مصقوعة بطاسة
يمكن إنتي الي سويتيه مو غلط بالنسبة لردة فعل
بس انا مرة عصبت .. و قمت سويت نفس حركتج
و بعدها امي و ابوي اثنيناتهم زعلوا
قالولي في شي اسمه احترام للكبير
يعني كلنا قاعدين عالغدا و انتي تعصبين تقومين
بأي حق ! و انا و ابوج قاعدين و احنا كبير
و يبيلنا احترام
كلمي أبوج بأسلوب حلو
فهميه بس
و لا تصيرين حساسة وايد
الحساسية الزايدة مو حلوة و تبعد الناس عنج
و بنفس الوقت لا تصيرين راهية وايد
و تخلين كرامتج تنهان
وازني بين الأثنين
و بعدين ماله داعي كل هالبجي يا قلبي
و تخنقين روحج
و تكرهين نفسج
و ما تتنفسين
صدقيني الدنيا حلوة
و تيي أوقات نزعل فيها و نتضايق حيل
و انتي تضايقتي لان لابوج معزة كبيرة على قلبج
بس هدّي عمرج
جمعي الكلام الي بتقولينه
و توجهي لأبوج
ممكن جدام الكل
و ممكن بروحكم
و قوليله الي بخاطرج
و صدقيني أبوج بيفهم
و بترجعون عادي
ربي يوفقج
و يردكم لبعض
و ما تزعلون من بعض
طمنينا يالغالية 