أوكي آنه باشرح لج بالتفصيل من الخطوة الأولى انتي تابعي وياي ،،
1)) أول شي فتحي صفحة يديدة في الفوتوشوب وخلي فيها الكلام اللي بتحطينه ..
2)) طقي right click على اللير واختاري duplicate layer فبيصير عندج ليرين ..
3)) كرري هالخطوة 5 مرات فبيصير عندج 6 طبقات ( ليرات ) رقميهم من 1 إلى 6 عشان يسهل عليج ..
4)) اللحين غيري مود اللير الثاني لي السادس خليهم كلهم dissolve بدال normal وطبقي اللي في الصورة
اللي محدد باللون الأحمر في كل layer غيري درجته على حسب المكتوب باللون الأخضر ..
5)) اللحين خلاص انتهينا من الفوتوشوب فننتقل للايماج ريدي Image Ready ..
6))غيري التوقيت وخلي ثانية ..
7)) روحي حق بوكس الطبقات ( الليرات ) وشيلي العين من كل الطبقات بس خليها على طبقة الخلفية والطبقة رقم واحد ..
8)) اللحين ردي من يديد حق بوكس الحركة ( الانيميشن ) كرري اللير ( صورة التكرار هي اللي على يسار السلة في الصورة اللي فوق ) بيصير عندج صورتين في البوكس ..
9)) عيدي الخطوة المساعية وروحي حق بوكس الليرات وشيلي العين من رقم واحد وحطيه في رقم اثنين ..
10)) عيدي هالخطوات وكل مرة شيلي العين من رقم وحطيه في الرقم اللي عقبه ..
11)) لين وصلتي حق رقم 6 عيدي الخطوات بس هالمرة تنازلي ( من الأكبر لي الأصغر ) يعني أول رقم في هالخطوة هو رقم 5 عقب 4 زجذي لي ماتوصلين رقم 1 ..
12)) مبرروك خلصتي اللحين تأكدي من شغلج وجوفي الحركة شلون ..
آخر شي سيفيه من file عقب save optimized as الصيغة gif ..
أتمنى من كل قلبي اني وصلت المعلومة لج ،، واذا في اي سؤال آنه حاضرة