SMS : { و لقد خلقنا الإنسان و نعلم ما توسوس به نفسه و نحن أقرب إليهِ من حبل الوريد }
اليوم الثــامن // ~ قمت الساعة 12 و أصلا كان نوم متقطع كل شوي أحد يدخل الغرفة >< نرفزونييييييييييييييييييييييي قمت جهزت عشان بنروح بيت خالة أمي قعدت أنطرهم ليمن الكل يخلص تجهيزه و بعدين طلعنا رحنا بيت خالة أمي يحليلهم الناس هناك طيوبيييييييييين حيل والله أبهم انزين تغدينا كان غدا لذيذ و بقولكم طاولتهم دائرية و فيه دائرة زجاجية بالنص هذا الزجاج الي بالنص يدور و فيه عليه أطباق الاكل بغيته اصوره بس والله تفشلت المهم و يدور يدور و انتي تاخذينه الي تبينه خخخ لو تشوفون شلون قمنا نلعب نبي ناخذ شي يدورون و امي تدوره علينا انا و اختي و احنا ميتين ضحك ترى مو متعمدين اهمه هو لا ارادي ما يدرون ان احد قاعد ياخذ فشسمه شنو اتفقنا انا و اختي قلنا دام امي تسوي هالحركات الا كل ما تبي تاخذ شي نوخره عنها و صج كل ما بغت تاخذ شي حركنا مسكينه أمي لووول و احنا ميتين ضحك عليها المهم قعدنا بعدين كلينا حلوو آآخ كانت وحدة مسوية حلوو لذييذ عاد خذيت الطريقة منها ان شاء الله لا سويتها انزلكم اياها بالمنتدى و بعدين ردينا البيت اهمه بيتهم بالشارجة عاد ردينا دبي و نطرنا الليل عشان نروح المول رحنا ارابيان بلازا تمشينا و تسوقنا و بعدين رحنا بن سوقات بس والله مادري شنو كانوا يبون من بن سوقات مافي شي مكتبة و مصور و محل حلويات خخخخخخ عاد يعني ترى مو صجْ هو تعبيز مجازي انزين و ردينا البيت بعدها عشان نحط الفلم و نطاااااااااالع و نسوي بوب كورن صورت لكم البوب كورن تراه بطعم الزبدة و خلص اليوم بررررررررررررررب ~