[بقايوه]

مثل ماوعدتكم بارتيين ^^

" البارت الثالث "

تغدوا و الابو بعده هادي

بعد الغدا
بوحمدان سار يرتاح في الغرفة و لحقته ام حمدان
ام حمدان .: بو حمدان اشفيك هادي اول مرة جيه اجوفك من رديت من الصلاة و انت مول ما ترمس
بوحمدان .: اليووم شفت يارنا بو سالم اللي في هاك الفريج و قالي هلا بو وليد .. انا هاك الساعه تغيرت ملامح وييهي و حسيت حمدان بتكافخ وياه عشان قالي بو وليد
ام حمدان .. تمت تصييح
بو حمدان يكمل .: وقالي مب معناته الولد يموت ما تبا الناس ما تزقرك باسمه
ام حمدان .: عيل لو اقولك مهرة شو سوت ..
بو حمدان .: شو سوت مهرة ..؟
ام حمدان .: كانت تبا تشوف صور عرسنا سارت تييب الالبوم و يابت كم البوم و يوم شافت صورة وليد قالت امي منو ها .؟
بوحمدان سكت
وام حمدان كملت .: قلت لها اونه ولد يرانا .. و الله ما اعرف شو اسوي وياها ... يالله صدقت ..





الفليل في بيت قوم بو سلطان
شوق يالسة ع اللاب ع المسن ترمس ربيعتها
يالسة تكلم مهرة وهيه نكها .:
بنت ال.............." اسم العايلة " و المعجبين وراها
ومهرة نكها .: احبه و الله احبه

وفجاة وصلت لشوق اضافة
قالت لمهرة .: تعرفين هالايميل
مهرة .: لا
شوق .: انزين اسوي آد ولا لا
مهرة .: سوي و اطاعي منو و عقب بلوك دليت ..

شوق سوت آد ..
هاك الايميل نكه ." مضيع اهلي ولا داري "

مضيع اهلى ولا داري .: السلام عليكم
بنت ال......... و المعجبين وراها .: وعليكم السلام و الرحمة
مضيع اهلي ولا داري .: منوو وياي
بنت ال.......... و المعجبين وراها .: انت منو انت اللي ضايفني .؟ّ!
مضيع اهلى ولا داري .: انزين بغيت اسالج .؟ّ!



شو هو السؤال .؟؟



بنت ال........ و المعجبين وراها .: شو تبا .؟ّ!
مضيع اهلي ولا داري : انتي قوم ال.................... .؟ّ!


منوو ها .؟؟ وليش سالها عن عايلتها .؟؟



بنت ال............. و المعجبين وراها .: وانت شو رايك .؟ّ! ما تشوف نكي
وشوتبا اصلا مني سوا كنت بنت فلا ن ولا بنت علان ..؟ّ!
مضيع اهلي ولا داري .: انزين بقولج شئ و اتمن انج تسمعيني من البداية للنهاية ...
بنت ال........ و المعجبين وراها .: قول خلصني ...

... تتوقعون شو سالفته .؟؟



مضيع اهلي ولا داري .: شو في انا من بوظبي من نفس العايلة وانا من 10 سنين ضايع من اهلي سافرت ويا ربيعي المانيا و عقب سوينا حادث و ربيعي توفى و قالوا اني انا بعد توفيت و اهلى يتحروني متوفي و اباج تساعديني عشان اعرف اهلي ..
بنت ال........ و المعجبين وراها .: شو االلي يضمني انك صاج من جاذب
مضيع اهلى ولا داري .: بقولج اسمي كامل و اسالي عن اهلي ... و تاكدي من هاي السالفة
بنت ال......... و المعجبين وراها .: انزين شو اسمك .؟ّ!
مضيع اهلى ولا داري .: اسمي وليد سالم سلطان ال...............
بنت ال.......... و المعجبين وراها .: شو .؟ّ!
مضيع اهلي ولا داري .: شو ها اسمي .؟ّ!
بنت ال......... و المعجبين وراها .: انت جذاب ..
مضيع اهلى و لا داري .: و الله العظيم انه صصدق وثاني شئ ما وحالج سالتي عني
بنت ال.......... و المعجبين وراها .: انتي جذاب تعرف ليش .؟
مضيع اهلى ولا داري .: ليش .؟ّ!
بنت ال.......... و المعجبين وراها .: لان عمي اسمه سالم سلطان ال........ كيف انت ولده
مضيع اهلي ولا داري .: انتي منو .؟ّ! اكيد شوق
بنت ال.......... و المعجبين وراها .: شو .؟ّ! كيف عرفت اسمي .؟ّ!
مضيع اهلي ولا داري .: انا اعرفج ولو تسيرين و تسالين سلطان اخوج بيقولج السالفة لانه هو ربيعي الروح بالروح و انا عندي اخوان حمدان و مهرة
بنت ال........ و المعجبين وراها .: اوك انا بخر اخوي سلطان عن السالفة
مضيع اهلي ولا داري .: عطيني رقم فونه .
بنت ال.... و المعجبين وراها .: لا ماابا انته عطني فونك ..
مضيع اهلي ولا داري .: اك يودي *************** دولي تراه و انا بتريا سلطان يتصل ..
بنت ال......... و المعجبين وراها .: اوك خلاص ..


>> حطيت هالموقف لان ذات مرة صار لي جيه و عقب اكتشفت انهم من اهلنا لكنهم عايشين في البحرين <<

بندت شوق اللاب و حاولت ترقد بس ما قدرت تفكر بالسالفة .. كيف هيه عندها ولد عم ولا تعرفه و لا يعرفون عن سالفته شء .. فققرت تسير تخبر سلطان

ابي اجوف ردود سنعه^^