الجزء الرابع عشر
*****************
هـذا مكـانهـ يا بحر .. أعرفـهـ زيـن
,
؛؛ رغـم البطا ؛؛ كنـّهـ هنا من ثواني
,
كنـّا هنا قبـل ( نتفـارق ) بـ عـامين
,
قبـل المطـر يجتـاح .. وجهـ المباني
,
وينهـ غـلاتي يا بحر ؟ وينهـ الحيـن ؟
مرّك ؟ لمحتهـ ؟ ما نشـد عن حناني ؟
!
بـ الله قـول إنـّهـ .. هنا قبـل يـومين
,
ودي أحــس إنـّهـ .. هنا مـا نسـاني
..
حتـى الكراسي // تسـألك يا بحر وين ؟
مـن غيـبتهـ .. حتـى الكراسي تعـاني
!
******************
كان قاعد بروحه عقب مع الكل راح
تأكد من الكل انهم راحو .. و قعد يشيل اغراضهم
سمع أحد ينادي
فهد : هلا
فهد إنتبه حق الريال : هلا هلا عمي بو صالح
بو صالح :هلا حبيبي فهد
قعدو سوالف و فهد قعد يتحاشى إنه يطالع بعيون بو صالح
سأله بوصالح عن إلي صار وقعد يتأسف
شوي ويدخل عليهم صالح
..فهد عصب و قام من مكانه
بو صالح: فهد ..ياولدي اقعد خلينا نحل المشكله بهدوء
فهد احترامنا حق الكبير وحق بو صالح الريال الكبير قعد
و إنتهوا بحل المشكله بينهم
..
وصالح كان وايد ندمان على إلي صار
و قال إنه يبي يخطب شوق
فهد: للأسف شوق تفكر في دراستها الحين .. مو وقت زواج بعدها صغيره
و على جذي خلص هليوم على خير الحمدالله
***************
الصبح
كان قاعد بلمكتب
بروحه
شهلملل
أففف
ضايق خلقي
خليني أدق
على بيت عمي بلندن
رفع موبيله وبتردد دق عليهم
: يس
فهد: السلام عليكم
الخدامه
: Who is it
فهد:
it´s mee fahad... can i talk to 3aamy bo hamad
الخدامه
: okay just a moment
فهد طلب عمه وهو بقلبه يقول .. أتمنى تنادين نوف
قعد ينطر دقيقتين
الا ترد عليه حرمت عمه: هلا فهد
فهد هلا خالتي..شلونج إن شاءالله طيبه
أم محمد ( حرمت عمه ) : بخير والله..انتوا شلونكم
وقعدوا سوالف لين قالت له شي حطم كل مافيه
أم محمد : يالله عاد تعالوا لنا إن شاءالله ملجت نوف مانسويها بدونكم
سكت فهد أهي ردت وقالت: يوم لك قول إن شاءالله ..ماخطبت للحين
فهد كان وده يتكلم بس حس إنه ماستوعب الكلام رد وسئلها
فهد:خالتي نوف إنخطبت ؟؟
أم محمد: إيه والله من شهر ..والحين قاعدين نجهز حق الملجه
فهد: انزين خالتي أنا بروح الحين .. عندي شغل
أم محمد تعرف إن فهد يحب نوف ابتسمت بخبث وردت : انزين حبيبي سلم علأهل .. مع السلامة
فهد: يبلغ ..فمان الله
سكر فهد وهو مو فاهم
نوف .. نوف راحت مني
إنخطبت ... منو هذا ...منو إلي أخذها
ماعرف شكثر من الوقت مر واهو على هلحاله
شال جاكيته .. واغراضه ..وطلع بسرعه
كانت في بنت جايه بتخلص معامله عنده
اهوا فتح الباب في وجهها بسرعه غريبه خوفتها
البنت : أمبييييه إسم الله إسم الله
فهد : اوه سوري..أنا أسف مانتبهت
البنت شافت دموع فهد بس نزلت راسها وقالت .. : لا عادي ماصار شي
فهد: خير اختي بغيتي شي ؟؟
البنت : أنا بس عندي موعد عندك اليو
...
فهد بدون مايخليها تكمل كلامه ماكان له خلق : انزين انزين ..أنا إليوم ماعندي وقت .. روحي هناك ( وآشر على مكان مكتب ) وقولي لها فهد يقول عطيني موعد يديد ... مع السلامة
البنت بقهر ( ياربي ياربي شنو هلصبي ) : أها باي
..
بس فهد كان رايح من زمان
شفيه هذا ..والله هلشركه غريبه
كملت طريجها ..وراحت مكان ماقال لها
********************
راح بسرعه شغل سيارته لين مكانه
... بروحه
قعد هناك
بغرفه بااارده
يارب ..ليش ياربي
والله أحبها ... أحبها واموت فيها
مايصير
أنا أبيها لي .... نطرتها كل هلسنين ... ومن قررت أخطبها ..تروح مني
ماكان يشوف شي
كل شي كان مضلم بعيونه
كل شي أسود
كل شي .. قاسي
ليش جذي
مل من كل شي
أبيها وربي أبيها ،،
.
دق موبيله .. مره ...ومرتين ... ثلاث
إنتبه حق الوقت إلي تأخر وايد ،، حس بلضلام
.
مد ايديه حق مخباته ..وطلع الموبيل
شاف ٥ مسكال ٣ من شوق وحده من ابوه و وحده من أمه
رد دق على أمه
فهد: هلأ يمه
أم فهد : هلأ حبيبي ..وينك فيه حياتي تأخرت
فهد:كان عندي شغل وايد يمه، ماقدرت أخلصه بيوم واحد..أنا الحين قاعد في شقتي
..
أم فهد: فهد حبيبي فيك شي ..شي مضايقك ؟؟
فهد: لا يمه لا لا مافيني شي ..قولي حق شوق اني مشغول.. يالله سلمي علكل
أم فهد:إن شاءالله ..تحمل بروحك
سكر فهد
ماكان عارف شنو بيسوي .. مل من كل شي
حتى من روحه مل
سمع صوت سيارات و إزعاج ..كأنه عرس عرب
إي هلمكان كله حق العرسان
..
فج الستاره بيده ..وقف يطالع لهم
المعرس كان شكله عربي والعروس شكلها أجنبي
..
سلموا الناس إلي وصلوهم ..صوروا وياهم .. وشال عروسته ودش بيتهم
وقف ورى الستاره ... ودموعه ماخذه راحتها
معقوله أهون عليج يا نوف ..جذي جذي تروحين مني بهلسهوله
قعد علأرض البارده
ماكان يحس إلى بحرارة الغيره ... شي داخله يذبحه .. يقوله إنت خلاص ..نوف ماعادت لك،،.. نوف اختارت غيرك
نوف ..نوف
صرخ بصوت عالي ...عاااالي نوف أبيج لي... حس الدنيه كلها سمعته
الساعه ٣ الفير
كان قاعد
ماسك الكاميره بيده ..يحاول يشغلها
يبي يشوف الصور إلي فيها
ياب باتري يديد وركبه فيها
اشتغلت
رفعها وباسها وأهو فرحان
قعد يدور بين الصور الموجوده
كلها صور جديمه
فهد: أفف وين راحو
تذكر ..بيوم نوف كانت هني بلشقه
نوف وأهي تطل بدار فهد
نوف : فهد هذي دارك ؟
فهد كان يكلم عمه : إيه نوف داري
يا صوبها وقال : يعني اهي داري من أكون راد من الشركه مالي خلق شي أو أكون تعبان ..أو متأخر ..جذي
نوف : همم .. انزين أبي أدش .. أشوف الصور ... ممكن
ابوها ( بو حمد) : نوف حبيبتي خلاص تركي الصبي ماخليتي مكان بشقته إلى وشفتيه ..فهد سامحنا عفسنا الشقه بنتي حدها فضوليه
فهد: ههههههههه ..بلعكس عمي انتو أول ناس زارني ويشرفني هلشي والله .عادي عادي نوفو اخذي راحتج
نوف: هيهي حره يا بو حمد و كا بدخل الدار وشوف الصور
تذكر فهد شكلها من كانت تسأل على كل صوره
كان عند المكتب حقه .. لوح كبير .. أبيض
يعلق عليه كل شي يصوره ..وكل صوره موجودين
وتستفسر ..وشلون كانت حلوه .. بريئه ... أحبها
نوف: واي وربي روعه مسوي معرض خاص فيك فهد
فهد : إيه يعني تقدرين تقولين جذي
..
نوف: فهد تذكر الصور إلي صورناهم من شوي
فهد : همم..شرايج انتي يعني تونا مصورين تقولين لي تذكر
نوف: هههههههه لا قصدي ابيك تعلقهم هني
فهد: ههممم ...إن شاءالله
انزين شرايك أنا أعلقهم
..
فهد: أوك
تذكر من يابو الصور
نوف :فهد أنا بعلقهم بمكان محد يشوفه
فهد : ههههه وليش عاد
نوف عشان محد يحسدني ها ها ها
فهد : ههههه انزين ؟؟
فهد : إيه ..ف أبي أحطهم هني
( علقتهم تحت صور عجبوها)
نوف : يالله الحين تمام
ضحك فهد من بين دموعه
راح شال الصور وولقى صور نوف ..وصور العيله كلهم
ردهم مكانهم
وطلع برا البيت
كان الوقت متأخر
بس مايبي يقعد بروحه خلاص ..بينسى
مثل ما انتي نسيتي ..وبتزوجين
أنا بعد بنسى...بس مابحب بعد ولا أتزوج
خلاص طابت النفس من كل شي بعدج يا نوف
أخذ السيكل إلي كان يركبه بس إذا كان متملل من السياره
وراح يتمشى فيه
كان تقريباً كل شي مسكر
بس في كافي صغيره
شافها من بعيد
..
وقف السيكل وراح لقى جم شخص كل واحد قاعد إلي يقرا والي نايم والي يشرب
قعد وطلب له قهوه ساده مع جوكلت
..
مسك الجريده
مافي شي يديد ..الدنيا كل يوم نفس الشي مافي تغير
.**********
شوق
كانت قاعده تدرس
شوق : فرح تعتقدين فهد وين الحين
فرح: شوق سكتي ..خليني أنام
شوق: انزين ليش كله مسكر تلفونه
..
فرح :شوق صكي النت ونامي أف منج
..
رن تلفون فرح بمسج
..
نطت له فرح
شوق: هاه مو كنتي تبين تنامين
فرح :مالج شغل
سكتو أثنينهم ..وفرح تقرا المسج وتبتسم
شوق : فرح ..؟!؟ ..جاسم؟
فرح
ترد واهي مشغوله تكتب مسج: إيه إيه ...جاسم
شوق: هممم..انزين شنو يبي
فرح : أف شوق انتي شكو .... أنا بروح داري أنام ..تصبحين على خير
شوق : مالت ... وانتي من أهله
راحت
وقعدت شوق تطالع الشاشه حقت اللابتوب
فتحت المسن
شافت محد موجود
ياربي شهلملل
كملت دروسها
وراحت تنام
*******
شبيصير بحياة فهد بعد نوف
فرح وانشغالها بجاسم
شوق
...
ساره
والكل
نطروني بجزء يديد
اشوفكم على خير