[حلوة الإحساس]

يوووووووووووووووووه..

كتبت الردود وبديت في الموضوع..وبعدين اتسكر الكمبيوتر وراح كل حااجه :sm.66::sm.66:

,,,,,

امري لله بعييد اكتبه ...




شويييق..

هلااا والله حبووبه ..

تسلميين والله عيونج اللي احلى ومرورج هو الروعه

ان شاء الله ربي يعيشني لليوم اللي اشوف فستانج فيه ..

وانا ان شاء الله بسوي البوكيه بيج وداخله مشمشي

نورتينيsm.1.


سيمبل جيرل..

هلاا هلا هلا هلاا...

هههههه...ما يستوي احط الصور هنااا..:sm.55:
يا حلييلج,,

والفستان تاجير ..احسه احسن من الشراء..

حيااج sm.1.


البراءه..
اهلين وسهليين ..

الله يباارك فيكي تسلمي والله



دفء الشتاء..

يا هلاا والله ومسهلاا..

وهو كماان يحبك :sm.55::sm.55:

عقبال ما تلبسي مثله واحلى منه كماان ..

نورتيني يا عسل...sm.1.




,,,,,,,,,,,,,,,,,,,,,,,



لازم انسى شي ..اكتبه من قبل ..كل ما اخلص اكتب موضوع ..اتذكر اشيااء اني ما كتبتهاا..

حبيت اذكركم..على موضوع الاسنان..ان الخيط الطبي مهم .على الاقل تستخدميه مره في اليوم..على اساس يزيل البقايا بين الاسنان...وكماان شرب الشاي الاخضر واايد مفيد ..للفم وللجسم ولتخفيف الوزن....واشيااء ثاانيه ..موجوود فواايده في النت ...

اشربيه على الاقل مرتين في اليوم او ثلاث مرات ...


في كمان المسك الاصلي اللي من عند عبد الصمد القرشي ..يطهر ويعقم ويعطر ...الجسم..
في عده طرق لاستخدامه...وعده وصفات لتعطير الجسم وتنظيفه بتلاقونه مكتوب في الكتاب اللي قلتلكم عنه...اسمه اسرار الحريم...وفييه اشيااء واايد حلوة..بس ما في داعي اني اقووله ..


..........................................
الحينه تخيلي انو ضايل على عرسك شهر ...اول شي اتفقي انتي وزوجك انكم ما تشوفون بعض في هالشهر ..عشان يوم العرس يكون غيير...لا تخليه يخدعك ويشوفك زي ما صار معايا ههههههههههههه..الموقف موجود وكتبته في موصوع سواليف عرايس ...ما فيني حيل اروح واعمله نسخ..

.....يوم تروحين الصالون يوم فرحك..انتبهي انتبهي ..صح انه يوم فرحك ..بس حااولي انك ما تعصي ربك ..وابدى حياتك من غير معاصي...

اتذكر يوم زوجه اخوي راحت الصالون يوم عرسها...وقالت للحرمه اللي تمكيجهاا..
لوسمحتي انا ما اريد تحطيلي رموش...الحرمه ..تقولها انتي عروس لازم تسوين عشان تطلعي حلوة..وزوجه اخوي تقلهاا انا ما اريد رمووش ..المهم الحرمه سكتت..وبعدين زوجه اخوي قالتلها ..وكماان ما تشيلين من حواجبي...قالتلهاا بس شعره شعرتين ..وهي تقولها لااااااااااوالله..ولا نص شعره...راحت الحرمه سكتت..وقالتلهاا ..قولي ما تبين مكياج احسن..خخخخخخخخخخخخخخخخخخخخخخخخخخخخخخخخخ...بس صرااحه زوجه اخوي طلعت مكيااجهاا روعه..من غير رمووش ولا شيل حوااجب..

فانا الحينه حاجزه بنفس الصالون اللي سوت فيه زوجه اخوي ومع نفس الحرمه ..وراح اقولها نفس الكلاام ..اني ما اريد رموش ولا تشيل من حوااجبي...هههه اخااف تعصب ..:sm.55:

بس اهم شي ان ربي ما يغضب ...واكون بهاليوم ربي يرضى عليا ..شو الفايده من شعيرات نشيلها وللا نحطها.. تغضب ربنااا...بلااهاا احسن..

في شي ثاني..هو ما دري ليه العروسه يوم عرسها تهمل صلاتها وتضيعه...

لاتقولين بقضيهم بعدين..نحنا ما نعرف متى نمووت ..فأهم شي تؤدي الفريضه ..

لا تقولين ومكياجي وما مكياجي ....انتي اتوضي وحافظي على وضوئك ويوم ما يأذن صلي ..حتى ولو خايفه يخرب شي ..انتي بتكوني في الصالون ..وبعدلولك اللي اتخرب ...
...عزيزتي العروسه ..احلى شي يوم تكونين ضميرك مرتاح..لا تخربيه باول يوم في فرحك..وتسوي اشياء تغضب ربك...عرسك خليه اسلامي..والله حلو..في واايد اناشيد الاسلاميه...كلمااتهاا ولحنهاا ..كله حلوو....والله اكثرهم ..لو سمعتيه بتقولين هذي اغاني وللا شوو...

بس كذا سموونهااا..ونحنا كذا نبلعها ونسويهاا.. الله يهدينااا..



شوفوا هالفلااش..قصه العروس..

http://www.sarah-aslmi.com/arosh.htm


راح يواجهك بأول سنه زواج..صعوبات ..(ممكن راح تحسي ان زوجك اتغير عليك ..او انه ما فهمك او ما تفهميه ..وهذا الشي طبيعي ..اقوى سلاح للمرآه الصبر..اصبري واتحملي..واصمتي عن الامور التافهه ..لا تجيبي مشاكل فااضيه ..اذا الاشياء التافهه سويتيلها ساالفه ..عااد الاكبر منها وشو بتسويين فيهااا..
يعني هذا زوااج ..ممكن راح يدوم معك طول عمرك...راح تحطي بقلبك ايش وللا ايش ..
حاولي انك تتغاضي عن الاشياء اللي مو وايد مهمه...وما تخطيلها ساالفه ..يعني نقاش بسيط وخلااص غيروا الموضوع ..واضخكوا وخلااص..

...............................

الحين انا ..عايشه في اللحظات الاخييره ..بدى العد التنازلي ليوم عرسي..عباقي 13 يوم ..
وانا حاالتي حااله ..احس ان التفكير بياكلني....بس اللي حبيته انه التفكيير يحرق سعرات حراريه ..يعني بساعد في تنقيص الوزن..هههههه ما صدقت اني نقصت كيلو..من التفكير..بيومين بس..

بتقولون شو تفكرين ؟؟

يا خووخاات..الواااحده مناا..تكون تفكره في نفسها وتقول ..انا عشت مع اهلي كل هالسنوات ..وعايشه بينهم وحوليهم....فجاة بيوم وليله تروحين لبيت جديد ..لسقف جديد ..لروتين جديد ..لحياة جديده ....

يعني فتبدين تسرحين ..وتفكري..كيف انا بسوي ..وكيف انا بتاقلم ..وكيف وكيف..

يوم تحسين ان الموعد قرب وما عباقي الا القليل ..التفكيير يزدااد اكثر..وعااد اذا ما خلص امورك حق العرس ..بيكون همك همين...متى هذا بيخلص..ومتى هذا بيستوي..ومتى بروح لمكتب الفلاني ..ومتى ومتى ...

سبحاان الله..كنت انت مش عليك في البيت ..
المسؤوليه..على اخواتك وامك..والحينه بيكون عندك مسؤوليه بيت وزوج...

عااد اللي ما كانت متحمله مسؤوليه من قبل ..بيكون شوي صعب عليهاا ....


ها انا اكتب كلمااتي عشان اختم موضووعي الانيق..:P

واطلب منكم انكم تسامحوني لو خطيت على اي وحده فيكم ...
او زعلت اي وحده فيكم ...

واتمنى اظل نبض المنتدى ..هذا اللي من خلااله عرفت وين مواهبي ..وعرفت معنى الصحبه والاهل..والونااسه ..

اشكركم يا خوخاات من كل قلبي ..على سعه صدركم..وقلبكم الطيب...

واشكر الاداره والمشرفات والعضواات اجمعين.....sm.1.

ان شااء الله تستفيدوون من موضووعي هذاا ..والذكيه منكم ..تستفييد وتستنتج..وتستخرج الكلام والشي المفيد من ردودي ..وحتى المواقف اللي تحسوها مو مهم تنقاال..

واتمنى لو وحده فيكم انخطبت او انكتب كتابها...بعدين..انها تعييد وتقرا موضوعي ثاني مره..
لانك راح تفهمي وراح تحسي بكل كلمه اقوولهاا...وراح تقولين ايوا صح صح..حلوة قالت كذا حلوة صار معاها كذا ...

انا اترددت كثيير قبل لا انزل هالموضووع ..بس قلت لازم اشرح وانصح..واقول اللي انا شفته وحسيته ..

واتمنى من كل كل كل قلبي ..انكم تستفيدوا من موضوعي هذا ..رغم انه ملخبط والافكار مش مرتبه ..بس يعلم الله ..كم كنت مخلصه ..واحااول قدر الامكاان اني اكتب كل شي كل شي ..يفييد ..مش يكوون مكرر ومكتووب في النت ...قصرت في البيت وقصرت في نفسي ..لأجل اني الاقي فرصه اكتب هالموضوع .. ..اتمنى ان الموضوع ..هذا يظل ..والمشرفه تثبته..علشان مع مرور السنواات ..واي وحده تدخل قسم العروسه ..تستفيد وتاخذ فكره ..
وعلى شاان ما يرووح تعبي على الفاضي ..



..









وفي الختاام ..


بترك الموضووع هذاا ..وبترك قلبي فيه ...واللي حاابه تسأل عن اي شي ..او انها ما فهمت نقطه معينه او فكره معينه ..تقوول ..وانا تحت الامر ...



ربنا لا تؤاخذنا ان نسينا او اخطأناا...






سعييده انا فيكم ..والله ..وفي اهتماامكم..بهالموضووع..وربي اني زعلاانه انه خلص ..

ومش متخيله اني بتزوج..ابدن..يعني احساسي يوم الملكه ..ولا شي بالنسبه اللي احسه الحينه...احس ان اللي بيستوي حلم ..مو حقيقه..


راح اغييب عنكم حبايبي..لكن ما راح تغيبون عن بالي..

لكن اكيد ان شاء الله برجع لكم ..sm.1.



والسلام عليكم ورحمة الله وبركااته



:sm.55: