قطعة حلا
تفضلي يالغلا هذي كلمات النشيد
يا صاحبي لا تشكي الوقت و الحال
خل الذي في قلبك اليوم خافي
ما كل حكيٍ يا ابيض القلب ينقال
و لا كل عمرٍ من شقى الحال غافي
رح و اشتكي للي له الكل رحال
و ارفع كفوفك له ترى الله كافي
و اعرف ترى كلٍ من همومها شال
و لا عاد شفت اللي من الهم صافي
ما انت الوحيد اللي شكى الوقت و الحال
و ما انت الوحيد اللي له الوقت جافي
اكذب عليك ان قلت لك خالي البال
ياما مشيت الدرب و النور طافي
همي بقلبي يالخوي اتعب الحال
دمعي بعيني متصل يوم قافي
انت الرفيق اللي بهالكون ما مال
لا ضاق صدري منهم القاك لافي
ترى غلاك اليوم ثابت و لا زال
و لا عاد ابي ربع القلوب المقافي
خذني يمينك وابشر بدرب الأفعال
لأمشي معك لو وين كان انجرافي
أقسم قسم انك على الراس تنشال
خذ من قصيدي وشوف جل اعترافي