[.. إيليا ..]

كيف ما كان العيد في مختلف الدول
بتبقى العادات نفسها أو متشابهة
لكن نفسي شي يتحقق
إنو ليه احنا العرب مو متحدين
حتى برمضان وبالعيد مختلفين
شي مؤسف كتير بصراحة
واليوم الصبح تمنيت كمان شي
أول مرة بقضي العيد برات بلادي
ما حسيت لا بعيد ولا برمضان ولا بإسلام
العيد بأوروبا متل أي يوم عادي
كان نفس أصلي الفجر بالمسجد أو حتى مع الأهل
كان نفسي أعيد عليهم ونجتمع سوا وناكل كعك العيد مع بعض
كان نفسي ونفسي ونفسي
لكن اليوم كان حلو نوعاً ما
صحيت الساعة 5 الفجر على مسجات التهاني
اتصلت بالاهل والاصحاب
وشفت بعضهم عن طريق النت وعيدت عليهم
بعدين اتصلت عليّ صاحبتي اليمنية بدها أقضي العيد عندها
لبست ورحت وانبسطت الحمد لله .. أكلت من الكعك على الطريقة اليمنية
وأخدتلها من كعكنا على الطريقة الشامية
ورجعت للبيت بعد ما كان اليوم عابر متل أي يوم ،،
حتى صاحبتي كنت بشوفها كل يوم .. ان كان عيد او لا
لكن يلا مشي الحال ..
وكل عام وكلكون بخير وسلام يارب