SMS : { و لقد خلقنا الإنسان و نعلم ما توسوس به نفسه و نحن أقرب إليهِ من حبل الوريد }
يوم الثاني عشر // ~ قمت الساعة 9 امي قومتني لان خلاص لازم نجهز عشان بنسافر خلاص تريقنا ( فطرنا ) آخر ريوق ويا بعض كنت متضايقة لاني بفارقهم و العبرة خانقتني و قمنا جهزنا و حطينا أغراضنا بالسيارة و رحنا المطار وأنا بحس بمغص ببطني .. يعورني حددده و هناك ودعنا بنت خالتي و خالتي و انا خانقتني العبرة و ناطرين بالمطار و تخيلوا طلع وزن زايد معانا آآآآآآآخ يا كثر الجناط 9 جناط معانا لا و فيه زولية ( سجادة ) يدي معطينا اياها هدية حق بيتنا اليديد و كبييييييييييييييرة هي بروحها 34 كيلو قولوا ماشاء الله فشوي ساعدونا ناس يحليلهم والله و بعد كانوا كويتيين ترى يحليلهم والله ما قصروا معانا أبد و ترى طلعوا قاعدين جدامنا بالطيارة يحليل عيالها واحد اسمه حسن و الثاني حسين و الباقي قاعدين مادري وين جدام ضلينا نلف بالسوق الحرة duty free شريت حلاو و كاكاو لووول و طلعنا عشان نركب الطيارة ركبنا الطيارة قريت دعاء الركوب و كنت أتحلطم من الطيارة أف خايس والله طيران الجزيرة الكرسي مو مريح و مكان المرور ضييييييييج >>> ترى انا مو دبة بس يعني بالنسبة لطيران الكويتية طيارة ضيييييييييييجة و تلوع الجببببببببببببببببببببد طبعا كما انني اخاف من الطيارة مغمضة عيوني و الطيارة تطير و انا ببجي ميته خرعة شادة روحي و شادة اعصابي بالكامل ميته خرعة و كل شوي اطل من الدريشة و اخترع و اغمض عيوني و عاد بقولكم شنو صار بالطيارة و احنا بالطيارة هذولة العايلة الي ساعدتنا وحدة حرمة كانت جدامنا ويا ولدينها الاثنين حسن و حسين و كل شوي يقومون يسولفون ويا اخوي خخخخ جان امهم تطقهم لووول واحد منهم بجى بس عاد مادري اذا هو حسن و لا حسين الي بجى انزين و بقولكم بعد شسويت باختي كان مادري واحد يتكلم بالطيارة يعد يقول ان بييبون اكل بعد شوي عاد صوته شبه غير مسموع يكلم روحه عاد قلت لازم أسوي مقلب بأختي الكبيرة غيرت ملامح ويهي و سويت روحي خايفة قتلها تدرين شقاعد يقول قالتلي شنو قتلها يقول الطيارة فيها خلل و لفيت ويهي و انا ميته ضحك بس حابسة ضحكتي بعد دقيقتين شفت ولا انقلب ويهها لووووووووووووووووول قتلها تدرين ان مو صج طقتني طقة لا ينرحم بعدها خخخخخخخخخخخ بس تصدقون استاهل الطقة مسكينه قعدت تتشهد عبالها بتموت كي كي كي بس والله طقتها قوية طقتني على ظهري قمت ما احس بظهري حخخخ بس عادي عادي لووول عاد مت من الضحك قعدت تتوعد فيني و تقولي اراويج اراويج صبري علي بس انا اورييييج و انا ميته ضحك عليها لووووووووووووول مسكينه خرعتها و بعدها وصلنا ما صدقت على الله نوصل قمت من مكاني اول ما طلعت من الطيارة شميت ريحة الكويت آآآآآآآآآآآآآآآآآآآآآخ اشتقتلها يا ناس غييييييييير والله غييييييييير الكويت غير حسيت نفسي غير اشتقت لها بغيت ابجي من الشوق و بس هذي كانت رحلتي للإمارات الحمدلله استانسنا كان سفرة حلوة خاصة ان أهلي هناك ان شاء الله ما تكون اخر مرة اشوف اهلي فيها تمتْ بحمد الله