مروة تطالع حنان:شفيج ساكته..؟!!
حنان:بعرف حمد ليش نظراته جذي..؟!!
مروة:أي كانت فاضحته نظراته وكلامه
حنان قالتلها السالفة اللي بالخيمة قبل لا يجون
مروة:أحللللللللللفــــــــي
حنان:والله مادري ليش قاهرني..؟!!
مروة:حنون بقولج شي بس لا تزعلين
حنان حست بسؤالهــا
حنان:قولي
مروة:احس يحبج من نظراته من كلامه
حنان:حتى انا احسه جذي
مروة: وانتي شنو يعنيلج
حنان:بصرآحهـ ولد عم واحترمه
فضلت حنان انها ما تبين حقيقة مشاعرها إلا لمن تأكد!!
مروة:اها
حنان:بس اهو اشكَــره جذي
مروة:ومن الحــب ما قتــل
حنان:انزيـن قومي نروح ننام
مروة:عاد اقعدي والله مو دايخة
حنان:لا الحين فيه فيلم على تو انطره بس رعب نياهاها
مروة:يلاااا
راحوا حنان ومروة لقوا البنات كلهم نايمين إلا شوق تطالع التفزيون حنان:لمن الحين ما نمتي
شوق:لا انطر فيلم على تو طالعوه معاي
حنان:شسمه
شوق:هاوس أف واكس
مروة:ههههههههه احنا جايين عشانه
ابتسمت شوق واهي منبطحه
بدلوا ولبسوا بجامات وقعدوا يطالعون الفيلم
وناموا البنات على نص الفيلم إلا حنان حنان تفكر انا مو نوعي اعذب اللي يحبني بس حركاته ونظراته تعذبني احس بالأخير بيذبل هالحب احس بيصير شي مادري شنو اهو
بس وبعدين شنو آخر هالنظرات والحركات اللي يسويها انا ادري ان حمد خوش واحد ومليون وحده تمناه بس انا ما انكر اني اميل له بس ما أقدر أبوح بمشاعري إلا لمن اتأكد من هالمشاعر ونوعيتها
تعبت حنان من التفكير وقررت تنام وتشوف نهاية هالحب اللي من طرف واحد
بنفس هالوقت حمد يتقلب بفراشه مو قادر ينام
حمد حط ايدينه الثنتين تحت راسه
ليش ما تعطيني وجه كل ما احاول اتقرب منها و ابين لها حبي احسها تبتعد ليش تحاول تقهرني بأي طريقة انا شنو سويتلها..؟!!
ودي اعرف شعورها تجاهي مابــي قاعد على نار
أفففففففف ودي اصرخ بأعلى صوت واخليها اهي بالذات تسمعه واقولها احبج
تعبت وانا اشيل همي وحبي بروحي ياليت لو تحس فيني
شغل التلفزيون وقعد يطالع
ونام وسط العذاب اللي عايشه وسط الحب من طرف واحد اللي اهو حمد وسط حبه واحلامه وسط شوقه ولهيبه وسط قلبه اللي يحمل الكثير الكثير من هالحب لكن للأسف محبوبه مو حاس بعذابه
طلت الشمس بأشعتها الحارة
وقعدوا الحريم ع الساعه 11الظهر
وقعدوا البنات كلهم ع الساعه3 العصر إلا شوق وراحوا البنات تغدوا وراحوا يتمشون
هديل ودلال راحو بصوب
وحنان ومروة بصوب
حنان:امس الفيلم حلمت فيه من كثر ما يخرع
مروة:وجعه احسن صاكه الليتات وبالليل بعد
مروة:شفتي البوية اللي اقولج عنها بمدرستنا
حنان:إي شفيها
مروة:واااااااي تهبل
حنان:اقول لا يكون فيج شذوذ
مروة:اسم الله علي
كملت مروة:بس اهي دايما تحرش فيني
حنان تحاول تغير السالفة:انزين غيري السالفة
مروة:إي صج عندي لج خبر لا صار ولا استوى
حنان: اطبخيه هههههههـ يا كثر اخبارج قولي
مروة:ههههههـ مو كفو والله ماني قايلة
حنان:اتغشمر يلاا قولي عاد
مروة:اليوم مشيعل بيطلعنا
حنان:احلللللللللللللللللفـــــــي
مروة:وجع فضختي قلبي
حنان:يا لحسن حظــي
مروة:بس لا تخافين حمد مو معانا
حنان تطقها على جتفها:جب وانا شكو فيه اهم شي بنطلع
حنان:وين..؟!!
مروة:مادري!!
مر الوقت
ودقت مروة على اخوها مشعل
مروة:الو مشيعل يلااا متى تودينا
مشعل:والله مالي خلق قولوا حق حمد
مروة وهي تطالع حنان:بس انت واعدنا يلااا عاد
مشعل:والله ما اقدر قولي حق شوق تدق على اخوها وتكلمه
مروة:أف زين كله جذي يقولون مالا يفعلون
مشعل:هههههههههه يلاا باي
مروة:باي
مروة وهي تغمز حق حنان:يقول ما يقدر شوق دقي على اخوج حمد
حنان وتأشرلها إنطري إنطري
شوق:الو قوة حمد
حمد:هلا
شوق:حمد مشعل قال اليوم بيطلعنا وبعدين قال ما اقدر خلوا حمد يطلعكم تكفى طلعنا
حمد وهو نايم:مااااالي خلق وامس ما نمت إلا الساعة 7 الصبح..!
شوق:ميخالف بعد شوي
حمد حاول يكون ثقيل:يصير خير
صكته شوق:وعليــه اخــوي ما نام إلا الساعه 7 الصبح
حنان حســـت بهالشــي لأنهــآ إهــي بعد كانت تتقلب بفراشها
من صوب دلال وهديل
دلال:هديل بقولج شي بس
هديل:لا بس ولا غيره قولي اسمعج
دلال:فيه واحد معانا المنتدى كله يكتب اشعار وخواطر من تأليفه وامرة قالي انه يبي يتواصل معاي وانا رفضت وامس قاعده تقول شوق انه اخوها يكتب بمنتدى اللي انا اكتب فيه وانه شاعر انا شاكه انه اهو
هديل بعد سكوت:دلول لا تورطين نفسج وفكي عمرج بعدين تطيحين بمشاكل انتي بغنى عنها واذا حسيتي انه هالمنتدى يذكرج فيه وما تقدرين تنسينه اطلعي منه ولا تدخلينه
دلال ارتاحت من كلام هديل وفضلت السكوت
من جهة ثانية جهة الحب يملئها ويحيط بكل جانب فيها
سارة:خلاص عاد يا فيصل بروح عند الحريم
فيصل:أنا قايل ما تروحين إلا لمن تعطيني وعد تجين عند الشجرة
سارة:هههههه فيصل انا اعرفك واعرف حركاتك عشان جذي مرح اجي
فيصل بابتسامة خبيثة:صدقيني تبت
سارة استسلمت:خلاص وعد يلااا عاد هدني بروح