[هاديه بس داهيه]

البارحه انا و جبسي و العميد النصراوي و دنقوو
كنا نلعب لعبه حلوه فـ agame
يلسنا نلعبها بالساعااات
و كل ماحد يمر من جدامنا ييلس يتحرطم
ويقولونا مامليتو من هاللعبه

و جبسي و دنقوو اونهم مابيرقدون الا يوم يخلصون اللعبه

بس بعدهم ما خلصووهاا
- - -
و انـاا قلـت لاازم احطلكم اللعبه عشـاان اتجربونها
بس اول شي لازم اقولكم كيف تلعبوون
عشان تعيبكم اكثر

يـلا نبـدأ
اول شـي تفتحوون الرابط
و بيطلعلكم جيي

دقو ع start Game
<- ادري انكم اتعرفووون

و عقب دقووو ع رقم 1 لانكم توكم فالبدايه ماوصلتوو مثلي لين 12

و عقب بتبدا اللعبه
بس اول شي بقولكم كيف تفوزون وتخسرون
اتجوفون وين الـ Day : هني اذا وصل مثلا 26\26 و الـ Goal ماوصل 100% يعني انتو خسرانين
يعني لازم الـ Goal يوصل 100% و اذا وصل 100% يعني انتو فزتوو
بتقولون كيف انوصل 100% ؟
بقولكم . . اول ما تبا اللعبه
بيعطونكم شويه بيزات .، اتجوفون وين الـ Cash هاي هي بيزاتكم
و الدكاكين هي اللي تحت محطوطه .. اتاشرون بالماوس عليها
بيطلعلكم سعر الدكان

انزين و الحين بقولكم كيف تبنون الدكاكيين
هوو سهل اول ما بتدشون اللعبه بتعرفون كيف .، بس انا حبيت اخبركم
اتجوفون وين انا حاطه دويرتين .، انتو اختارو اي واحد تبون و دقوو عليه

عقب مادقوون جوفو مثلا انا دقيت ع هاا اللي حاطه عليه رقم واحد
و عقب اسير ادق ع ها اللي انا حاطه عليه رقم اثنين
بس طبعاً انتو تختارون المكان اللي تبون تبنون فيه الدكان


بس انا انصحكم اذا تبون تبنون اول الدكاكين تبنونهم ع صوب اليمين اول شي
اذا لعبتوو اللعبه بتعرفون ليش . . !
و الحين بعرفكم ع هالـمربع


اول واحد اللي هو الكرسي
سعره اقل شي ., مادري بكم بس المهم ان هو اقل شي سعره
وحتى اقل فايده .، يعني بس ثلاث اشخاص يقدرون يلسون ع الكرسي
اما الباجي فأكثـر . . !
و ثاني شي الـ Music Ads اللي هوو مال المسيقاا
و سعره اغلى من الكرسي
و ثالث شي الـ News-stand وها احسن شي و اغلى شي
لانه الناس يوم بيقرون الجريده بعد بيدفعون بيزات


و هـا الاشياء يوم تبنون دكان اتحطونه عند الدكان
بتقولون ليش ؟ لانه يوم الدكان اصغير وحتى مرات يوم اتكبرينه
وايد ناس يدشون فييه .،
مثلا جوفو اذا مثلا الحد الاقصى ان يدشون المحل 8 اشخاص بس
مثل اللي فالصوره .، بتجوفون فالصوره 8\3 يعني بس ثلاث اشخاص الحين فالمحل
و يستوي يدشوون اكثر


اما اذا كان 8\8 يعني خلاص المكان انترس و لازم الناس يتريون
لين ما يحصلون مكان فالمحل . ، بس كيف تخلين الناس يتريووون ؟
بهااييل اللي حطيتهم


تحطونهم عند المحل اللي بنيتوه
عشان مثل ما قلت فووق .، واللي مافهم يخبرني
و الحين آخر شي و اللي هو الـ bus stop
هذا اغلى شي .، تدرون ليش ؟
لانه اييب ناس اكثر


فانصحكم اول مابيطلعلكم الـ Bus Stop
دقوو عليييه .، لانه بيفيدكم واايد
و الحيـن النـاس



بتجوقون فوق راسهم شي اخضر
ليش ؟ ها الاخضر يعني شكثر هم عندهم بيزات
و هالاخضر ينقص كل ما ها الشخص يسير يتسوق
و اذا استوا فرحان من فووق يعني فلوسه خلصت و بيسير
و جي السالفه
والحين بقولكم كيف تكبرون الدكان
طبعاً بتجميع الفلووس .، يعني هاييل الناس يوم يسيرون
يتشروون طبعا اتزيد فلوووسكم .، و اذا زادت الفلوووس
تحت بيطلعلج عالدكاكيين لييت مب ليت يعني .، الدكاكين تتلون
و انتي عندج الحين دكان يعني .، فبيطلعلج نجمتين
يعني دكانج بيكبر . .


و اذا تبينه يكبر ادقين ع النجمه
بس اذا كانو الناس موجودين فالمحل مايستوي اتكبرين الدكان
لازم تتريينهم يطلعووون .،
و جييي يعني
و اذا تبين اتعرفين اذا يستوي تشترين المحل الحين
ترا المحل بيكون بيتلون
مثل جيي


و طبعـااا كل محل اغلى عن الثاني
مثلا Boutique ارخص شي لانه الناس يوم يدشونه يدفعون اقل
بس كل ماتكبرين المحل الناس يدشوون اكثر و يدفعوون اكثر بعد
و جي اللعبه
و ها الرابط :
عذرا تم تعطيل الرابط لحمايتك

يلا اللي بيخلص اللعبه كااامله و بيطوف كل الاشواط يخبرني

المصدر: منتديات بنات دوت كوم

---

gufm hga,fkr gi,hj hgjs,r shopping street

الموضوع الأصلي : لعبة الشوبنق لهوات التسوق shopping street || القسم : المخالفات || المصدر : منتديات بنات دوت كوم || كاتبة الموضوع : هاديه بس داهيه