[حروف]

السلام عليكم و رحمة الله و بركاته


عــــيــــدكُمــ مـــبـــآركـ ,
بدآية أحب أهنيكم بالعيد .
و أقول كل عام و أنتوا بخير

بعدين بسولف وياكم ,
و بقولكم سالفتي الطويلة .. بس تونس


طبعاً مثل ما أنتوا شايفين
عنواني عن صلاة العيد يعني بتكلم عن صلاة العيد
هو أول مرة بحياتي أنا أروح صلاة العيد
و هو يوم تاريخي بالنسبة لي
سجل بتاريخ 10 ذو الحجة 1429
8 ديسمبر 2008

أكيد السؤال , ليش كل مرة ما تروحين يا حروف ؟
كل مرة الظروف و ماتسوي
و ماقدر أروح بسبب ظروف خاصة

المهم ما علينا
بقولكم شعوري
هذا أحلى عيد بحياتي بس عشان رحت الصلااة
واي ما تتصورون شكثر وناسة

المهم .. ان اول شي قمت حق صلاة الفير الساعة 5
و انا نايمة بالليل الساعة 12
المهم .. اني صليت الفير >>> بالبيت
ترى الفير يعني الفجر اذا ما تعرفون
المهم .. صليت الفير و رديت بنام ماقدر
انا يايلي أرق هالأيام و الله مادري من شنو
حتى بالليل ما قدرت أنام عدل بسبب هالأرق

المهم ضليت قاعدة جني بومة
ليمن اخر خمس دقايق من قبل لا تصير صلاة العيد نمت
أول ما نمت يت ماماتي الله يهديها قومتني .. اتنرفزت لوول
و قالتلي يلا قومي ماتبين تروحين طالعتها و مبطلة عيوني مالي خلق اتكلم
جان اقول اعوذ بالله من الشيطان الرجيم
لاني شوي و كنت بقولها روحوا عني
بس الحمدلله قمت

المهم .. قمت بدلت ملابسي
و لبست العباية و شيلتي
و ناطرتهم و قاعدة حدي منفسة مالي خلق اكلم احد
و أخيرا جهزوا و طلعنا
لمن وصلنا المسيد ... نصبح التكبير هناك يقولون " الله أكبر الله أكبر لا اله الا الله الله اكبر الله اكبر .... الخ "
اصلا من البيت و انا اسمعه >>> بيتنا قريب من المسيد

او بالأصح منطقتنا ملايين المسايد
و اصلا الكويت ماشاء الله وايد مسايد تلاقين حولج كله مسايد و الحمدلله

دخلنا المسيد و كان وناسة رغم اني مالي خلق
بس كان وناسة
لالا لحظة .. كنت متنرفزة عشان شي ثاني بعد لووول
نظارتي انكسرت القديمة
بسبب اختي طاحت علي لووول
و رحت قبل يومين اسوي نظارة عشان تكون جاهزة بالعيد


هناك فحصوا نظري و لا يطلع خاف أكثر
فغيرولي حتى العدسة :S
المهم امس استلمتها و احس اشوف فيها عدل
بس تدوخ أشوف الدنيا منقلبة

فما أمشي عدل
و أشيلها من على عيني أمسكها بايدي
و الوضع ما يسر بعد تدرون ليش
لأني بدون نظارة ما اشوق جدامي واضح

المهم .. امشي و شوي بطيح
صايرة دايخة و اضحك بس مالي خلقهم بس اضحك على روحي من داخلي لوول

المهم دخلنا المسيد
ووناسة كان حدة
سلمنا على ناس ييرانا يعني
و قعدنا .. و بعدين شوي و بدت الصلاة
و بدينا نكبر عاد وايد مرات

و خلصت الصلاة
فيه محاضرة ورا الصلاة مو
المهم ان احنا طلعنا ما سمعناها
خواتي شسمة يقولون ريلهم تعورهم
مو قادرين يقعدون
صج اهمه ريولهم تعورهم فديتهم

و طلعنا ..

اي بقولكم شي قبل لا اقولكم لمن رجعنا البيت شنو صار
مثل ما عرفتوا انا اول مرة اروح صلاة العيد
فأكثر ما أدهشني هناك

وحدة مسوية تفخة على راسها ,
وحدة حاطة ميك أب شكثر و ياية الصلاة
وحدة كعب ليمن السما و ياية اتطقطق فيه عالأرض و هي ياية

يعني معقولة هذولة يايين يصلون و جذي
استغربت
أقول بنفسي شنو هذولة سيدة بيطلعون من المسيد يروحون يزورون
معقولة !!
الحين الصبح مافي أحد يروح يزور
اكيد يرجعون البيت بعدين يروحون

اما عن الي حاطة مكياج
فمادري اذا هي تغطي ويهها و لالا
اذا تغطي ويهها الله يثبتها بس هم ما اقتنع ياية مسيد و حاطة ميك اب



المهم ,

و رجعنا البيت
أول ما رجعنا انا رحت على فراشي الي ليمن الحين معفوس
و ما بدلت وولا شي
نمت عليه و انا بعبايتي و بملابسي
و حتى حجابي ما شلته من على رآسي مالي خلق
و اختي بقوم اطقها كل شوي تقولي
يلا قومي بدلي
ماتبين تتسبحين
ماتبين تفصخين حجابج

و انا مطنشتها ماليب خلقها
لاني ادري لو تكلمت بعصب عليها
لاني من الاول مالي خلق و منفسة

المهم ما قدرت أنام كالعادة
دخلت اتسبح
و سويت شعري
و بث




يلا دوركم تسولفون لي عن يومكم
و شنو سويتوا بصلة العيد و هيك





حروف ~

المصدر: منتديات بنات دوت كوم

---

wghmR hgJJ << ud] <<

الموضوع الأصلي : صلاةٌ الــ ,, عيد ,, || القسم : "الأرشيف" مغلق || المصدر : منتديات بنات دوت كوم || كاتبة الموضوع : حروف