس هذا مووديل انتي شعرفج فهالاشياء
حنان: هههههههه ... احلف بس
حمد: وييييهج عاااد
حنان: اقووول وين فيصل عنك اليوم
حمد: فيصل عنده محاظرة وبيتأخر
حنان: ااها زين
حمد: كان يمشي بسرعه وكانه بيلحق على شي
حمد :حنااانوه بساااعج خلصيني يالله
حنان: يوووه شفيك انت اليوم
حمد : مافيني... وين تبيني اوصلج
حنان: محطة القطار..بس شكلي مثقله عليك
حمد: مووو وقتج حنان..يالله ركبي وفكيني
حنان: الحمدلله والشكر
ركب فيصل سيارته وحنان شافت اخوها
حنان : مووبي منتك يالله بااي
حمد: فكه....باي
راح حمد بسرعه يبي يوصل البيت
وصل البيت ونزل يركض واهو يرفع الجينز الي كله ينزل
شاف Anne
حمد: اوووهووو اعوووذ بالله منج يااااهلبنت
Anne : هاااااييي سويتي
حمد : هااااي
وتركها وراح وقفت تطالع له واهي معصبه وكملت طريجها
دق الباب
سارة فتحت الباب: هلا حمد
حمد: هلا ساروه...وين جسووم ؟
سارة: همممم..فداره
فيصل: وابوج وينه فيه...؟
سارة: مدري انا توني ييت
فيصل: يووووه وخري زيين..في احد فالبيت؟؟
سارة: ويييه بسم الله.. شفيييه هذا...اييه فيه بس جاااسم روح له
كان جاسم قاعد يرتب جنطه
دخل حمد بدون ماياخذ الاذن
حمد: جاسم ... جااسم الحق على فهد
جاسم: شفييه فهد
حمد: مدري بس فيصل قال انه شافه معصب ويتهدد على صالح يقول يبي يهاوشه وتعرف انت صالح وااحد مايستحي يسوي أي شي عادي عنده
جاسم :زين خلاص انا بشوفه واخبرك الحين انت هدي مااافي شي ان شاءالله
حمد: يالله دق عليه
جاسم: ان شاءالله
دق جاسم ومارد و دق اكثر من مره وفهد مايرد
******************
فهد طفح فيه الكيل وماقدر الا انه ينفجر فوجهه امه الي كان يخبرها عن الي صار والي قالت له خل شوق تطلع وكل شي بيفهمونه منها بس اهو فهم كل شي
والله قهر
يأذي اختي
ويخرب بينها وبين رفيجتها
ولااااا بيخطفها
وانا مااااقدر اسوي شي
لاااا والله بسوي وبتشوووف ييااصلوح مع منو تلعب
كان واقف ينطره يطلع من شقته الي كانت كلها حق المسخره
وكان موبيله يرن ..
كان جاسم
بس مارد عليه وبقى ينطر
مل من الانتظار و رد على جاسم
جاسم: انت ليش ماترد هاا
فهد: هلا جاسم
جاسم: وينك فيه بغيتك فساالفه ضروري
فهد:مشغووول جسووم الحين... خلها بعدين
جاسم: اقولك شغله مهمه ما تستحمل التأجيل يالله ناطرك فبيتنا باااي
طوووووط طوطط طوووط
فهد: اوووووووه شنو هاليوووم
حرك بسرعه وراح بيت بو فيصل
وصل وكان يلعب بالمفتاح حق السياره ويتمتم شي واهو معصب
شاف وحده تطالع له بنوع من الهبل
طالع لها بحاجب مرفوع كأنه يقول لها شكو... شفيج!!!
واهي ردت نفس الحركه... ابتسم للهوى واهو يطالع الارض وكمل طريقه...
راح رن على الجرس ووقف ينطر الي يفتح الباب واهو يحاول يدفي ايدينه
سارة فجت الباب وشافت فهد: اووه فهد هلا والله حياااك الله
فهد دخل : هلا فيج سارونه ..شلونج؟
سارة:تمام..
كانت سارة تسمع اغاني من دخل فهد سكرت التلفزيون
فهد :احمممم.....جاسم وينه .؟
سارة:فوق فداره ..روح له محد فلبيت..
كانت تتكلم بسرعه خاايفه من محاظرات هالفهد الي ماااتخلص
فهد: همم..اوكي ..
راح له.. ودق الباب
جاسم: حياااااااااك الله فهود ادخل
فهد:هلا جسووم شلونك
جاسم: همممم قوووووود... وانت
فهد: الحمدلله
جاسم: وين كنت ... تقولي مشغول ياارجل الاعمال...وانت اصلا مارحت الشركه
فهد: شدراك اني مارحت...وبعديين ايه رجل اعمال ولا مو تارس عينك
جاسم:هاهاهاها ...لالا يااااارياال تااارس عيني وقلبي ههههههه... سيمون قالي
فهد: اها اوكي... لالا بس شغل.. انت شتبي مني؟
جاسم: بروح اشوف شقة المستقبل ..وقلت تروح معاي ونشوف شنو رايك فيها؟
فهد: اها اوكي..يالله مشينا...بس اشوفك مجهز جنطه وحاله وييين بتروح...
جاسم: ولا مكان..يالله مشينا
*********************
كــانت بروحها
قاعده ..تكلم روحها
هنااك
فالمستشفى
شوق بروحها فالدار
يووه ..الكل نساني..محد يفكر فيني..حتى سارة بتنساني
يااربي بطلع انا شنو هالملل
وسمعت دقات خفيفه على الباب
كان واحد ..ابد مو متوقعه جيته
واحد اشتاقت له
موسى: هاي شوق
شوق: هلا والله هاااي موسى
موسى: hvordan gaar det?
( شــلونج؟)
شوق:Fint Tak....Dig?
(تمام الحمدلله ..وانت)
موسى: تماام
شوق: ليش مارحت المدرسه؟
موسى: مالي خلق مدرسه..
سكتوا...وشوق حاسه فهالياهل فيه فقلبه شي...وتنطره يكمل كلام..ويقول الي فخاطره
موسى: هممم...شوق انا سمعت ماما وداد يقولون انه...ترى انا كنت نايم ورحت سمعتهم فالغلط والله
شوق: اها...كمل....
موسى: سمعت بابا يقول..ان هذي ..اخر سنه لنا فالدانمرك
شوق: شنووو؟ ... ههههههه شقصدك موسى حبيبي..
موسى : انا بعد ... i starten kunne ikke tro paa det
) فالبدايه ماصدقت)
شوق: يعني شلون اخر سنه
وين بتروحوون
فيصل خلص امتحاان وكان اخر واحد
ماسوا زين
وعلامته كانت...مو كلش
افف....ليش كل هذا يصير معانا...شنو ذنبنا
المدرسه كانت فاضيه تقريبا
محد الكل راح البيت
بس اهو ....طلع الحديقه
كانت كلها ثلج
وثلج ينزل
راح مكان
قبل يومين سووا اهو وحمد فيه رجل ثلجي
وصورا هناك
راح له
قعد عنده
طالع فيه
....انا ....انا شسويت علشان انحرم من اعز نااسي ؟
وليش انا
نزلت دمعه يأسه من الحياه ...مسحها
ونزلت دمعه ثانيه..ثالثه....ورابعه...
قعد علارض..علثلج
قدام الرجل الثلجي
طالع له واهو يبجي
وقف مره ثانيه ورفس بريله الارض
وبعدين الرجل الثلجي
وقعد يطلع الحره الي فيه فالثلج
لييين ماخرب الرجل الثلجي كللله
وراح يركض ليين السياره
...
فهد..وشنو اخر هالوعود
جاسم..وين بيروح
وموسى..شقصده؟؟؟
و فيصل...شنو الي مضايقه...وليش بيخسر اعز ناسه؟؟؟؟
نطروني فالجزء القاادم
,,, اشووفكم على خير فالاجزااء القادمه ,,,