[Rayany]

سلامون عليكم ..



رجعت لكم بتقرير طويل عن [ تركيا ] ..
أول شي قبل ما تسآفرون معاي لازم نعطيكم خلفية بسيطـة
عن هالبلد الجميييييييل .



Türkiye

· العاصمة : انقرة
· اللغة الرسمية : تركية (لكن تستطيع ان تكلمهم بالانجليزية ايضا)
· العملة : ليرة تركية جديدة (وتستطيع ان تتعامل معهم بالدولار او اليورو)
· أكبر مدينة : أسطنبول

نكتفي بهالمعلومآت البسيطـة ..
والحين راح ننطلق من مطار دبي
وراح تستغرق رحلتنا مدة 4 ساعات ..!
طول الوقت كنت راقدة









4



3



2



1





وصلناااااااااااااااااااااا .. وأخيرا << قاصة على روحي لول









يا سلام على هالبلد .. جور ولا أروع ..
طبيعة متاحف مساجد ..
الناس معاملتهم ولا أروع ..
والحلو أن البعض يعرف عربي كشخه يتكلمون لغة عربية فصحـى
طبعا نحن حاجزين عند شركـة [ تامر للسياحـة ]
والصرآحـة مول ما عليها كلام ..
ما تم مكان ما زرناه ..
رحلـة من أروع الرحلات ..


.
.




قعدنا في فندق جراند حياة ..
في منطقـة تقسيم ..
وبعد قعدنا بفندق أنتركونتيننتال يم جراند حياة بالضبط
وهني صورة للمنطقـة صورة خذتها من الفندق ..
.



الفنادق ما عليها كلام وايد حلوة وراقية ومريحة ..
.


كنا صدق نشيطين .!
والجو ما عليه كلام ..
هو مو برد برد ..
بس وايد حلوو ..
وحلاته يوم يكون مغيم



هالصورة لمسيد في أسطنبول أعتقد ..!


هني يوم انتقلنا من أسطنبول إلى البورصـة




وهني صورة للبحر في البورصـة ..
ماشالله وايد ناس يقعدون هناك ..







وشي مقهى يدام البحر ..
يلسنا فيه وشربنا الجاي مالهم
واااااايد حلو الجاي مالهم
انا ما أشرب جاي مول
بس هناك شربت ..
وحتى غير أييبون لنا كل شي ونحن نسويه ..
أنا صورت كيف الطريقـة لكن فيديو وما اروم أحطيه ..
بس الصراحة كان عجيب وايد ..
وأكواب الجاي لازم تكون بهالشكل .. لاااازم



.
.


هناك شي مكان أسمه [ طبهاني ]
وايد حبيت المكان ..
طب يعني مدافع ..
وهاني يعني مكان ..
ها المرشدة خبرتنا
هني صورة الدري ونحن نركب فيه


وشي منظار ترومون شوفون فيه كل شي







.
.
في البورصـة شي قمـة .. الصرآحـة عجيبة وايد ..
يوم سرنا لها ما كنت مودية الكاميرا معاي نسيتها
فحسافة فاتتني كل الصور
يوم نسير لهالقمـة لازم نركب التلفريك
وناسة كان
بس ما فوت الأكل .. كان شي مطعم في القمـة ..
خذت موبايل أختي وصورت ..


أكلهم واااااايد لذيييذ ..
هالمطعم اللي سرناه جي نختار لنا الأكل
وشي مكان للشوي جي مكان دآئري عود نسير نحن نشوي فيـه ..
وايد كشخه كان ..


.
.

وسرنا بعد قريـة قدييييييييمة وايد عمرها 750 سنـة ..
هاي اللي ويانا تقول لنا عمرها 750 تنه وانا هني نقعت من الضحك
مسكينة ألوان والله وايد طيوبة كانت وتعرف تتكلم عربي شوي
بس كله بالفصحى












هالقرية اللي رحناها كل شي جديييييم فيها كل شي
بيوتهم والناس اللي فيها
كل شي كل شي
وايد حبيت الأماكن ..

وهناك بعد تعرفت على كلب أبيض لول .. شكلـه يكسر الخاطر
يطالع اللي رايح واللي راد ..وبعدين بعد لقيت كل 2 بني ها مول ما يكسر الخاطر



.
.

وهاي الصورة ف مدينة يلوا هالمدينة وايد حلوة
والطبيعة فيها جمييييييييلة Pp=

.
.



وهالصورة لمكان فيه عيون حاره
أسمها مياه ترمال وايد حبيت المكان




.
.


وبعدها انتقلنا لجزيرة الأميرات
جزيرة روعة من الخاطر
كأنها صدق جزيرة للأميرات
وايد حبيتها ..
هني يوم ننتقل للجزيرة



.
.



مآ شالله الطيور كانت أتيي عندنا
كنا نشتري جي خبز يسمونه [ سميد ] عندهم ونأكل الطوير فيه ..



.
.



وهني يوم وصلنا للجزيرة





















وايد حلوة كلها فنادق وخيول ..
شوفوا آخر صورة هاللون الأبيض اللي عاليرة ورود صغار روعة شكلها
وعاد ردينا من الجزيرة بس تجولنا فيها وردينا ما قعدنا ..

.
.

هني صورة الآيس كريم مالهم الصراحة طريقة تقديمهم ولا أروع ..
كشخه يوم يقدمه يسوي حركات وجيي انا صورته بالفيديو ..








وهناك شي حديقة أسمها حديقـة [ جلهان ] ..
كلها ورررود روعة وايد بس حسافة كل الصور اللي عندي صور شخصيـة فما روم أحطيها


.
.



الحين بوريكم المعالم الموجودة عندهم ..
أول صورة هاالمعلم هدية من أمانيا لتركيا ..








.
.

وهذي يسمونها مسلـّة وهذي بعد هدية من مصر لتركيا ..




.
.



وهالأشكال اللي تحت المسلّة كل واحد له قصـة بس انا ما استوعبت سالفتهم يوم تقول لنا المرشدة








.

وهالتحفـة موجودة ف مسيد هناك .. بس هالتحفة مصنوعة من مادري شنوو
بس وايد حلو شكلها وكبيرة ،!





وهذا من أول ما ندخل المسيد






.
.

وهنيي خزآن مائي .. تخيلوا قبل هالمكان متروس كللللللللله ماي
وكان خزان مائي
بس بعدين سووا لهالمكان صيانه وفرغوه من الماي عسب يصير مكان سياحي
حتى عالأعمدة موجودة خطوط مال الماي قبل جي ف نهاية العمود فوق


بس فهالمكان ما فرغوه كاااااامل من الماي لا يعني فيه ماي شوي ..
وداخل هالماي متروس ليرات .. أونه الناس يتمنون أمنيات ويقطون الليرة
بس مب متأكدة بالخزان يقطون ولا بمكان العمود الدامع -.-"
.

وبعد شي سالفـة أن يوم سووا صيانة لهالمكان شي عامل لقى هالأثر وما عرف شو يسوي فيه
فخلاه مقلوب .. معنه هالأثر كان آلهه عندهم قبل .. والحين صارت بعد أثر سياحي لول ..
أسمها ميدوساا ..



.
.

وهالصورة مجسم لمكان أسمه مينيتريك ..
مكان فيه آثار تركيا كلللللللللللللللللها بس مصغيرة
يعني مثل حديقة جي وفيها آثار تركيا كلها بس مصغيرة بوريكم صورت المكان يوم زرناه بعدين .!










.
.
وهذا يسمونه [ العمود الدامع ] 24 ساعة ينزل ماي ولحد الحين ما عارفين من وين أيي هالماي أمر عجيب




.


وهالمكان أسمه مسجد السلطان أحمد يسمونه [ المسجد الأزرق ]







.
.

وهني زرنا منيتريك حقيقة أول شفناها مجسم ..
شوفوا كيف كل المعالم والآثار بتركيا مصغرة ..
يعني اللي يبي يشوف كل الآثار يزور هالمكان بس هالمكان الآثار فيه تكون مصغرة





هالجسر اللي بالصورة يسمونه الجسر الملعق .!


.
.


وبهالقصر يوم دخلناه كل شي فيه 2
كل شي كل شي .. إذا كان باليمين شي باب صوب اليسار شي باب مثله ..
يعني كأن الجهة اليمنى تعكس الجهة اليسرى ..
كل شي 2 الكرسي ، السيادة ، الثرية ، الجامة كل شي ..
ومالقصد من هالشي أن يبون يثبتون أن كل شي فهالكون يمكن يكون له شيين الأ الله فهو الواحد الأحد
حبيت هالمكان وفكرته ..!




.
.



وهالمكان جي كله فيه أعشاش للطوير







.


.
وهالمكان هو البرج اللي حاول عباس بن فرناس يطير منه
فكرت أجرب تجربته بس للأسف ما خلوني Hehehe


وبهالشارع كله مطاعم وأسواق ..





.
.



وهالصور لبعض المناطق اللي زرناهاا هالأماكن الحلقات التركية يمثلون فيها







.


.


وهني نكون خلصنا جولتنا الجميلة في ربوع تركيا ..
واستمتعنا بمناطق عديدة في تركيا
[ اسطنبول ،البورصـة ، مدينة يلوا ، جزيرة الأميرات ]
وايد أماكن حلوة ..



حبينا شعبهم أكلهم أسواقهم طبيعتهم تعاملهم كل شي كل شي ..
أنصحكم يزيارة تركيا وانا الود ودي أزورها بعد للمرة ال3 ..
وهيه صح هناك تعلمت كمن كلمة تركية كشخه لغتهم والله ..

سلامون عليكم << ها سلامهم
أيفيت << يعني نعم
شوكراً ، şükran<< يعني شكر
لوتفه ن ، lütfen << يعني لو سمحت بس لازم ننطقها مع الهاء
كون ايدين << صباح الخير

ووايد كلمات نفعتني هناك

.


.


طبعا استغرقت الرحلة هناك مدة 10 أيااام ..
وبعدها انتقلنا لمآليزيا ..

وانتظروني مرة 2 بصور ماليزيا ..


وأتمنى أنكم استمتعتم بالرحلة معاي ..
وتعرفتوا على تركيا ..
ومعاالمها



وفي النهاية هالقطوة التركية اللي معصبة تسلم عليكم










Selametle

المصدر: منتديات بنات دوت كوم

---

Rayany in Turkey

الموضوع الأصلي : Rayany in Turkey || القسم : عـدسـتـي || المصدر : منتديات بنات دوت كوم || كاتبة الموضوع : Rayany