يدخلون الغرفه..
ودلع متوتره وياويلها
--
محمد:دلع حبيبتي اسم الله عليك شفيك؟
دلع:عطني مويه
محمد:امسكي قلبي ..
دلع:وه ياويلي ويلآه يآويلي ياويلي
محمد:منهووووووووووو ذاااااااا؟
دلع:ووجع لاتصارخ
محمد:طيب منهو ذا ترا شككتيني واغار عليك انا
دلع:ووقته الحين تغار
محمد:من ذا طيب؟
دلع:ولد خاالتي
محمد:ووووووووي وشافنا بذاك المنظر
دلع:اهئ اييييييييه
محمد:ورحتي فيها يادلع
دلع:والله انك اناني انت ماتفكر الا بنفسك
محمد:وش علي منه يعني بيضربني؟؟
دلع:محمد هالحين والحل اقول لهم منو انت
محمد:وش فيها يعني شوفي انا اعترفت لامي
دلع:امك تفرق عن امي
محمد:اسمعي دلع ان كنا بنفترق بسبب ولد خالتك اعذريني بصراحه راح تطيحين من عيني
دلع:ومن قاال اننا بنفترق
محمد:خوفك حسسني بهالشي
دلع:هو احتمال نفترق بس ان شاء الله مانفترق..
محمد:دلع تكفييييييين الله يخليك انا ماابي اغيب عنك لو لحظه دلع انا احبك لاتتخلين عني
دلع:وش نهاية حبنا محمد؟ فراق؟
محمد:لآ الله لايقولها
دلع:اجل زواج..؟
محمد:ان شاء لله ربي اذا يسر
دلع:محمد ان مافكرنا بالزواج الحين متى نفكر
محمد:دلع انتي عارفه ان هالشي بدري وبدري عالمسؤليه واكون نفسي
دلع:محمد انا الحين انفضحت
محمد:مدري وش اقول لك دلع
دلع:أووف محمد خلآص انا بروح البيت
محمد:وتخليني بروحي؟؟
دلع:مو وقته حمود
محمد:اوك
دلع:باي
--
دلع تمشي وتكلم نفسها
:ليه ماقدرت اقول لمحمد ان ايمن يبي يتزوجني عشان كذا انا خفت
اخاف يمسك هالايمن علي لو يصير شي ولا شي يقول ايمن وايمن
لالا مااتوقع حمود من هالنوع بس هالحين وش الحل والله بيوديني في ستين داهيه
ياويلي وش اسوي الحين والله تمنيت الموت في ذيك اللحظه
--
تروح دلع وتوصل البيت..
--
تركض بسرعه لغرفتها..
--
بعد مرور ثلاث ايام من دون ماتزو محمد ولا شي طلع محمد من المستشفى بالسلامه..
--
في هذي الثلاث الايام يتصل رقم غريب على جوال دلع:
دلع:الوو
ايمن:هلا والله
دلع:مين؟
ايمن:مين يعني ماغيره الي حاضنك بالمستشفى قدام خلق الله ماعرفتيني..؟
دلع..تسكر الخط بوجهه..}
--
وارسل لها رساله
الرساله:يادلع ابي اشوفك ضروري..~
وماردت عليه
رجع يتصل
ردت دلع وسكتت
ايمن:انا عارف ليه ماتبين تتكلمين اصلا مالك وجه تحطين عينك بعيني بعد الي سويتيه
دلع:وانا وش سويت؟
ايمن:حلو انك رديتي بس ليتك سكتي اسمعي خليني اشووفك مايصير نتكلم بالتلفون
دلع:مااقدر
ايمن:اهاااا مع هذاك تقدرين ومعي لآ
دلع:ماابي اطلع معك يعني ماابي
ايمن:دلع احسن لك خليني اشووفك..
دلع:وش تبي مني طيب
ايمن:قلت لك مايصير اقوله بالتلفون وين اشوفك؟؟
دلع:اوكي بمطعم......~
ايمن:وعادي قدام الناس والله صارت عادي عندك الفضايح
دلع:طيب مو انت ولد خالتي
ايمن:ولد خالتك بس مو محرمك
دلع:طيب انت شوف لنا اي مكاان..
ايمن:اوكي انا بمرك بسيارتي..~
دلع:لآ بس انت قول لي وين بتوقف سيارتك وبجي
ايمن:اوكي..
--
ودار بينهم الكلام واتفقو على المكان..
--
دلع:هلا؟
ايمن:هلا فيك شلونك؟
دلع:ياليت تخلص
ايمن:اوكي على راحتك..~
دلع:طيب؟
ايمن:دلع انا بصراحه انصدمت فيك ماتوقعتك من هالحركات ومقابلة شباب ومدري وش..
دلع:وش تقصد
ايمن:انا عرفت ليه رفضتيني عشان حبيب القلب وشسمه؟
دلع:اولا انت عارف ليه رفضتك لانك راعي بنات ومعازلجي
ايمن..يشد شعرها:انا راعي بنات وولد وانارجال مايعيبني شي بس انتي بنت وراعية شباب وش تبين يقولون عنك الناس
دلع:اااه فك شعري بعدين انا وااحد بس حبيته وحبني واحنا بنكون لبعض
ايمن:اسمعيني دلع انا يوم قابلتك بالمستشفى اول مره وش قلتي لي قلتي صديقتي مريضه بزورها
دلع:ايه؟
ايمن:وانتي كذاابه انا دخلت الغرفه بنفسي وشفته نفسه الي كنتي مرتميه بحضنه
دلع:وانت وش دخلك تدخل الغرفه؟؟
ايمن:والله تبين الصدق زي ماقلتي راعي بنات وحبيت اسلم على خويتك ولللاسف طلع خويك
دلع:وقح وقليل ادب انت وش تبي مني الحين وش تبي؟؟
ايمن:بالهداوه دلع انتي رفضتي خطوبتي عشان واحد ضيع سمعتك
دلع:المطلوب مني؟
ايمن:احمدي ربك اني بهالطيبه
دلع:الزبده وش عندك؟
ايمن:انا بتزوجك عشان استرك
دلع:هههههه وانا وش مسويه يابعدي غير اني احب حاالي حال الناس
ايمن:حب هذا بالله تسميننه حب حتى لو كان حب في مجتمعنا يسمونه فاحشه
دلع:والله كيفهم الحمد لله النيه صافيه بيني وبينه وخلآص هو بيسترني انت وش عليك
ايمن:فكري بالموضوع
دلع:وانا ماني موافقه..
ايمن:دلع ترا مستعد افضحك قدام اهلك..
دلع:تسويها
ايمن:بس لانك بنت خاالتي وحبيبتي راح اتزوجك واسترك
دلع:يوووووه انا ماابيك
ايمن:ترا والله اودي امك عند محمد واقول له هذي ام دلع وخليه يقول مين هو
دلع:ههههههه وتحسبه غبي لهالدرجه بيقول مين انا؟؟
ايمن:لآ بس بخليه يعترف بالقوه
دلع:اسمع ايمن ان كان قصدك بالستر ومالستر محمد بيسترني
ايمن:اهاا واسمه محمد عاشت الاسامي والله عالعموم دلع انا بخليك تفكرين بالموضوع
دلع:طيب اذا كان محمد موافق في الموضوع انا موافقه
ايمن:وهو على كيفه؟؟
دلع:اقوول وخر عني بس
ايمن:من وين تعرفتي على محمد؟؟
دلع:مو شغلك انا حره وبكيفي
ايمن:عشان ماعندك لاخوان وابوك لاهي عنك تقومين تشوهين سمعة اهلك
دلع:طيب وانت وش دخلك سمعة اهلي ولا اهلك
ايمن:لاحبيبتي كلنا اهل قولي من وين تعرفتي عليه لاخليك تجاوبين بالقوه
دلع:وش بتسوي..؟؟
ايمن:والله اسطرك واقطعك تقطيع تكلمي يلآ
دلع:يعني عشان ماعندك خوات تستقوي علي ومسوي نفسك رجال
ايمن:انا رجال غصب عنك وعن الي مايرضى واحسن لك اختاري الفااظك وقولي كلام على قدك
دلع:طيب وانت وش تبي مني الحين؟؟
ايمن:من وين تعرفتي عليه؟؟
دلع:أأووف بالمجمع....]
ايمن:وشووووووووووووووو مالقيتي الا هالمجمع كله عيال ويالله تلقين بناات اصلا مايجيه الا البنات زيك زباله لا لهم لا شرف ولا اصل
دلع:احترم نفسك ايمن انا بنت ناس غصبن عنك
ايمن:ااه ياقليلة الحيا وصلت فيك المواصيل تدخلين هالمجمع
دلع:وش فيها يعني اتسلى
ايمن:تتسلين بشرفك والله ماتستحين
دلع:ايمن وخر عني يالله انا مو ناقصتك هاالحين عقلت ولا مع بنات الناس تشجعهم
ايمن:والله يادلع ان سمعت انك دخلتي هالمجمع مره ثانيه ماتلومين الا نفسك
دلع:وش بتسوي بتراقبني؟؟
ايمن:واخطر بعد
دلع:ايمن وش تبي مني يعني؟
ايمن:انتي حلو انك اعترفتي بالحبيب واعترفتي انك تروحين هالمجمع واعترفتي انك تحبينه ويحبك
دلع:الزبده
ايمن:للاسف دلع انا جالس اسجل كلامك بالحرف الوواااااااحد
--