لولا الميانة ماشرهنا عليكم
لولا المحبة ماشكينا ولا شي
رحتوا واحنا ماقدرنا نجيكم
جيتوا ولا ميّل على شمسنا فَيْ
يا إللي تغيرتوا على من يبيكم
إلا الجروح الأوله نفسها هي
إنتوا شريتوا فراق عين تبيكم
وإنتوا جرحتوا قليبٍ ماله أبد زي
كم أشتكي منكم وكم أشتكيكم
تطويني الفرقى من عقبكم طي
وإنتوا مع النسيان إيده يإيديكم
وأنا لي الشوق وهمومها لي
أنا قلبي له زمـــانٍ بدييكم
عزّ الله إنه عقبكم ميتٍ حي