[دمدومة]

السلام عليكم

مواقفكم وايد تضحك..

آخر موقف محرج كان اليوم بالمدرسة..!

كنا بحصة انكليزي..فا الاستاز وزع علينا قطعة وعليها اسئلة وحكالنا حلوها..

ويلي بيخلص حل يجي يصلح عندي..

فا انا حليتها بس ما حبيت أروح أصلح (الاستاز بأول الصف وانا بآخر الصف)

ماشي ضليتني قاعدة..فا ابن صفي بيحكيلي حليتيها للقطعة بحكيله آها فا طلبها مني واعطيته اياها..

لهو ابن صفي يلي قاعد وراه بيحكيلي صلحتي بحكيله لاع بيحكيلي بدي أصلحها عنك..

حكتله لأ بس ما قبل!!!

فا راح وصلحها عني وطلعت العلامة 70/70 باختصار علامة كاملة..

بس هاد الولد يلي صلح عني مو كتير بالانكليزي..

فا بعد شي جزء ثانية الاستاااز بيحكيلي ديمة تعالي صلحي..

بحكيله ها!!.. بحكيله تع صلحي بحكيله لييش..ووقتها كوووووووووووووووووووووووووووول الصف بيطالع فيي..

وانا بتلّون احمر على اصفر على أخضر..

بالآخر بحكيله.. هووو سرق الورقة مني انا مليش دخل..حكتله رجعها ما قبل..

فاا الاستاااز صار يضحك (جرررررررررررر) وكل الصف صار يضحك..

وتوتا توتا..خلصت الحتوتا