--
يتصل تلفون البيت ترد ام دلع الا هي ام ايمن تبي رد بنتهم دلع..
--
ام دلع:هلا
ام ايمن:اهلين
ام دلع:هلا والله ام ايمن
ام ايمن : اخبارك؟
ام دلع:بخير الله يسلمك شلونك انتي والعيال؟
ام ايمن:الحمد لله ماعليهم انتي شلونك شلون دلع عساها بخير؟
ام دلع:الحمد لله طيبه..
ام ايمن:الحمد لله وشلون ابو دلع عساه بخير
ام دلع:الله يسلمك بخير وشلون ابو ايمن وشلون حماتك عساها معذبتك
ام ايمن:هههه معذبتني وبس خليها على ربك بس
ام دلع:عاد والله انها ذيك العجوز حبيبة بس مدري وش فيها عليك
ام ايمن:ايه حبيبة بزياااده
ام دلع:هههههههه الله يقطع ابليسك
ام ايمن:الا شخبار عروستنا؟
ام دلع:عروستكم بخير والله تركض ورى هالدراسه
ام ايمن :زين والله عاد ولدي مايبي الا وحده شاطرة ومثقفه
ام دلع:وان شاء الله طلبك عندي
ام ايمن:هاا بشري وافقت ولالا؟
ام دلع:ماعليه اصبري علينا كم يوم وراح ارد لك خبر
ام ايمن:والله انا بنتظر بس ايمن الله يهداه مستعجل
ام دلع:قولي له لايستعجل تراه بيشبع من الحياة الزوجيه
ام ايمن:اي والله وانتي صاادقه بس خلينا نعرسهم ونفتك من رجتهم
ام دلع: اي والله بس عسا دلع توافق بس
ام ايمن:يالله انها توافق عاد وين بتلقى احسن من ولدي
ام دلع:اي والله صدقتي
ام ايمن:عالعموم ياليت تعجلون برايها لان ولدي مستعجل
ام دلع:مايصير بخاطرك الا طيب وان شاء الله يومين ثلاثه ونعطيكم رايها
ام ايمن:حصل خير ..
ام دلع:الله ييسر
ام ايمن:يالله يام دلع ماودي اطول عليك..سلمي على اهلك
ام دلع:يوصل ان شاء الله تسلمين
ام ايمن:يلآ تآمريني بشي ياخيتي
ام دلع:سلآمتك والله يحفظك
ام ايمن:الله يسلمك مع السلامه
ام دلع:فمان الله..
--
وهذي مكالمة ام دلع وام ايمن..
بس وش راي دلع بهالمكالمه..؟؟
وبدت سالفة الزواج بكيفهم ..~
--
تصحى دلع وتنزل عند امها بالصاله
--
دلع:سلام
ام دلع:وعليكم السلام صح النوم يالعروس
دلع..تطالع بنظرات استغراب:عروس؟
ام دلع:عروسة ايمن
دلع:ماشاء الله ومن هالحين صار اسمي عروسة ايمن؟؟
ام دلع:يابنتي لاتفشليني قدام خالتك والله ايمن مايعيبه شي والف وحده تتمنااه
دلع:اجل خلي وحده من هالالف تاخذه
ام دلع:دلع راح توافقين وانا ماراح اغصبك على شي يضرك انا ابي مصلحتك..
دلع:باللهي صار فيها غصب لالا ياتقولين لهم اني راافضه ولا انا اتكلم واقولها بوجهه
ام دلع:وليه يعني منتي موافقه؟
دلع:اولاً توني صغيره عالزواج ثانياً ايمن يفرق بيني وبينه سن كبير ثالثاً ايمن بالذات ماراح اخذه
ام دلع:وليه ان شاء الله صغيره ولا كبيره راح تتزوجينه يعني تتزوجينه
دلع:يمه انتي خذيتي ابوي بالغصب؟
ام دلع:لآ بس عرفت مصلحتي معااه
دلع:خلآص انا ايمن ماراح اخذه وبس عاااااد
ام دلع:ياقليلة الحيا ترفعين صوتك على امك
دلع:وش فيكم انتو مسوين ادرى بمصلحتي خلاًص من كلمة وحده قلت مابيه يعني مابيه اوووف
---
وتقوم وتروح دارها
--
دلع:يووه يآآيمن ذا مسوي لهم سحر عشان يعطونه كل هالتقدير والاحترام والله ماعنده ماعند جدتي
--
وقفه: نسينا مانعرف ايمن..~
ايمن:شاب مملوح ومزيوون ورزه وطويل لاهو اسمر ولاهو ابيض عمره 25-24
عيوبه:راعي بنات وكل يوم مخاووي بنت وله سوابق >>دلع مو بس رفضته عشانها تحب حمود بعد عشان عيوبه
وظيفته:بالبنك على قد حاله وراتبه كويس
--
دلع تبدل ملابسها وتروح لحموودتها..
وهي نازله
--
دلع:مع السلامه يمه..
امها:على وين ان شاء الله؟؟
دلع:بروح لرفيقتي..
ام دلع:بالله من هالرفيقه الي كل يوم رايحه لها ولاهي طبت بيتنا
دلع:اوعدك راح اعرفك عليها وراح تجي ان شا الله يلا باي
ام دلع:الله يحفظك
--
راحت دلع المستشفى لقت حمود ويا امه
--
دلع:سلام عليكم
محمد.وام محمد:وعليكم السلام
محمد:هلا والله
ام محمد:هلا بنيتي شلونك عساك زينه
دلع:الحمد لله بخير انتي اخبارك..؟
ام محمد:الحمد لله طيبة
دلع:الحمد لله
---
تقرب صوب محمد
---
دلع:اخبارك حبيبي؟
محمد:بخير بشوفة الحلوين
دلع:دوووم
محمد:انتي اخبارك عساك بخير؟
دلع:الحمد لله..
محمد..دلع فيك شي اشوفك متغيره؟
دلع:لا بالعكس اعرف اذا شفتك انا بخير
محمد:متآكده؟
دلع:ايه متى قال الدكتور بتطلع؟
محمد:لانك سحبتي على سؤالي بسحب على سؤالك
دلع:يؤ وانت وش سؤال
محمد:قلت لك متآكده مافيك شي؟
دلع:ايه الحمد لله مافيني شي..
محمد:ايه زين
دلع:يلآ متى قال الدكتور بتطلع؟؟
محمد:ثلاثه ايام واطلع..
دلع:الحمد لله
محمد:وه ودي اطلع احس اني مكتووم اشتقت للمجمع واشتقت لكل شي
دلع:قريب ان شاء الله
--
يدق جوال ام محمد
وتدور مكالمة بينها وبين ولدها الكبير الي اكبر من محمد ..
--
ام محمد:محمد حبيبي
محمد:سمي يمه
ام محمد:اخوك تركي يبيني بالبيت يبيني اروح
محمد:وماشاء الله والاستاذ تركي ماوده يزور اخوه
ام محمد:ماعليك ولدي تعرف اخوك كسوول مايطلع من البيت
محمد:ايه مايطلع بس حزة مغازلة فوز منتخب يطلع..
ام محمد:خلآص عيب مهما صار هذا اخوك عيب تقول عنه كذا
محمد:الله والاخوو
ام محمد:محممد >>وتطالع بطرف عينها
محمد:امزح امزح شوفي لولدك بس
ام محمد:يلآ مع السلامه انتبه على نفسك
محمد:ولايهمك
دلع:فمان الله
محمد:هلا والله بشيخة البنات بزينة البنات دلووع اشتئت الييك
دلع:وانا كمان ابن عمي
محمد:ووووه فديت دلع السوريه انا
دلع:اقول اهجد
محمد:افا هذا جزااي اني اغازلك..
دلع:هههه
محمد:فديييييت الضحكه انا دوووم
دلع:ماشاء الله اشوفك اليوم احسن من اول ماشاء الله عليك..
محمد:ماشا الله علي 
دلع:اصلا المفروض اليوم تطلع بس انت تدلع
محمد:اتدلع ونسيتي مين حبيبتي؟
دلع:ايه صح
محمد:طيب قلبوو والله احسك متغيره
دلع:يمكن مانمت زين..
محمد:وليه عسى ماشر سلآمات؟
دلع:لآ الحمد لله بس انا نومي قلق
محمد:دلع فيك شي قوولي..
دلع:تبيني اكذب واقول ان فيني شي>>عصبت
محمد:وي وي شوي شوي لاتاكليني بس انا خفت عليك
دلع:تخاف علي وترفع ضغطي
محمد:خلآص حبيبتي حقك علي اسف وماراح ارفع ضغطك
دلع:.طيب.>>تتغلى
محمد:زعلآنه؟
دلع:لآ
محمد:اكييييد؟؟
دلع:ايه
محمد:متآكده
دلع:ايييييه
محمد:لآلآ احس فيك شي
دلع..اوووف محمد وش فيك اليوم >>ترفع صوتها وتعصب
محمد:هههههههههههه امزح بس بغيت افور دمك
دلع:اووه روح زييين
محمد:وي وي وي الا معصبه
دلع..|>>تطالع فيه بنظرة وتطلع برا الغرفه
محمد:دلللللللللللع تعااااااااااااالي امزح انا تعالي
--
يقوم ويلحقها
ولحقها لين وقفها
--
محمد:دلع وش فييييك
دلع:محمد تدري اني معصبه وليه تفور دمي؟
محمد:ولله مابغيت ازعلك بس حبيت اخفف دمي
دلع:بعدين وش مقومك من سريرك؟؟
محمد:والله خفت تزعلين ولا تردين مره ثانيه
دلع:لاحبيبي يمكن ازعل بس مستحيل اتركك
--
يقرب منها ويضمها..
وفي هذي اللحظه..
ايمن كان جاي يزورصااحبه
وشاف دلع وهي بحضن محمد
ايمن انصدم ووقف
حست دلع ان في احد يراقبهم وفكت محمد
تطالع الا ايمن ينااظر لهم
يرجع ايمن يعطيها نظرة استحقاار وصدمه ان هذي دلع
ويرووح
ودلع من كثر الصدمه ماتحركت ومحمد يكلمها
محمد:دلع .. دلع وش فيك ردي علي تعرفين هذا دلع ردي تكفين
واخيراً ردت دلع..
دلع:محمد خلنا نرووووووووووح بسرررررعه
محمد:ويين نروح
دلع:جهنم بس اهم شي نروح
محمد:دلع وش فيك تعالي تعالي نرجع الغرفه
--
ويرجعون للغرفه..