انشودة" ياليت كل الخلايق"
للمنشد البحريني : حمد الجابري
ألحان: إيهاب الريفي
كلمات الشاعر : نواف آل محمود
من شريط ابتسم
ياليت كل الخلايق مابهم حساد
وياليت كل المشاعر صادقة بالناس
كانالمحبة بحنايا هالبشر تزداد
وكان الضمير اللي فينا يمتلي باحساس
ياليت نملك قلوب مابها أحقاد
وياليت نقدر نسامح غيرنا لوزل
كان الزمان اللي نحياه ماحوى أذلال
وكانت حياة الخلايق بالفعل أجمل
ياليت نملك لسان صاين كل نفس
وياليت نعمل فعايل طيبه للغير
كانت نوايا الخلايق ساطعه كالشمس
وكانت طبايعنا دايم للبشر شي غير
هذي رسالة وأبيها توصل الاحساس
وهذي أماني بقلبي صرت أنشدها
تكفون خلونا نمشي دربها ياناس
والفرحة نرجي من الله دوم نحصدها
رابط الانشودة :)
استماعاٌ موفقاً :sg.5:
اتمنى انها نالت على إعجابكم
ولاتنسون الردود حبايبي.:sg.7:
ودمــــتم سالميــن
